完整藏文原文 · 德格版页 当前仅加载第 35 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་མཐའ་ཡས་པའི་ལུས་སུ་འཕྲུལ་པ་ཞེས་བྱའོ། །ལག་ན་རྡོ་རྗེ་རྣམ་དག་སྤྲིན་གྱི་དབྱངས་ཀྱི་རྣམ་པར་ཐར་པ་ནི། དེ་བཞིན་གཤེགས་པའི་དབྱངས་མཐའ་ཡས་ཚད་མེད་པའི་རྗེས་སུ་སོང་བ་ཞེས་བྱའོ། །ལག་ན་རྡོ་རྗེ་དབང་པོ་ཤིན་ཏུ་མང་བའི་རྣམ་
D44.035.0053a01.01པར་ཐར་པ་ནི། འཇིག་རྟེན་གྱི་དབང་པོ་ཐམས་ཅད་ཀྱི་རྣམ་པར་འཕྲུལ་པ་སྟོན་ཅིང་། སངས་རྒྱས་ཀྱི་བྱིན་གྱི་རླབས་ཀྱིས་ཡང་དག་པར་སྐུལ་བ་ཞེས་བྱའོ། །ལག་ན་རྡོ་རྗེ་རྡོ་རྗེའི་འོད་ཡིད་དུ་འོང་བའི་རྣམ་པར་ཐར་པ་ནི། སངས་རྒྱས་ཀྱི་ཆོས་ཀྱི་དབྱིངས་རབ་ཏུ་ཕྱེ་བ་ཐམས་ཅད་མ་ལུས་པ་
D44.035.0053a02.01ལ་ཡང་དག་པར་སྤྱོད་པ་ཞེས་བྱའོ། །ལག་ན་རྡོ་རྗེ་ཤིང་གི་སྒྲ་དབྱངས་ཀྱི་རྣམ་པར་ཐར་པ་ནི། ཤིང་གི་ལྷ་ཐམས་ཅད་འདྲེན་པའི་རྒྱན་ཡིད་དུ་འོང་བས་བརྒྱན་པ་ཞེས་བྱའོ། །ལག་ན་རྡོ་རྗེ་སེང་གེའི་འོད་ཀྱི་རྒྱལ་པོའི་རྣམ་པར་ཐར་པ་ནི། དེ་བཞིན་གཤེགས་པའི་བསོད་ནམས་
D44.035.0053a03.01ཀྱི་དཀྱིལ་འཁོར་ཡངས་པའི་ཚོགས་ཀྱི་རྗེས་སུ་འབྲང་བའི་འོད་ཅེས་བྱའོ། །ལག་ན་རྡོ་རྗེ་འོད་འཕྲོ་སྟུག་པོའི་དཔལ་གྱི་མིག་གི་རྣམ་པར་ཐར་པ་ནི། སེམས་ཅན་མ་རུངས་པའི་རྒྱུད་ལ་ལུས་འཇིགས་འཇིགས་ལྟར་རབ་ཏུ་སྟོན་ཅིང་ཀུན་ཏུ་རྣམ་པར་ལྟ་བ་ཞེས་བྱའོ། །ལག་ན་
D44.035.0053a04.01རྡོ་རྗེ་རིན་ཆེན་གཙུག་ཕུད་པདྨོའི་འོད་ཀྱི་རྣམ་པར་ཐར་པ་ནི། བྱང་ཆུབ་སེམས་དཔའི་རྒྱན་ཐམས་ཅད་ཀྱིས་བརྒྱན་པའི་གཙུག་གི་ནོར་བུ་རིན་པོ་ཆེ་ཐམས་ཅད་ཀྱི་ཆར་མངོན་པར་འབེབས་པ་ཞེས་བྱའོ། །དེ་ནས་ལག་ན་རྡོ་རྗེ་མཐུ་ཆེན་ཁ་དོག་བཟང་པོའི་འོད་ཀྱིས་སངས་རྒྱས་ཀྱི་
D44.035.0053a05.01མཐུས། ལག་ན་རྡོ་རྗེའི་འཁོར་གྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆོས་རྒྱལ་ཆོས་ཀྱིས་མཛེས་པ་ཡི། །ཆོས་ཉིད་དེ་ལ་རྣམ་པར་ལྟོས། །ཡོན་ཏན་མཐའ་ཡས་སྐུ་གཟུགས་ཀྱིས། །འཇིག་
D44.035.0053a06.01རྟེན་ཀུན་ཏུ་རྣམ་པར་མཛེས། །སངས་རྒྱས་བ་སྤུ་ཐམས་ཅད་ནས། །འོད་ཟེར་དྲ་བ་བསམ་{མྱི་,མི་}ཁྱབ། །ཉི་མའི་དཀྱིལ་འཁོར་འདྲ་བ་སྟེ། །ཕྱོགས་བཅུ་ཀུན་ཏུ་རྣམ་པར་མཛེས། །སངས་རྒྱས་རྣམ་འཕྲུལ་དེ་དག་གིས། །ཆོས་ཀྱི་དབྱིངས་སུ་ཁྱབ་བྱས་ཤིང་། །འགྲོ་བ་ཀུན་
D44.035.0053a07.01