完整藏文原文 · 德格版页 当前仅加载第 35 函德格 368a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་རབ་དགའ་ལྡན་རྣམས་སངས་རྒྱས་ཀྱི་བྱིན་གྱི་རླབས་ཀྱིས་གླུ་དབྱངས་སུ་ཚིགས་སུ་བཅད་ཅིང་། སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡོན་ཏན་བརྗོད་པ་བྱེད་ཅིང་རྒྱལ་བ་གཤེགས་པའང་མངོན་པར་བསྟོད་
D44.035.0368a01.01པར་གྱུར་ཏོ། །དེ་ནས་བཅོམ་ལྡན་འདས་ཆོས་ཀྱི་སྐུ་ཤིན་ཏུ་རྣམ་པར་དག་པའི་སྐུ་དང་། འདས་པ་དང་། མ་བྱོན་པ་དང་། ད་ལྟར་བྱུང་བའི་ཡང་དག་པར་རྫོགས་པའི་སངས་རྒྱས་ཐམས་ཅད་དང་། རིགས་གཅིག་ཏུ་གྱུར་པས་རྣམ་པར་འཕྲུལ་པ་དང་། རྒྱུད་
D44.035.0368a02.01ཀྱི་ཚུལ་གཅིག་ཏུ་གྱུར་པས་སངས་རྒྱས་ཐམས་ཅད་ཀྱི་རྗེས་སུ་ཐུགས་སུ་ཆུད་པའི་ཐམས་ཅད་མཁྱེན་པ་ཉིད་དང་། ཆོས་ཐམས་ཅད་ལ་བསྒྲིབས་པ་{མྱེད་,མེད་}པར་ཁྱབ་པའི་སངས་རྒྱས་ཀྱི་སྤྱན་དང་། ཆོས་ཀྱི་དབྱིངས་མཐའ་དང་དབུས་མེད་པ་ཐམས་ཅད་དུ་སངས་རྒྱས་ཀྱི་བྱིན་
D44.035.0368a03.01གྱི་རླབས་རྒྱུན་མི་འཆད་པ་དང་སེམས་ཅན་འདུལ་བ་ཇི་ལྟ་བ་བཞིན་དུ་ཡོངས་སུ་ཁྱབ་པའི་སངས་རྒྱས་ཀྱི་ཆོ་འཕྲུལ་དང་། དེ་བཞིན་གཤེགས་པའི་སྐུ་བསྒྲིབས་པ་མེད་པའི་རྒྱན་གྱིས་ཡང་དག་པར་བརྒྱན་པ་དང་། དུས་བཞིན་དུ་བྱུང་བའི་ཆོས་བསྟན་པ་དང་།
D44.035.0368a04.01བྱང་ཆུབ་སེམས་དཔའ་བརྗོད་དུ་མེད་པ་སངས་རྒྱས་ཀྱི་ཞིང་སྣ་ཚོགས་ནས་ལྷགས་པའི་འཁོར་གྱི་དཀྱིལ་འཁོར་རྣམ་པར་དག་པ་དང་། དེ་བཞིན་གཤེགས་པའི་སྐུས་ཡང་དག་པར་སྤྱོད་པ། གཉིས་སུ་མེད་པའི་ཆོས་ཀྱི་སྐུ་ལ་གནས་པའི་སངས་རྒྱས་ཁྱུ་མཆོག་གི་
D44.035.0368a05.01མཐུ་ཕྱུང་བས། རིན་པོ་ཆེ་ཐམས་ཅད་ཀྱིས་བརྒྱན་པའི་ཁང་པར་གཤེགས་ནས་གདན་བཏིང་བ་ལ་སྐྱིལ་མོ་ཀྲུང་བཅས་ཏེ་བཞུགས་སོ། །ཇི་ལྟར་བཅོམ་ལྡན་འདས་བཞུགས་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་དུ་ཡང་བཞུགས་པར་གྱུར་ཏེ།
D44.035.0368a06.01ཇི་ལྟར་བཅོམ་ལྡན་འདས་རིན་པོ་ཆེ་ཐམས་ཅད་ཀྱིས་བརྒྱན་པའི་ཁང་པར་གཤེགས་པ་དང་བྱོན་པའི་ཚེ། སངས་རྒྱས་ཀྱི་རིམ་གྲོ་དང་མཆོད་པ་བྱས་ཤིང་། རྒྱན་གྱིས་བརྒྱན་པ་དེ་དག་ཐམས་ཅད་པས། དེ་བཞིན་གཤེགས་པ་གདན་དེ་ལ་བཞུགས་པའི་
D44.035.0368a07.01