完整藏文原文 · 德格版页 当前仅加载第 35 函德格 318a 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་པོ་མེད་པས་འཇིགས་པ། རིགས་པས་སྤངས་པ། ཚུལ་བཞིན་མ་ཡིན་པ་ལ་ཞུགས་པ། མཉམ་པ་ཉིད་ལས་ལོག་པར་ལྷུང་བ། གཡང་ས་ཆེན་པོར་རབ་ཏུ་ལྷུང་བ། བདུད་ཀྱི་བསམ་པ་ལ་ཞུགས་པ། སངས་རྒྱས་ཀྱི་བསམ་པ་
D44.035.0318a01.01ལས་རིང་དུ་གྱུར་པ། སྲིད་པ་ལ་མངོན་པར་ཆགས་པ་ཤ་སྟག་གོ །ཞེས་དེ་ལྟར་བྱང་ཆུབ་སེམས་དཔའ་སེམས་ཅན་གྱི་ཁམས་ལ་འཇུག་ཅིང་སྙིང་རྗེ་ཆེན་པོ་དེ་བས་ཀྱང་ཆེར་བསྐྱེད་ནས། སྙིང་རྗེ་ཆེན་པོ་རྒྱ་ཆེར་བྱས་ཏེ་གནས་མེད་པའི་དགེ་བའི་རྩ་བ་ཡང་དག་
D44.035.0318a02.01པར་བསྩགས་ནས། འདི་སྙམ་དུ་སེམས་བསྐྱེད་དོ། །གལ་ཏེ་སེམས་ཅན་རེ་རེའི་ཕྱིར་ཡུལ་རེ་རེ་དང་། ཕྱོགས་རེ་རེར་ཡང་བསྐལ་པ་བརྗོད་དུ་མེད་པར་སེམས་ཅན་རེ་རེ་འདུལ་བའི་ཕྱིར་འདུག་ལ། སེམས་ཅན་གཅིག་ལ་ཇི་ལྟ་བ་དེ་བཞིན་དུ་སེམས་ཅན་
D44.035.0318a03.01གྱི་ཁམས་ཐམས་ཅད་ཀྱི་དོན་དུ་འདུག་ཀྱང་བདག་གིས་དེའི་ཕྱིར་མི་དགའ་བ་མི་སྐྱེད་དེ། ཡུལ་དེ་དང་ཕྱོགས་དེ་ནས་ཀྱང་བདག་གུད་དུ་གཡོ་བར་མི་བྱའོ། །གུད་དུ་འགྲོ་བར་མི་བྱའོ། །སྐྲའི་རྩེ་མོ་ཙམ་ལ་ཆོས་ཀྱི་དབྱིངས་ཐམས་ཅད་འདུས་པར་བྱས་ཏེ། སྐྲའི་
D44.035.0318a04.01རྩེ་མོའི་ཚུལ་དེ་ལྟ་བུས་སྐྲའི་རྩེ་མོར་ཆུད་པ་རེ་རེ་ཡང་སེམས་ཅན་གྱི་ཁམས་ཡོངས་སུ་སྨིན་པར་བྱ་བ་དང་འདུལ་བའི་ཕྱིར། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པར་གནས་པར་བྱའོ། །སྐྲའི་རྩེ་མོ་གཅིག་ལ་ཇི་ལྟ་བ་དེ་བཞིན་དུ་ཆོས་ཀྱི་དབྱིངས་མཐའ་
D44.035.0318a05.01དང་དབུས་མེད་པ་ཐམས་ཅད་ལ་ཡང་དེ་ལྟར་ཏེ། སེ་གོལ་གཏོགས་པ་ཙམ་དུ་ཡང་གནས་ཀྱི་འདུ་ཤེས་མི་སྐྱེད་དོ། །གནས་པར་མི་བྱའོ། །གནས་ཀྱི་སེམས་མི་སྐྱེད་དོ། །སྐྲའི་རྩེ་མོ་ཙམ་རེ་རེ་ལ་ཡང་ལུས་གནས་མེད་པ་དང་། ཆོས་གནས་
D44.035.0318a06.01མེད་པ་དང་། དྲན་པ་གནས་མེད་པ་དང་། སྨོན་ལམ་གནས་མེད་པ་དང་། ཏིང་ངེ་འཛིན་གནས་མེད་པ་དང་། རྟོགས་པ་གནས་མེད་པ་དང་། སྤྱོད་ཡུལ་གནས་མེད་པ་དང་། སེམས་ཅན་གྱི་ཁམས་འདུལ་བ་གནས་མེད་པ་དང་། ཆོས་ཀྱི་དབྱིངས་
D44.035.0318a07.01