完整藏文原文 · 德格版页 当前仅加载第 35 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་འགྱུར་བར། །རྣམ་རྟོག་ཆོས་ནི་ཁོང་དུ་ཆུད་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །ཞིང་རྣམས་ཐམས་ཅད་སངས་རྒྱས་གཅིག་བཞིན་དུ། །དེ་བཞིན་གཤེགས་པས་ཇི་ལྟར་རྒྱས་བྱ་བར། །རང་བྱུང་ཆོས་ནི་ཇི་ལྟར་རྟོགས་བྱའི་ཕྱིར། །
D44.035.0254b01.01བརྟན་པ་བྱང་ཆུབ་དོན་དུ་སེམས་བསྒྱུར་རོ། །ཞིང་རྣམས་ཐམས་ཅད་རྡུལ་མཆོག་ཕྲ་བླགས་པ། །དེ་སྙེད་ལུས་སུ་ཇི་ལྟར་སྤྲུལ་བྱ་བར། །ཐམས་ཅད་ཡིད་ཀྱིས་དངོས་སུ་ཤེས་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །ཀུན་གཟིགས་འདས་པ་
D44.035.0254b02.01ཇི་སྙེད་བྱུང་བ་དང་། །མ་བྱོན་སངས་རྒྱས་དེ་བཞིན་བཞུགས་པ་རྣམས། །སྐད་ཅིག་སེམས་ཀྱིས་ཐམས་ཅད་རྟོགས་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །ཚིག་གཅིག་བརྩམས་ཏེ་བརྗོད་ཅིང་བཤད་བྱས་ཀྱང་། །བསྐལ་པ་བརྗོད་{མྱེད་,མེད་}
D44.035.0254b03.01ཐམས་ཅད་ཟད་འགྱུར་བར། །ཆོས་ཀྱི་རྣམ་གྲངས་ཁོང་དུ་ཆུད་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །ཕྱོགས་བཅུ་ཀུན་གྱི་འཇིག་རྟེན་མ་ལུས་རྣམས། །འབྱུང་ཞིང་ཇི་ལྟར་རྗེས་སུ་འབྲང་བ་དག །སེམས་ཀྱི་རང་བཞིན་ཁོང་དུ་ཆུད་བྱའི་
D44.035.0254b04.01ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །ལུས་དང་ངག་དང་དེ་བཞིན་ཡིད་ཀྱིས་ཀྱང་། །ཕྱོགས་ཀུན་སྤྱོད་ཚེ་ཆགས་པར་{མྱི་,མི་}འགྱུར་བར། །དུས་གསུམ་སྟོང་པ་ཁོང་དུ་ཆུད་བྱའིཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །དེ་ལྟར་བྱང་
D44.035.0254b05.01ཆུབ་དོན་དུ་བསྐྱེད་བྱེད་པ། །ཕྱོགས་བཅུའི་སངས་རྒྱས་བརྗོད་དུ་མེད་པ་ཀུན། །མཆོད་པར་བྱ་ལ་ཡོངས་སུ་བསྐུལ་བར་བྱ། །འདི་ནི་ཕྱིར་མི་ལྡོག་གི་གདམས་ངག་གོ །འཁོར་བ་དག་ན་བྱང་ཆུབ་དོན་སྤྱོད་ཚེ། །བྱང་ཆུབ་སེམས་དཔའི་བདེ་བ་ཇི་སྙེད་པ།
D44.035.0254b06.01དེ་དག་དེ་ལ་ཡོངས་སུ་བརྗོད་པར་བྱ། །འདི་ནི་ཕྱིར་མི་ལྡོག་གི་གདམས་ངག་གོ །འཇིག་རྟེན་གཙོ་བོ་འཇིག་རྟེན་ཇི་སྙེད་པ། །ཕྱོགས་བཅུའི་ཐ་དད་ཚད་མེད་ཡོད་པ་རྣམས། །དེ་དག་བྱང་ཆུབ་སེམས་དཔའ་དེ་ལ་བརྗོད། །འདི་ནི་ཕྱིར་མི་ལྡོག་གི་གདམས་ངག་
D44.035.0254b07.01