完整藏文原文 · 德格版页 当前仅加载第 35 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའི་ལྷ་ཀུན་ནས་སྣང་བ་དྲི་མ་མེད་པའི་འོད་ཀྱི་རྣམ་པར་ཐར་པ་ནི། འགྲོ་བ་རྒྱ་མཚོ་མཐའ་ཡས་པའི་བསམ་པ་ལ་རྣམ་པར་ལྟ་བ་ཞེས་བྱའོ། །ནམ་མཁའི་ལྷ་མཐའ་ཡས་ཤིང་ཟབ་པ་ཀུན་ཏུ་རྒྱས་པར་བྱེད་པའི་རྣམ་པར་ཐར་པ་ནི།
D44.035.0037a01.01ཆོས་ཀྱི་དབྱིངས་རྒྱ་ཆེན་པོ་དང་། སངས་རྒྱས་ཀྱི་ཡེ་ཤེས་ཟབ་མོ་ལ་ཡང་དག་པར་འཇུག་པ་ཞེས་བྱའོ། །ནམ་མཁའི་ལྷ་རླུང་ཀུན་ནས་འབྱུང་བའི་དཔལ་གྱི་རྣམ་པར་ཐར་པ་ནི། ཡུལ་མཐའ་ཡས་པ་རྣམ་པར་བསྒོམ་པའི་མཚན་ཉིད་ཀྱི་ལུས་ཞེས་བྱའོ། །ནམ་
D44.035.0037a02.01མཁའི་ལྷ་བསྒྲིབས་པ་ཐམས་ཅད་དང་མི་གནས་པའི་དཀྱིལ་འཁོར་གྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ལས་དང་ཉོན་མོངས་པའི་སྒྲིབ་པ་ཡོངས་སུ་སྦྱངས་པའི་རྒྱན་ཅེས་བྱའོ། །ནམ་མཁའི་ལྷ་རྒྱ་ཆེན་པོ་ཀུན་ཏུ་གནོན་པ་སྣ་ཚོགས་ཀྱི་གཙུག་
D44.035.0037a03.01ཕུད་ཀྱི་རྣམ་པར་ཐར་པ་ནི། འགྲོ་བ་རྒྱ་མཚོ་ཆེན་པོ་ལ་རྣམ་པར་ལྟ་ཞིང་རྣམ་པར་སྤྱོད་པ་ཞེས་བྱའོ། །ནམ་མཁའི་ལྷ་འོད་ཟེར་སྣང་བའི་འོད་ཐོགས་པ་མེད་པའི་རྣམ་པར་ཐར་པ་ནི། འགྲོ་བ་ལོག་པར་ལྟུང་བ་ཐམས་ཅད་སྙིང་རྗེའི་འོད་ཀྱིས་སྐྱོབ་པ་ཞེས་བྱའོ། །ནམ་
D44.035.0037a04.01མཁའི་ལྷ་སྟོབས་ཀྱི་རྒྱུན་ཐོགས་པ་མེད་པའི་དཔལ་གྱི་རྣམ་པར་ཐར་པ་ནི། བསོད་ནམས་ཐམས་ཅད་ཀྱི་སྟོབས་དང་། དགའ་བ་བསྡུ་བ་ལ་ཡང་དག་པར་གཞོལ་བ་ཞེས་བྱའོ། །ནམ་མཁའི་ལྷ་ཕྱོགས་དྲི་མ་མེད་པར་སྣང་བའི་འོད་ཀྱི་རྣམ་པར་ཐར་པ་ནི། སེམས་
D44.035.0037a05.01ཅན་ཐམས་ཅད་དྲི་མ་{མྱེད་,མེད་}པའི་སེམས་ཀྱིས་སྒྲིབ་པ་རྣམ་པར་ཟློག་པར་གནས་པའི་དབང་པོ་ཞེས་བྱའོ། །ནམ་མཁའི་ལྷ་དབྱངས་ཤིན་ཏུ་འཕགས་ཤིང་ཟབ་པའི་རྣམ་པར་ཐར་པ་ནི། ཡེ་ཤེས་ཀྱི་དཀྱིལ་འཁོར་གྱི་འོད་རབ་ཏུ་འཕགས་པས་ཕྱོགས་ཀུན་ཏུ་རྣམ་
D44.035.0037a06.01པར་ལྟ་བ་ཞེས་བྱའོ། །ནམ་མཁའི་ལྷ་ཕྱོགས་བཅུར་མངོན་ཏུ་སྟོན་པའི་འོད་ཀྱི་རྣམ་པར་ཐར་པ་ནི། སྒོ་ཐམས་ཅད་ནས་ཕྱོགས་ཐམས་ཅད་དུ་འཕོ་བ་མེད་པའི་དཀྱིལ་འཁོར་ཅེས་བྱའོ། །དེ་ནས་ནམ་མཁའི་ལྷ་ཀུན་ནས་སྣང་བ་དྲི་མ་མེད་པའི་འོད་ཀྱིས་སངས་རྒྱས་
D44.035.0037a07.01