完整藏文原文 · 德格版页 当前仅加载第 35 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་ཏེ། །སྣོད་དུ་གྱུར་པའི་འགྲོ་བ་ཀུན་ན་བཞུགས། །འདི་ལ་སློབ་པ་སྡེ་ཡི་རྒྱན་ཡིན་ནོ། །འགྲོ་བའི་བསོད་ནམས་རྒྱུ་བ་ཇི་སྙེད་པ། །རྒྱལ་བའི་འོད་ལ་ཐམས་ཅད་རབ་ཏུ་སྣང་། །སངས་རྒྱས་ཡེ་ཤེས་རྒྱ་མཚོ་བསམ་མི་ཁྱབ། །རྣམ་ཐར་འདི་ནི་གནོད་སྦྱིན་ནོར་བདག་
D44.035.0029b01.01མཐོང་། །རྒྱལ་བའི་སྟོབས་རྣམས་གང་དུ་ཡོངས་དག་སྟེ། །བདེ་གཤེགས་སྟོབས་རྣམས་ཡོངས་སུ་རྫོགས་པ་ཡི། །སྔོན་གྱི་བསྐལ་པ་བསམ་གྱིས་མི་ཁྱབ་དྲན། །འདི་ནི་རི་བོ་སྟོབས་འཇོམས་རྣམ་ཐར་ཏོ། །དེ་ལ་མི་འམ་ཅིའི་དབང་པོ་ལྷའི་བློ་གྲོས་འོད་ཀྱི་རྣམ་
D44.035.0029b02.01པར་ཐར་པ་ནི། བྱ་བ་ཐམས་ཅད་ལ་ཡང་དག་པར་རྫོགས་པར་འཇུག་པ་དགའ་བ་འབྱུང་བ་ཞེས་བྱའོ། །མི་འམ་ཅིའི་དབང་པོ་མེ་ཏོག་དཔལ་གྱི་དཀྱིལ་འཁོར་གྱི་རྣམ་པར་ཐར་པ་ནི། དགའ་བ་ཐམས་ཅད་ཀྱི་བདེ་བ་མྱོང་བ་ལས་བླ་ན་མེད་པའི་ཆོས་ཀྱི་དགའ་བ་འབྱུང་བ་ཞེས་
D44.035.0029b03.01བྱའོ། །མི་འམ་ཅིའི་དབང་པོ་རྒྱན་རྣམ་པ་སྣ་ཚོགས་ཀྱི་རྣམ་པར་ཐར་པ་ནི། ཡོན་ཏན་ཐམས་ཅད་ཀྱིས་ཡང་དག་པར་ངོམས་པས་མོས་པ་རྒྱ་ཆེན་པོ་སྦྱོང་བའི་སྙིང་པོ་ཞེས་བྱའོ། །མི་འམ་ཅིའི་དབང་པོ་ང་རོ་ཡིད་དུ་འོང་བའི་དབྱངས་ཀྱི་རྣམ་པར་ཐར་པ་ནི། སྒྲ་སྙན་ཅིང་
D44.035.0029b04.01ཡིད་དུ་འོང་བ་ལ་ཐོགས་པ་མེད་པས་ཀུན་ཏུ་སྒྲུབ་པ་ཞེས་བྱའོ། །མི་འམ་ཅིའི་དབང་པོ་ཤིང་རིན་པོ་ཆེའི་ཡལ་གའི་འོད་ཀྱི་རྣམ་པར་ཐར་པ་ནི། སྙིང་རྗེའི་རྒྱུད་ལ་འགྲོ་བ་དགོང་ཅིང་སེམས་ཅན་ཐམས་ཅད་ཡང་དག་པར་བསྐུལ་བ་ལ་དམིགས་པ་ཞེས་བྱའོ། །མི་འམ་ཅིའི་དབང་པོ་
D44.035.0029b05.01མཐོང་ན་དགའ་ཞིང་སྤྲོ་བར་བྱེད་པའི་རྣམ་པར་ཐར་པ་ནི། གཟུགས་ཀྱི་ལུས་དགེ་བ་ཐམས་ཅད་མངོན་པར་བསྒྲུབ་པ་ཞེས་བྱའོ། །མི་འམ་ཅིའི་དབང་པོ་རྒྱན་གྱི་དཔལ་གྱི་འོད་ཀྱི་རྣམ་པར་ཐར་པ་ནི། ཁྱུ་མཆོག་གི་མཐུ་ཕྱུང་བའི་རྒྱན་ཐམས་ཅད་ཀྱིས་མདངས་རབ་ཏུ་སྐྱེད་
D44.035.0029b06.01པའི་རང་བཞིན་གྱིས་དགའ་བའི་འོད་ཅེས་བྱའོ། །མི་འམ་ཅིའི་དབང་པོ་མེ་ཏོག་ཚོན་བཟང་པོའི་རྒྱལ་མཚན་གྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་ལས་ཀྱི་རིགས་ལ་རྣམ་པར་ལྟ་ཞིང་ཡང་དག་པར་སྒྲུབ་པའི་འོད་ཅེས་བྱའོ། །མི་འམ་ཅིའི་དབང་པོ་ས་གཞིའི་དཔལ་གྱི་
D44.035.0029b07.01