完整藏文原文 · 德格版页 当前仅加载第 35 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་ཡས་སུ་བྱེད་པ། །དེ་དག་ཤེས་རབ་ཐབས་ཀྱི་སྟོབས་མཆོག་ལྡན། །ཤེས་རབ་ཐབས་ཀྱི་སྟོབས་མཆོག་སུ་ལྡན་པ། །དཔའ་བོ་དེ་དག་བླ་མེད་ལམ་ལ་གནས། །བླ་མེད་ལམ་ལ་དཔའ་བོ་གང་གནས་པ། །དེ་དག་བདུད་ཀྱི་
D44.035.0222a01.01དཔུང་གིས་ཐུབ་པ་{མྱིན,མིན}། །གང་རྣམས་བདུད་ཀྱི་དཔུང་གིས་ཐུབ་མིན་པ། །དེ་དག་བདུད་ལམ་བཞི་ལས་ཡོངས་སུ་འདས། །བདུད་ལམ་བཞི་ལས་ཡོངས་སུ་སུ་འདས་པ། །དེ་དག་ཕྱིར་མི་ལྡོག་གི་སར་ཡང་ཕྱིན། །མི་ལྡོག་སར་ནི་གང་གིས་ཕྱིན་གྱུར་པ། །དེ་དག་
D44.035.0222a02.01མི་སྐྱེའི་བཟོད་པ་ཐོབ་པ་ཡིན། །མི་སྐྱེའི་བཟོད་པ་གང་གིས་ཐོབ་གྱུར་པ། །འཇིག་རྟེན་སྒྲོན་དེ་རྒྱལ་བས་ལུང་ཡང་བསྟན། །འཇིག་རྟེན་སྒྲོན་མ་རྒྱལ་བས་ལུང་བསྟན་པ། །དེ་དག་རྒྱལ་བ་ཀུན་དང་མངོན་དུ་གནས། །རྒྱལ་བ་ཀུན་དང་མངོན་དུ་སུ་གནས་པ། །དེ་དག་
D44.035.0222a03.01རྒྱལ་བའི་རྫུ་འཕྲུལ་གསང་ལ་མཁས། །རྒྱལ་བའི་རྫུ་འཕྲུལ་གསང་ལ་སུ་མཁས་པ། །དེ་དག་རྒྱལ་བ་ཀུན་གྱིས་དགོངས་པ་ཡིན། །གང་རྣམས་རྒྱལ་བ་ཀུན་གྱིས་དགོངས་གྱུར་པ། །དེ་དག་སངས་རྒྱས་ཡོན་ཏན་ཡོངས་ཀྱིས་བརྒྱན། །སངས་རྒྱས་ཡོན་ཏན་
D44.035.0222a04.01ཡོངས་ཀྱིས་སུ་བརྒྱན་པ། །དེ་དག་བསོད་ནམས་དམ་པས་ལུས་ཀྱང་སྦྱངས། །བསོད་ནམས་དམ་པས་གང་གི་ལུས་སྦྱངས་པ། །དེ་དག་གསེར་གྱི་རི་བོ་འདྲ་བར་འབར། །གསེར་གྱི་རི་བོ་འདྲ་བར་སུ་འབར་བ། །དེ་དག་མཚན་རབ་སུམ་ཅུ་གཉིས་དང་ལྡན། །
D44.035.0222a05.01མཚན་རབ་སུམ་ཅུ་གཉིས་དང་སུ་ལྡན་པ། །དེ་དག་དཔེ་བྱད་བཟང་པོས་ལུས་ཀྱང་བྲིས། །དཔེ་བྱད་བཟང་པོས་གང་གི་ལུས་བྲིས་པ། །དེ་དག་ལུས་འོད་ཀུན་ཏུ་མཐའ་ཡས་སོ། །གང་གི་ལུས་འོད་ཀུན་ཏུ་མཐའ་ཡས་པ། །དེ་དག་འོད་ཟེར་རྒྱན་ཀྱང་
D44.035.0222a06.01བསམ་མི་ཁྱབ། །གང་ལ་འོད་གཟེར་བསམ་ཡས་རྒྱན་ཡོད་པ། །དེ་དག་འོད་ལས་པདྨོ་མང་པོ་འབྱུང་། །གང་གི་འོད་ལས་པདྨོ་མང་འབྱུང་བ། །དེ་དག་རྒྱལ་བ་པདྨོའི་གདན་བཞུགས་ཏེ། །སྟོན་ཅིང་ཕྱོགས་བཅུའི་འཇིག་རྟེན་ཀུན་ཏུ་ཡང་། །དོན་ཡོད་
D44.035.0222a07.01