完整藏文原文 · 德格版页 当前仅加载第 35 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
སྐུ་གཅིག་སྟེ། །དེ་བཞིན་གཤེགས་པ་ཆོས་ཀྱི་སྐུ། །ཤེས་རབ་ཐུགས་ཀྱང་གཅིག་པ་སྟེ། །མི་འཇིགས་སྟོབས་ཀྱང་དེ་བཞིན་ནོ། །སྔོན་ཅད་བྱང་ཆུབ་ཞུགས་པའི་ཚེ། །ཇི་ལྟར་ཡོངས་སུ་བསྔོ་མཛད་པ། །འཁོར་དུ་ཆོས་
D44.035.0209a01.01རྣམས་བསྟན་པ་དང་། །དེ་དག་ཞིང་ཡང་དེ་བཞིན་འགྱུར། །ཞིང་གི་ཕུན་སུམ་གང་ཡོད་པ། །སངས་རྒྱས་རྣམས་ལ་ཐམས་ཅད་འགྲུབ། །སེམས་ཅན་ཇི་སྙེད་སྦྱངས་པའི་རྣམས། །དེ་ཡི་རྣམ་པ་དེ་ལྟར་མཐོང་། །ཇི་ལྟར་སངས་རྒྱས་ཆོས་ཉིད་དུ། །ཀུན་
D44.035.0209a02.01གྱིས་སངས་རྒྱས་མི་མཐོང་སྟེ། །སངས་རྒྱས་ཞིང་དང་སྐུ་དག་དང་། །འཁོར་དུ་ཆོས་བསྟན་དེ་བཞིན་ནོ། །གང་རྣམས་སྨོན་ལམ་མཐུན་ལྡན་ཞིང་། །སྔོན་ཆད་བསམ་པ་ཡོངས་སྦྱངས་པས། །ཐམས་ཅད་གཟིགས་པའི་ཚུལ་གྱི་རྣམས། །ཇི་ལྟ་བཞིན་དུ་
D44.035.0209a03.01ཐམས་ཅད་མཐོང་། །སེམས་ཅན་བསམ་པ་ཇི་བཞིན་དང་། །ལས་དང་སྟོབས་ཀྱང་ཇི་བཞིན་པ། །དེ་ལྟ་དེ་ལྟར་མཐོང་གྱུར་ཏེ། །སངས་རྒྱས་རྣམས་ཀྱི་རྣམ་འཕྲུལ་ལོ། །སངས་རྒྱས་ཞིང་ལ་རྟོག་མི་མངའ། །དེ་དག་བྱམས་སྡང་ཡོད་པ་མིན། །བསམ་པའི་
D44.035.0209a04.01ཚུལ་ནི་ཇི་བཞིན་དུ། །སྲོག་ཆགས་རྣམས་ཀྱིས་དེ་བཞིན་མཐོང་། །རྣམ་པ་ཐ་དད་འཇིག་རྟེན་ཁམས། །དེ་ལྟར་སྣང་བར་གྱུར་པ་སྟེ། །དྲང་སྲོང་ཆེན་པོ་ཀུན་གཟིགས་པའི། །ཉེས་པའི་སྐྱོན་ལས་གྱུར་པ་མེད། །གང་ན་འདུལ་བ་ཡོད་པ་ཡི། འཇིག་
D44.035.0209a05.01རྟེན་ཁམས་རྣམས་ཐམས་ཅད་དུ། །སྐྱེས་བུ་དྲང་སྲོང་རྣམས་ཀྱང་སྣང་། །དེ་ནི་སངས་རྒྱས་ཆོས་ཉིད་དོ། །དེ་ནས་བྱང་ཆུབ་སེམས་དཔའ་དེ་དག་ཐམས་ཅད་ཀྱིས། བྱང་ཆུབ་སེམས་དཔའ་འཇམ་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་
D44.035.0209a06.01སྲས། བདག་ཅག་གིས་རང་རང་གི་སྤོབས་པ་བསྟན་པ་རྣམས་སྨྲས་པ་ཡིན་ན། ད་ཁྱོད་ཀྱིས་སངས་རྒྱས་བཅོམ་ལྡན་འདས་རྣམས་ཀྱི་ཡུལ་ལས་བརྩམས་ཏེ་སྤོབས་པར་གྱིས་ཤིག །སངས་རྒྱས་ཀྱི་ཡུལ་གྱི་ཡུལ་ནི་གང་། སངས་རྒྱས་ཀྱི་ཡུལ་གྱི་ཚོགས་ནི་གང་།
D44.035.0209a07.01