完整藏文原文 · 德格版页 当前仅加载第 35 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོན་གྱིས་རབ་ཏུ་མཛེས་པར་བྲིས་པ། འོད་ཀྱི་འཁོར་རྣམ་པར་དག་ཅིང་འོད་ཟེར་གྱི་དྲ་བས་རྣམ་པར་སྣང་བར་བྱས་པའི་སྤྲིན་དང་ལྡན་པ། རྒྱན་ཐམས་ཅད་རབ་ཏུ་འབྱུང་བ་སེམས་ཀྱི་སྐད་ཅིག་ལ་སངས་རྒྱས་ཀྱི་རྣམ་པར་འཕྲུལ་པ་མཐའ་ཡས་སྟོན་པའི་སྒྲ་རབ་ཏུ་འབྱུང་
D44.035.0077b01.01བ། ནོར་བུའི་རྒྱལ་པོ་མཐའ་ཡས་པ་དང་། སངས་རྒྱས་ཀྱི་སྐུའི་གཟུགས་བརྙན་གྱི་སྤྲིན་གྱིས་ཐམས་ཅད་དུ་གང་བར་བྱེད་པ། བྱང་ཆུབ་སེམས་དཔའི་སྤྱོད་པ་དང་། སྨོན་ལམ་ཐམས་ཅད་རབ་ཏུ་སྟོན་པའི་དབྱངས་འབྱིན་པར་གྱུར་ཏེ་བྱུང་ངོ་། །པདྨོ་ཆེན་
D44.035.0077b02.01པོ་དེ་བྱུང་བའི་རྗེས་སུ་བྱང་ཆུབ་སེམས་དཔའ་ཆོས་ཐམས་ཅད་ལ་ཕམ་པ་མེད་པའི་དབྱངས་ཞེས་བྱ་བ། བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་བཅོམ་ལྡན་འདས་ཀྱི་མཛོད་སྤུ་དེ་ཉིད་ནས་བྱུང་སྟེ།
D44.035.0077b03.01བཅོམ་ལྡན་འདས་ལ་ལན་དུ་མར་གཡས་ཕྱོགས་སུ་བསྐོར་བ་བྱས་ནས། བཅོམ་ལྡན་འདས་ལ་ཕྱག་འཚལ་ཏེ་པདྨོ་ཆེན་པོ་དེའི་སྙིང་པོ་ལ་འདུག་གོ །བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་པོ་དེ་དག་ཀྱང་ཟེ་བའི་འཕྲེང་བ་དེ་དག་ལ་འཁོད་དོ། །
D44.035.0077b04.01དེ་ནས་བྱང་ཆུབ་སེམས་དཔའ་ཆོས་ཐམས་ཅད་ལ་ཕམ་པ་མེད་པའི་དབྱངས་ཆོས་ཀྱི་དབྱིངས་རྒྱ་ཆེ་ཞིང་ཚད་མེད་པས་རབ་ཏུ་དགའ་བའི་ཤུགས་ཤིན་ཏུ་སྐྱེས་པ། དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་གྱི་རྗེས་སུ་སོང་བའི་ཡེ་ཤེས་ཅན། སངས་
D44.035.0077b05.01རྒྱས་ཀྱི་ཆོས་ཀྱི་སྐུ་རྒྱ་མཚོ་བསམ་གྱིས་{མྱི་,མི་}ཁྱབ་པ་ལ་རབ་ཏུ་ཞུགས་པའི་མཐུ་དང་ལྡན་པ། ཞིང་འབྱམ་ཀླས་པ་ཐམས་ཅད་ཀྱི་དེ་བཞིན་གཤེགས་པ་རྣམས་ཀྱི་ཞབས་ཀྱི་དྲུང་དུ་ཕྱིན་པ་དང་། བ་སྤུ་ཐམས་ཅད་ལས་སྤྲུལ་པའི་སྤྲིན་ཟད་མི་ཤེས་པས་ཀུན་ཏུ་ཁེབས་
D44.035.0077b06.01པར་བྱེད་པ། སེམས་ཀྱི་སྐད་ཅིག་ཐམས་ཅད་ལ་དམིགས་པ་ཐམས་ཅད་ཆོས་ཀྱི་དབྱིངས་ཀུན་ཏུ་བསྒྱུར་བ། ཆོས་ཀྱི་དབྱིངས་ཐམས་ཅད་ལ་དུས་གསུམ་ཁྱབ་པར་བྱེད་པའི་སྤྱོད་ཡུལ་གྱིས་རྣམ་པར་སྤྱོད་པ། ཕྱོགས་ཐམས་ཅད་ཀྱི་དེ་བཞིན་གཤེགས་པའི་བྱིན་གྱི་རླབས་
D44.035.0077b07.01