完整藏文原文 · 德格版页 当前仅加载第 35 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་དང་སྲོག་ལ་མི་ལྟ་བ་དང་། འཚོ་བའི་ཡོ་བྱད་དང་། འཚོ་བའི་རྐྱེན་ལ་དོན་དུ་གཉེར་བ་མེད་པ་དང་། ཆོས་ཐམས་ཅད་རྣམ་པར་བསྒོམས་པས་ནམ་མཁའ་དང་མཉམ་པ་དང་། ཆོས་ཀྱི་དབྱིངས་ལ་ཡང་དག་པར་གཞོལ་བའི་ལྷག་མཐོང་ལ་མཁས་པ་དང་། མི་གནས་
D44.035.0288b01.01པའི་ཆོས་རྣམ་པར་བསྒོམ་པའི་ཕྱག་རྒྱ་དང་། རྟག་ཏུ་རྒྱུན་མི་འཆད་པར་བསྒྲུབས་པའི་སྨོན་ལམ་ཆེན་པོ་དང་། ཡོངས་སུ་སྦྱངས་པའི་བཟོད་པ་ཤེས་པའི་སྣང་བ་དང་། རང་གི་དགེ་བའི་ཆོས་བསྩགས་པ་དང་། མ་བསྩགས་པ་ཤིན་ཏུ་བརྟགས་པ་དང་། མངོན་པར་
D44.035.0288b02.01འདུ་བྱ་བ་མེད་པའི་སྒོ་ཤིན་ཏུ་བྱང་བ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་གིས་དེ་བཞིན་གཤེགས་པ་མཉེས་པར་བྱའོ། །ཀྱེ་རྒྱལ་བའི་སྲས་དེ་ལ་བྱང་ཆུབ་སེམས་དཔའ་ཆོས་བཅུ་ལ་གནས་པ་རྣམས་ཀྱིས་ནི། དེ་བཞིན་གཤེགས་པ་རྣམས་མཉེས་པར་འགྱུར་བ་ཡིན་ཏེ།
D44.035.0288b03.01བཅུ་གང་ཞེ་ན། འདི་ལྟ་སྟེ་བག་ཡོད་པ་ལ་གནས་པ་དང་། {མྱི་,མི་}སྐྱེ་བའི་བཟོད་པ་ལ་གནས་པ་དང་། སྙིང་རྗེ་ཆེན་པོ་ལ་གནས་པ་དང་། ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བ་ལ་གནས་པ་དང་། སྤྱོད་པ་ཡོངས་སུ་རྫོགས་པར་བྱ་བ་ལ་གནས་པ་དང་། སྨོན་
D44.035.0288b04.01ལམ་མངོན་པར་བསྒྲུབ་པ་ལ་གནས་པ་དང་། ཐབས་མཁས་པ་ལ་གནས་པ་དང་། བརྟན་པའི་སྟོབས་ཀྱི་ཤུགས་ལ་གནས་པ་དང་། ཆོས་ཐམས་ཅད་ནམ་མཁའི་རང་བཞིན་ལྟ་བུ་ལ་གནས་པ་དང་། ལེན་པ་མེད་པ་ལ་གནས་པ་སྟེ། ཀྱེ་རྒྱལ་བའི་སྲས་ཆོས་དེ་
D44.035.0288b05.01དག་ལ་གནས་པའི་བྱང་ཆུབ་སེམས་དཔའ་རྣམས་ཀྱིས་ནི། དེ་བཞིན་གཤེགས་པ་མཉེས་པར་འགྱུར་རོ། །ཀྱེ་རྒྱལ་བའི་སྲས་དེ་ལ་ཆོས་བཅུ་དང་ལྡན་པའི་བྱང་ཆུབ་སེམས་དཔའ་རྣམས་ནི་ས་རྣམ་པར་དགོད་པ་ལས་འདའ་བ་ཡིན་ཏེ། བཅུ་གང་ཞེ་ན་འདི་ལྟ་སྟེ།
D44.035.0288b06.01བསོད་ནམས་དང་ཡེ་ཤེས་ཀྱི་ཚོགས་ཤིན་ཏུ་བསྩགས་པ་དང་། ཕ་རོལ་ཏུ་ཕྱིན་པ་རྣམ་པར་ཕྱེ་བ་ཚད་མེད་པའི་ལམ་གཞན་གྱི་དྲིང་མི་འཇོག་པའི་ཡེ་ཤེས་སྣང་བ་དང་། དགེ་བའི་བཤེས་གཉེན་དང་འགྲོགས་པ་རྒྱུན་མ་ཆད་པ་དང་། བརྩོན་འགྲུས་ཞིག་པ་མེད་པ་དང་།
D44.035.0288b07.01