完整藏文原文 · 德格版页 当前仅加载第 35 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
ཟའི་རྒྱལ་པོ་གནས་སྲུང་པོའི་རྣམ་པར་ཐར་པ་ནི། ཀུན་ཏུ་རྩེ་བའི་ཐབས་ཐམས་ཅད་ཀྱིས་སེམས་ཅན་སྡུད་པའི་སྤྱོད་པ་ཞེས་བྱའོ། །དྲི་ཟའི་དབང་པོ་ཤིང་མི་འམ་ཅིའི་འོད་ཀྱི་རྣམ་པར་ཐར་པ་ནི། ཆགས་པ་ཐམས་ཅད་ཀྱི་ཡོན་ཏན་རྣམ་པར་བརྒྱན་པས་ཀུན་ཏུ་སྣང་བ་ཞེས་བྱའོ། །
D44.035.0025b01.01དྲི་ཟའི་དབང་པོ་མིག་གཙང་མ་དགའ་བ་རབ་ཏུ་སྐྱེ་བའི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་མྱ་ངན་རྣམ་པར་ཟློག་པས་དགའ་བའི་སྙིང་པོ་ཞེས་བྱའོ། །དྲི་ཟའི་དབང་པོ་མེ་ཏོག་དང་ཤིང་ཤིན་ཏུ་རྒྱས་པའི་ཅོད་པན་གྱི་རྣམ་པར་ཐར་པ་ནི། འགྲོ་བའི་ལྟ་བ་དང་ཉོན་མོངས་པ་ཐམས་
D44.035.0025b02.01ཅད་རྣམ་པར་འཇིལ་བ་ཞེས་བྱའོ། །དྲི་ཟའི་དབང་པོ་དགའ་བས་སྤྱོད་པ་ཀུན་ཏུ་སྒྲོག་པའི་རྣམ་པར་ཐར་པ་ནི། སེམས་ཅན་ཐམས་ཅད་དབུགས་དབྱུང་བ་ལ་ཁ་ན་མ་ཐོ་བ་མེད་པའི་སྤྲིན་གྱི་འོད་ཅེས་བྱའོ། །དྲི་ཟའི་དབང་པོ་རབ་ཏུ་དགའ་བ་རྒྱུན་དུ་གནས་པའི་མིག་བཟང་པོའི་རྣམ་
D44.035.0025b03.01པར་ཐར་པ་ནི། དགའ་བ་ཐམས་ཅད་རབ་ཏུ་གནས་པ་ཡངས་པ་ལ་མོས་པའི་སྙིང་པོ་ཞེས་བྱའོ། །དྲི་ཟའི་དབང་པོ་ཡིད་དུ་འོང་བའི་དབྱངས་སེང་གེའི་རྒྱལ་མཚན་གྱི་རྣམ་པར་ཐར་པ་ནི། རིན་པོ་ཆེ་དགྲམ་པས་ཕྱོགས་ཐམས་ཅད་ཁྱབ་པ་ཞེས་བྱའོ། །དྲི་ཟའི་དབང་པོ་
D44.035.0025b04.01འོད་ཟེར་ཀུན་ཏུ་འགྱེད་པའི་འོད་ཀྱི་རྣམ་པར་ཐར་པ་ནི། དགེ་བའི་ལུས་ཐམས་ཅད་ཡང་དག་པར་བསྟན་པས་དགའ་བ་ཤིན་ཏུ་རྒྱས་པའི་འོད་ཅེས་བྱའོ། །དྲི་ཟའི་དབང་པོ་རྡོ་རྗེ་ཤིང་གི་ཡལ་གའི་རྒྱལ་མཚན་གྱི་རྣམ་པར་ཐར་པ་ནི། ཤིང་ཐམས་ཅད་ཀྱི་མདངས་འབྱུང་བས་
D44.035.0025b05.01རབ་ཏུ་དགའ་བའི་མིག་ཀུན་ཏུ་སྣང་བ་ཞེས་བྱའོ། །དྲི་ཟའི་དབང་པོ་རྒྱན་ཐམས་ཅད་ལ་དགའ་བའི་རང་བཞིན་གྱི་ཚུལ་སྟོན་པའི་རྣམ་པར་ཐར་པ་ནི། སངས་རྒྱས་ཀྱི་ཡུལ་ཐམས་ཅད་རྣམ་པར་དཔྱོད་ཅིང་སེམས་ཅན་གྱི་སྒོ་རབ་ཏུ་བརྗོད་པ་ཞེས་བྱའོ། །དེ་ནས་དྲི་ཟའི་
D44.035.0025b06.01དབང་པོ་གནས་སྲུང་པོས་སངས་རྒྱས་ཀྱི་མཐུས་དྲི་ཟའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་སྤྱོད་ཡུལ་མཐའ་ཡས་སྒོ་ཅན་ཡང་། །འགྲོ་བ་ཀུན་གྱིས་འཇུག་པར་ནུས་པ་མིན། །བདེ་གཤེགས་
D44.035.0025b07.01