完整藏文原文 · 德格版页 当前仅加载第 35 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་འོད་དང་། རིན་ཆེན་དྲི་མེད་རྨད་དུ་བྱུང་བ་དང་། ཕྱིར་མི་ལྡོག་པར་རབ་ཏུ་གནོན་པ་དང་། མེ་ཏོག་གི་ཕྲེང་བའི་འོད་ཀྱི་དཔལ་དང་། འོད་ཀྱི་དཔལ་སྣང་བའི་རྒྱལ་མཚན་དང་རིན་ཆེན་གཙུག་ཕུད་རྣམ་པར་སྣང་བ་དང་མིག་ཀུན་ཏུ་སྣང་བ་དང་། སའི་དཔལ་གྱི་བེའུ་འཛིན་པ་དང་། ལྷའི་བུ་སྒོ་ཐམས་ཅད་དུ་སྐྱོམ་
D44.035.0010b01.01པའི་དཔལ་གྱི་འོད་དང་། དེ་དག་ལ་སོགས་པ་ལྷའི་བུ་ཉི་མའི་རིས་སུ་གཏོགས་པ་མུ་མེད་པ་ཀུན་ཀྱང་དགེ་བའི་རྩ་བ་ཤིན་ཏུ་སྦྱངས་པ་འགྲོ་བ་ཐམས་ཅད་ལ་ཕན་པ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ །སུམ་ཅུ་རྩ་གསུམ་གྱི་རིས་སུ་གཏོགས་པ་བརྒྱ་བྱིན་ལྷའི་དབང་པོ་ལ་སོགས་པ་ཚད་མེད་
D44.035.0010b02.01པ་དག་དང་ཡང་ཐབས་གཅིག་སྟེ། འདི་ལྟར་ལྷའི་དབང་པོ་བརྒྱ་བྱིན་དང་། ལྷའི་བུ་སྒྲ་ཀུན་ཏུ་གྲགས་པའི་དབང་ཕྱུག་དཀྱིལ་འཁོར་དང་། བྱམས་པར་ལྟ་བའི་གཙུག་ཕུད་དང་། རིན་པོ་ཆེའི་འོད་ཀུན་ཏུ་གྲགས་པའི་རྒྱལ་མཚན་དང་། དགའ་བདེ་འབྱུང་བའི་གཙུག་ཕུད་དང་། དྲན་
D44.035.0010b03.01པ་ཡིད་དུ་འོང་བ་དང་། རི་བོའི་སྒྲའི་དཔལ་དང་། དྲན་པ་དང་ལྡན་པ་དང་། མེ་ཏོག་དྲི་མ་མེད་ཅིང་ཡིད་དུ་འོང་བའི་འོད་དང་། ཡེ་ཤེས་ཉི་མའི་མིག་དང་། ལྷའི་བུ་ཡང་དག་པར་བསྐུལ་བའི་འོད་ཀྱི་དབང་ཕྱུག་དང་། དེ་དག་ལ་སོགས་པ་སུམ་ཅུ་རྩ་གསུམ་གྱི་རིས་སུ་གཏོགས་པའི་ལྷའི་བུ་ཚད་
D44.035.0010b04.01མེད་པ་ཀུན་ཀྱང་ཆོས་རྒྱ་ཆེན་པོའི་རང་བཞིན་དང་། འགྲོ་བ་ཐམས་ཅད་དུ་སྐྱེས་ཤིང་ཡང་དག་པར་བསྐུལ་བ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ །རབ་མཚེ་མ་ལ་སོགས་པ་མཚེ་མའི་ལྷའི་རྒྱལ་པོ་གྲངས་མེད་པ་དག་དང་ཡང་ཐབས་གཅིག་སྟེ། འདི་ལྟར་ལྷའི་རྒྱལ་པོ་རབ་མཚེ་
D44.035.0010b05.01མ་དང་། དགའ་བ་བདེ་བའི་འོད་དང་། བློ་གྲོས་མི་ཟད་པའི་ཡོན་ཏན་དཔལ་དང་། འབྱུང་བ་བཟང་ཞིང་དགེ་བ་དང་། ས་དང་རི་བོའི་འོད་དང་། བསམ་གྱིས་མི་ཁྱབ་པའི་བློ་གྲོས་དང་། འཁོར་ལོའི་གཙུག་དང་། གཟི་བརྗིད་འོད་འཕྲོ་བ་དང་། འོད་རྣམ་པར་སྣང་བ་དང་། ལྷའི་རྒྱལ་པོ་
D44.035.0010b06.01གྲགས་པའི་ཕྱོགས་སུ་རྣམ་པར་ལྟ་བ་དང་། དེ་དག་ལ་སོགས་པ་མཚེ་མའི་ལྷའི་རྒྱལ་པོ་གྲངས་མེད་པ་ཀུན་ཀྱང་དགའ་བ་དང་སྤྲོ་བ་རྒྱ་ཆེན་པོ་མངོན་པར་བསྒྲུབ་པ་ལ་རབ་ཏུ་བརྩོན་པ་ཤ་སྟག་དང་ཐབས་གཅིག་གོ །ལྷའི་རྒྱལ་པོ་རབ་དགའ་ལྡན་ལ་སོགས་པ་བསམ་གྱིས་མི་ཁྱབ་པ་དག་དང་
D44.035.0010b07.01