完整藏文原文 · 德格版页 当前仅加载第 35 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྫས་ཀྱི་རོལ་མོ་རྣམས་ཀྱང་མངོན་པར་སྒྲ་འབྱིན་པར་གྱུར་ཏོ། །ལྷ་རྫས་ཀྱི་སྣང་བ་ཡང་རབ་ཏུ་བྱུང་ངོ་། །ལྷ་རྫས་ཀྱི་འོད་ཀྱང་རབ་ཏུ་བྱུང་ངོ་། །ཕྱོགས་བཅུའི་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པའི་ཕ་རོལ་
D44.035.0276b01.01ནས། དེ་བཞིན་གཤེགས་པ་ཆོས་ཀྱི་བློ་གྲོས་སུ་མཚན་བཏགས་པ། སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་ཞལ་མངོན་པར་བསྟན་ཏེ། གསུང་བརྗོད་པ་ཆོས་ཀྱི་བློ་གྲོས་ལེགས་སོ་ལེགས་སོ། །ཕྱོགས་བཅུ་ན་དེ་བཞིན་གཤེགས་པ་སངས་རྒྱས་ཀྱི་
D44.035.0276b02.01ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་ཆོས་བསྟན་པ་དེ་ལ་ཆེད་དུ་བརྗོད་པ་མཛད་དོ། །ངེད་ཀྱིས་ཀྱང་ཆོས་བསྟན་པ་འདི་ཉིད་ཤིན་ཏུ་རྣམ་པར་ཕྱེ་སྟེ། ངེད་ཀྱིས་ཇི་ལྟར་ཤིན་ཏུ་རྣམ་པར་ཕྱེ་བ་དེ་བཞིན་དུ་སངས་རྒྱས་ཐམས་ཅད་ཀྱིས་ཀྱང་ཤིན་ཏུ་རྣམ་པར་ཕྱེའོ། །འདི་ཉིད་
D44.035.0276b03.01དུ་ཡང་ཁྱོད་ཀྱིས་ཆོས་བསྟན་པ་དེས་བྱང་ཆུབ་སེམས་དཔའ་སངས་རྒྱས་ཀྱི་ཞིང་སྟོང་གི་རྡུལ་ཤིན་ཏུ་ཕྲ་བ་སྙེད་ཀྱིས་བྱང་ཆུབ་ཏུ་སེམས་བསྐྱེད་དོ། །དེ་དག་ཀྱང་ངེད་ཀྱིས་ལུང་བསྟན་ཏེ། དེ་དག་ནི་མ་འོངས་པའི་དུས་བསྐལ་པ་སྟོང་ཕྲག་བརྗོད་དུ་མེད་པའི་མཐར་ཐམས་ཅད་
D44.035.0276b04.01ཀྱང་དུས་གཅིག་ཏུ་འཇིག་རྟེན་གྱི་ཁམས་མིང་ཐ་དད་པ་དག་ཏུ་དེ་བཞིན་གཤེགས་པ་མཚན་གཅིག་པ་ཤ་སྟག་འབྱུང་བར་འགྱུར་ཏེ། འདི་ལྟར་སེམས་རྣམ་པར་དག་པ་ཞེས་བྱ་བ་ཤ་སྟག་ཏུ་འགྱུར་རོ། །ངེད་ཀྱིས་ཆོས་བསྟན་པ་འདི་ཡང་ཇི་ལྟར་མ་འོངས་པའི་
D44.035.0276b05.01དུས་ན། མ་འོངས་པའི་བྱང་ཆུབ་སེམས་དཔའ་མ་ཐོས་པ་རྣམས་ཀྱིས་ཐོས་པར་བྱ་བ་དང་། ཇི་ལྟར་འཇིག་རྟེན་གྱི་ཁམས་མི་མཇེད་འདིར་སེམས་ཅན་རྣམས་ཀྱིས་ཤེས་ཤིང་གླིང་བཞི་པ་འདིའི་རི་རབ་ཀྱི་རྩེ་མོ་ལ་ཇི་ལྟར་སེམས་ཅན་རྣམས་འདུལ་བར་གྱུར་
D44.035.0276b06.01པ་དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་གྲངས་མེད་པ། བསམ་གྱིས་མི་ཁྱབ་པ་མཚུངས་པ་མེད་པ། ཀུན་ཏུ་མཐའ་ཡས་པ། དཔག་ཏུ་མེད་པ། ས་མཚམས་མེད་པ། བརྗོད་དུ་མེད་པ། ཆོས་
D44.035.0276b07.01