完整藏文原文 · 德格版页 当前仅加载第 35 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ཞེས་བྱའོ། །བསྒྲིབས་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་འགོག་པ་འཕགས་པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་དབྱངས་སྒྲོག་པ་ན་གནས་མེད་པ་ཞེས་བྱའོ། །སྦྱིན་བསྲེག་གི་དམ་པ་ཞེས་བྱའོ། །ཕྱིར་
D44.035.0190b01.01ལོག་པ་ཞེས་བྱའོ། །མྱ་ངན་དང་བྲལ་བ་ཞེས་བྱའོ། །ཀུན་ཏུ་སོང་བ་ཞེས་བྱའོ། །ཆེན་པོ་ཞེས་བྱའོ། །དུ་བ་མེད་པ་ཞེས་བྱའོ། །མི་ཟད་པ་ཞེས་བྱའོ། །ཡངས་པ་ཞེས་བྱའོ། །ཤིན་ཏུ་མཆོད་པ་ཞེས་བྱའོ། །ཀྱེ་རྒྱལ་བའི་སྲས་དག་གང་སྡུག་བསྔལ་
D44.035.0190b02.01འགོག་པར་འགྲོ་བའི་ལམ་འཕགས་པའི་བདེན་པ་ཞེས་བྱ་བ་དེ་ལའང་འཇིག་རྟེན་གྱི་ཁམས་དབྱངས་སྒྲོག་པ་ན། མཐོང་བས་མཐོང་བ་ཞེས་བྱའོ། །སྤང་བའི་དོན་ཅེས་བྱའོ། །རྣམ་པར་བསྒོམ་པའི་རྒྱ་ཞེས་བྱའོ། །མཚན་ཉིད་ལ་འཇུག་པ་ཞེས་བྱའོ། །
D44.035.0190b03.01རྙེད་པར་དཀའ་བ་ཞེས་བྱའོ། །དེ་མ་ཐག་པའི་དོན་ཅེས་བྱའོ། །མཁས་པས་བརྟག་པ་ཞེས་བྱའོ། །འགྲོགས་པའི་དོན་ཅེས་བྱའོ། །མི་གཡོ་བ་ལ་མངོན་དུ་གྱུར་པ་ཞེས་བྱའོ། །ཁྱད་པར་གྱི་དོན་ཅེས་བྱ་སྟེ། ཀྱེ་རྒྱལ་བའི་སྲས་དག་དེ་ལྟར་དེ་དག་ལ་
D44.035.0190b04.01སོགས་པ་འཇིག་རྟེན་གྱི་ཁམས་དབྱངས་སྒྲོག་པ་ན་འཕགས་པའི་བདེན་པ་རྣམས་ཀྱི་མིང་བྱེ་བ་བརྒྱ་སྟོང་ཕྲག་བཞི་བཅུ་ཡོད་དེ། དེ་དག་གིས་སེམས་ཅན་རྣམས་བསམ་པ་ཇི་ལྟ་བ་བཞིན་དུ་འདུལ་ལོ། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་མི་
D44.035.0190b05.01མཇེད་འདི་ན་ཇི་ལྟར་འཕགས་པའི་བདེན་པ་རྣམས་ཡོངས་སུ་བསྟན་པ་ཡོད་པ་དེ་བཞིན་དུ་ཤར་ཕྱོགས་ཀྱི་འཇིག་རྟེན་གྱི་ཁམས་བྱེ་བ་བརྒྱ་སྟོང་ཚད་མེད་པ་དཔག་ཏུ་མེད་པ་གྲངས་མེད་པ་བསམ་གྱིས་མི་ཁྱབ་པ་མཚུངས་པ་མེད་པ། ཀུན་ཏུ་མཐའ་ཡས་པ་མུ་
D44.035.0190b06.01མེད་པ་ས་མཚམས་མེད་པ། བརྗོད་དུ་མེད་པ་ཆོས་ཀྱི་དབྱིངས་ཀྱིས་ཀླས་པ་ནམ་མཁའི་དབྱིངས་ཀྱི་མཐས་གཏུགས་པ་དག་ན་ཡང་འཕགས་པའི་བདེན་པ་རྣམས་ཡོངས་སུ་བསྟན་པ་ཡོད་དོ། །འཇིག་རྟེན་གྱི་ཁམས་རེ་རེ་ན་ཡང་འཕགས་པའི་བདེན་པ་རྣམས་
D44.035.0190b07.01