完整藏文原文 · 德格版页 当前仅加载第 35 函德格 387a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་མི་ཕྱེད་པ་དང་ལྡན་པ་ཞེས་བྱ་བ་གཉིས་པ་གང་ཞེ་ན། ཀྱེ་རྒྱལ་བའི་སྲས་དག །འདི་ལ་བྱང་ཆུབ་སེམས་དཔའ་འདི་ལྟ་སྟེ། དེ་བཞིན་
D44.035.0387a01.01གཤེགས་པ་ཐམས་ཅད་མཉེས་པར་བྱ་བའི་ཕྱིར། སངས་རྒྱས་འདས་པ་དང་། མ་བྱོན་པ་དང་། ད་ལྟར་བྱུང་བ་ཐམས་ཅད་ལ་མི་ཕྱེད་པར་དད་པ་ཡིན། འདི་ལྟ་སྟེ། བྱང་ཆུབ་སེམས་དཔའ་ཐམས་ཅད་ཀྱི། དགེ་བའི་རྩ་བ་དང་། རྒྱུད་ཀྱི་ཚུལ་
D44.035.0387a02.01གཅིག་པར་བྱ་བའི་ཕྱིར། བྱང་ཆུབ་སེམས་དཔའ་ཐམས་ཅད་མཁྱེན་པ་ཉིད་དུ་སེམས་བསྐྱེད་པ་གཅིག་ཐོབ་པ་ཡན་ཆད་ཀུན་ལ་ཡང་མི་ཕྱེད་པར་དད་པ་ཡིན། འདི་ལྟ་སྟེ། ལྷག་པའི་བསམ་པས་རབ་ཏུ་ཞུགས་པས། སངས་རྒྱས་ཀྱི་ཆོས་ཐམས་ཅད་ལ་
D44.035.0387a03.01མི་ཕྱེད་པར་དད་པ་ཡིན། འདི་ལྟ་སྟེ། དེ་བཞིན་གཤེགས་པ་ཐམས་ཅད་ཀྱི། བསྟན་པ་ཡང་དག་པར་གཟུང་ཞིང་བསྲུང་བའི་ཕྱིར། དེ་དང་དེ་དག་དུ་སྐྱེས་པའི་སངས་རྒྱས་ཀྱི་བསྟན་པ་ལ་མི་ཕྱེད་པར་དད་པ་ཡིན། འདི་ལྟ་སྟེ། སྡང་བ་མེད་པའི་མིག་
D44.035.0387a04.01རབ་ཏུ་འཐོབ་པ་དང་། སེམས་ཅན་ཐམས་ཅད་ཀྱི་དོན་དུ། དགེ་བའི་རྩ་བ་ཐམས་ཅད་ཡོངས་སུ་བསྔོ་བའི་ཕྱིར། སེམས་ཅན་ཐམས་ཅད་ལ་མི་ཕྱེད་པར་དད་པ་ཡིན། འདི་ལྟ་སྟེ། མཐའ་ཡས་པའི་དགེ་བའི་རྩ་བ་མངོན་པར་འདུ་བྱ་ཞིང་། ཡང་དག་པར་བསྒྲུབ་
D44.035.0387a05.01པའི་ཕྱིར་ཆོས་དཀར་པོ་ཐམས་ཅད་ལ་མི་ཕྱེད་པར་དད་པ་ཡིན། འདི་ལྟ་སྟེ། ལྷག་པའི་བསམ་པ་དང་། མོས་པ་ཡོངས་སུ་རྫོགས་པར་བྱ་བའི་ཕྱིར། བྱང་ཆུབ་སེམས་དཔའ་ཐམས་ཅད་ཀྱི་ཡོངས་སུ་བསྔོ་བ་ལ་མི་ཕྱེད་པར་དད་པ་ཡིན། འདི་ལྟ་སྟེ། སྟོན་པའི་འདུ་
D44.035.0387a06.01ཤེས་ཡོངས་སུ་མ་རྒྱས་པ་རྒྱས་པར་བྱ་བའི་ཕྱིར། ཆོས་སྨྲ་བའི་བྱང་ཆུབ་སེམས་དཔའ་ཐམས་ཅད་ལ་མི་ཕྱེད་པར་དད་པ་ཡིན། འདི་ལྟ་སྟེ། དེ་བཞིན་གཤེགས་པ་བསམ་གྱིས་མི་ཁྱབ་པ་ལ་དད་པར་བྱ་བའི་ཕྱིར། སངས་རྒྱས་ཐམས་ཅད་ཀྱི་རྣམ་པར་འཕྲུལ་པ་དང་
D44.035.0387a07.01