完整藏文原文 · 德格版页 当前仅加载第 35 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་སྟོབས་ལ་ཐུབ་པ་མེད་པའི་བློ་གྲོས་ཤིན་ཏུ་འབྱུང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ཚངས་པའི་འོད་བཟང་པོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་དགུའི་རྡུལ་ཤིན་
D44.035.0118b01.01ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ་རིན་པོ་ཆེའི་གོས་ཀྱི་རྒྱལ་མཚན་གྱི་རྒྱ་མཚོ་ལ་རབ་ཏུ་གནས་པ། དགའ་བ་འཁྱིལ་པའི་དབྱིབས་ལྟར་འདུག་པ། མེ་ཏོག་ཐམས་ཅད་ཀྱི་རྒྱན་གྱི་བླ་རེའི་སྤྲིན་གྱིས་ཀུན་ནས་ཡོག་པ་ཡོད་
D44.035.0118b02.01དེ། དེ་ན་དེ་བཞིན་གཤེགས་པ་ནམ་མཁའ་ཡངས་པའི་སྤྱན་ཟླ་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་དབྱངས་རྡུལ་དང་མཉམ་པ་ཞེས་བྱ་བ་འཇིག་རྟེན་གྱི་
D44.035.0118b03.01ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རིན་པོ་ཆེ་སྣ་ཚོགས་ཀྱི་ཆུ་ཡི་རྒྱ་མཚོ་ལ་རབ་ཏུ་གནས་པ། མིག་འཕྲུལ་གྱི་དབྱིབས་ལྟར་འདུག་པ་སིལ་སྙན་ཐམས་ཅད་ཀྱི་སྒྲ་དང་། ནོར་བུའི་རྒྱལ་པོའི་གདུགས་
D44.035.0118b04.01ཀྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་གསེར་ཤིན་ཏུ་འབར་བའི་རི་རབ་མར་མེ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རིན་པོ་
D44.035.0118b05.01ཆེའི་ཁ་དོག་གིས་བརྒྱན་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གཅིག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཀུན་ནས་ཉོན་མོངས་ཤིང་རྣམ་པར་དག་པ་བརྒྱ་བྱིན་གྱི་ལུས་ཀྱི་དབྱིབས་ལྟར་འཇུག་པ། ནོར་བུའི་རྒྱལ་པོའི་རྒྱ་མཚོ་ལ་རབ་ཏུ་
D44.035.0118b06.01གནས་པ། ཉི་མའི་སྤྲུལ་པའི་མེ་ཏོག་གི་རྒྱལ་མཚན་གྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་དཔལ་ཤིན་ཏུ་འཕགས་པས་ཆོས་ཀྱི་དབྱིབས་སུ་རབ་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་
D44.035.0118b07.01