完整藏文原文 · 德格版页 当前仅加载第 35 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
བ་མེད། །རྡུལ་རྣམས་རྒྱ་མཚོ་ཐམས་ཅད་དག་ལ་ཡང་། །རྒྱལ་སྲས་ཐམས་ཅད་སྤྱད་པ་རབ་སྤྱོད་དེ། །རང་གི་ཞིང་དང་ལུང་བསྟན་ས་ཡི་རྣམས། །བསམ་པ་རྣམ་དག་ཚུལ་བཞིན་དེ་དག་མཐོང་། །ཀྱེ་རྒྱལ་བའི་སྲས་དག་སངས་
D44.035.0109a01.01རྒྱས་བཅོམ་ལྡན་འདས་རྣམས་ཀྱི། །འཇིག་རྟེན་གྱི་ཁམས་རྒྱ་མཚོའི་རྒྱན་ཤིན་ཏུ་བསྟན་པ་ནི་བསམ་གྱིས་མི་ཁྱབ་སྟེ། ཀྱེ་རྒྱལ་བའི་སྲས་དག་དེ་ཅིའི་ཕྱིར་ཞེ་ན། འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པའི་དམིགས་པ་དག་ལའང་དམིགས་
D44.035.0109a02.01པ་རེ་རེ་ཞིང་ཡོངས་སུ་དག་པའི་ཡོན་ཏན་དང་རྒྱན་ཤིན་ཏུ་བསྟན་པ་རྒྱ་མཚོ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོ་ཡོངས་སུ་དག་ཅིང་ཡོན་ཏན་མཐའ་
D44.035.0109a03.01དང་དབུས་མེད་པས་ཡོན་ཏན་རྣམ་པར་དག་པའི་རྒྱན་ཤིན་ཏུ་བསྟན་པ་རྒྱ་མཚོ་འདི་ཉིད་ཡོངས་སུ་བསྟན་པའི་ཕྱིར་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་གི་རྒྱ་མཚོ་འདི་རྣམས་ཐམས་
D44.035.0109a04.01ཅད་ཀྱང་། །རིན་ཆེན་རྒྱན་ཅན་འོད་ཟེར་གནས་པ་སྟེ། །སྡུག་ཅིང་གསལ་བའི་སྤྲིན་གྱིས་ཀུན་ནས་ཡོག །རིན་ཆེན་ཐམས་ཅད་འོད་ཀྱང་རྣམ་པར་འབར། །མུ་ཏིག་ནོར་བུའི་སྤྲིན་རྣམས་ཟད་མི་ཤེས། །སངས་རྒྱས་གཟུགས་བརྙན་ཕྱོགས་སུ་རྣམ་པར་
D44.035.0109a05.01སྣང་། །ཞིང་ན་ཡོད་པའི་རྣམ་པར་འཕྲུལ་པ་རྣམས། །བྱང་ཆུབ་སེམས་དཔའ་རྣམས་ལ་རྟག་ཏུ་སྟོན་པ་བྱེད། །སངས་རྒྱས་གསུང་གི་སྤྲིན་ནི་བསམ་གྱིས་མི་ཁྱབ་སྟེ། །ནོར་བུའི་རྒྱལ་པོ་ཐམས་ཅད་སྙན་པར་སྒྲོག །རྣམ་པར་སྣང་མཛད་སྔོན་གྱི་སྤྱོད་
D44.035.0109a06.01པ་རྣམས། །རིན་ཆེན་རྣམས་ལས་རྟག་པར་སྣང་ཞིང་གྲག །སངས་རྒྱས་རྣམ་པར་སྣང་མཛད་དྲི་མེད་འོད། །རྒྱན་རྣམས་ཐམས་ཅད་ནང་ན་རྣམ་པར་སྣང་། །འཁོར་རྣམས་གཟུགས་བརྙན་མཚན་ཉིད་འཆང་བ་དང་། །སྤྲུལ་པ་རྣམས་ཀྱིས་ཞིང་གི་རྒྱ་མཚོ་
D44.035.0109a07.01