完整藏文原文 · 德格版页 当前仅加载第 35 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་མཚན་བརྒྱན་པ། །པད་མོའི་གདན་ལ་བཞུགས་པ་བྱས་བསྒྲུབས་ཤིང་། །རྟག་ཏུ་སངས་རྒྱས་ཡོན་ཏན་བརྗོད་པས་ན། །དགའ་བ་བྱེད་པའི་འོད་ནི་དེས་གྲུབ་བོ། །འོད་ཟེར་མོས་པར་བྱེད་པ་རབ་བཀྱེ་ཞིང་། །སེམས་ཅན་
D44.035.0228a01.01ཇི་སྙེད་འོད་ཟེར་དེས་བསྐུལ་བ། །དེ་དག་ཐམས་ཅད་སངས་རྒྱས་མོས་པས་དགའ། །ཆོས་ལ་མོས་དགའ་དགེ་འདུན་མོས་པས་དགའ། །དེ་དག་རྟག་ཏུ་སངས་རྒྱས་མོས་དགའ་སྟེ། །ཆོས་ལ་མོས་དགའ་དགེ་འདུན་མོས་དགའ་བས། །སངས་རྒྱས་ཆོས་དང་དེ་
D44.035.0228a02.01བཞིན་དགེ་འདུན་དང་། །རྟག་ཏུ་འགྲོགས་འཐོབ་བཟོད་པ་བླ་མེད་འཐོབ། །སངས་རྒྱས་རྗེས་དྲན་ཆོས་དང་ཚོགས་མཆོག་ལ། །སེམས་ཅན་མང་པོ་བསྐུལ་ཞིང་དྲན་བྱས་ཏེ། །བྱང་ཆུབ་སེམས་ཀྱི་ཡོན་ཏན་བསྟན་པས་ན། །དེས་ནི་འོད་ཟེར་མོས་པར་བྱེད་པ་གྲུབ། །
D44.035.0228a03.01འོད་ཟེར་བསོད་ནམས་བསྩགས་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །བླ་ན་མེད་པའི་བྱང་ཆུབ་དོན་གཉེར་ཅིང་། །སྦྱིན་པ་སྣ་ཚོགས་དུ་མ་ཡོངས་སུ་གཏོང་། །དེ་དག་མཆོད་སྦྱིན་ལྷུག་པ་བྱེད་པའི་ཚེ། །སློངས་མོ་པ་ཡི་བསམ་པ་
D44.035.0228a04.01རྫོགས་བྱས་ཏེ། །བསམ་པ་ཀུན་ཚུལ་སྦྱིན་པ་བྱིན་པས་ན། །དེས་ནི་འོད་ཟེར་བསོད་ནམས་བསྩགས་གྲུབ་བོ། །འོད་ཟེར་ཡེ་ཤེས་ལྡན་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེས་བསྐུལ་བ། །ཆོས་གཅིག་སྒོ་ནས་ཆོས་གཅིག་མིན་པ་ཡི། །ཆོས་ཀྱི་སྒོ་
D44.035.0228a05.01རྣམས་ཡུད་ཀྱིས་རྗེས་དྲན་ནས། །ཆོས་ཀྱི་བྱེ་བྲག་སེམས་ཅན་འཛིན་བཙུད་དེ། །དེས་རྟོགས་དོན་གྱི་ཡེ་ཤེས་རྣམ་ཕྱེ་ཞིང་། །ཆོས་ཀྱི་ཚིག་དོན་བརྗོད་པ་བྱས་པ་ནས། །དེས་ནི་ཡེ་ཤེས་ལྡན་པའི་འོད་ཟེར་གྲུབ། །འོད་ཟེར་ཤེས་རབ་སྒྲོན་མ་རབ་བཀྱེ་ཞིང་། །སེམས་ཅན་
D44.035.0228a06.01ཇི་སྙེད་འོད་ཟེར་དེས་བསྐུལ་བ། །སྟོང་པ་བདག་མེད་མ་སྐྱེས་མ་བྱུང་བ། །རང་བཞིན་མེད་པའི་ཆོས་ལ་རབ་ཏུ་འཇུག །བདག་པོ་མེད་ཆོས་སྟོང་པ་བྱེད་མེད་པ། །སྤྲིན་དང་སྨིག་རྒྱུ་ཆུ་ཟླ་འདྲ་བའི་དངོས། །རྨི་ལམ་ལྟ་བུ་གཟུགས་བརྙན་རང་བཞིན་རྣམས། །བསྟན་པས་ཤེས་
D44.035.0228a07.01