完整藏文原文 · 德格版页 当前仅加载第 35 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་ཕྲག་བཅུའི་འཁོར་གྱིས་བསྐོར་བའོ། །གྲོང་ཁྱེར་དེ་དག་རེ་རེ་ཞིང་ཡང་རྒྱན་མང་པོ་དུ་མས་བརྒྱན་པ་ནས་གྲོང་ཁྱེར་བྱེ་བ་ཁྲག་ཁྲིག་བརྒྱ་སྟོང་གི་འཁོར་གྱིས་བསྐོར་བའི་བར་དུ་སྟེ། ནགས་ཚལ་ཆེན་པོ་ཡལ་གའི་དཀྱིལ་འཁོར་རིན་པོ་ཆེའི་མེ་ཏོག་རྒྱས་
D44.035.0147a01.01པ་ཞེས་བྱ་བ་དེའི་དབུས་ན། སྙིང་པོ་བྱང་ཆུབ་རིན་པོ་ཆེའི་མེ་ཏོག་རྣམ་པར་སྣང་བ་ཞེས་བྱ་བ་རིན་པོ་ཆེ་ཐམས་ཅད་ཀྱི་ཤིང་། ཡལ་ག་སྟུག་ཅིང་རྒྱ་ཆེ་བའི་དཀྱིལ་འཁོར་རབ་ཏུ་རྒྱས་པས་ཀུན་ནས་བསྐོར་བ། རིན་པོ་ཆེའི་མེ་ཏོག་གཟུགས་དང་། དབྱིབས་རྣམ་པ་ཐ་དད་པ་
D44.035.0147a02.01མང་པོ་ཤིན་ཏུ་རྒྱས་པ་སྤོས་དང་མར་མེ་རིན་པོ་ཆེ་ཐམས་ཅད་ཀྱི་ཁ་དོག་ལྟར་འདུག་པའི་ཕྲེང་བ་མང་པོ་རྒྱ་ཆེན་པོའི་སྤྲིན་ཀུན་ཏུ་བཀྲམ་པ། རིན་པོ་ཆེའི་འོད་ཐུར་དུ་འཕྲོ་བས་ཞིང་ཀུན་ཏུ་ཁྱབ་པ་འོད་ཀྱི་དཀྱིལ་འཁོར་རྣམ་པར་དག་པའི་སྤྲིན་གྱིས་བརྒྱན་པ། ཕྱོགས་བཅུ་འོད་ཟེར་
D44.035.0147a03.01མང་པོས་རྣམ་པར་སྣང་བར་བྱས་པ་རྒྱན་ཐམས་ཅད་རིན་པོ་ཆེ་སྣ་ཚོགས་མང་པོས་སྤྲས་པ། རོལ་མོ་ཐམས་ཅད་ཀྱི་སྒྲ་དབྱངས་ཤིན་ཏུ་འབྱུང་བ། ནོར་བུའི་རྒྱལ་པོ་ཐམས་ཅད་ལས་བྱང་ཆུབ་སེམས་དཔའི་ལུས་འབྱུང་བ། ཕྱོགས་བཅུར་མེ་ཏོག་སྣ་ཚོགས་མང་
D44.035.0147a04.01པོ་རབ་ཏུ་འབྱུང་བ་ཡོད་དེ། དེའི་མདུན་དུ་པད་མོ་ཆེན་པོ་མེ་ཏོག་གི་ཟེ་བ་འོད་འཕྲོ་བའི་དཀྱིལ་འཁོར་ཞེས་བྱ་བ་རྒྱར་དཔག་ཚད་བྱེ་བ་ཕྲག་བརྒྱ་ཡོད་པ། རྩ་བ་སྤོས་དང་རིན་པོ་ཆེ་དང་རྡོ་རྗེའི་རྒྱ་མཚོ་ལ་ཟུག་པ། ཆུ་བ་རིན་པོ་ཆེ་སྣ་ཚོགས་ཀྱི་ཚོན་གྱིས་རྣམ་པ་སྣ་
D44.035.0147a05.01ཚོགས་སུ་གྱུར་པ། རིན་པོ་ཆེ་རྣམ་པ་ཐ་དད་པ་ཚད་མེད་པའི་འདབ་མ་ཅན། རིན་པོ་ཆེ་འོད་འཕྲོ་བ་དང་། སྤོས་ཀྱི་ཟེ་བའི་དཀྱིལ་འཁོར་གྱིས་བརྒྱན་པ། སྙིང་པོ་ལ་རིན་པོ་ཆེ་ཁ་དོག་མཐའ་ཡས་པའི་ཚོན་བཀྱེ་བ་པད་མོའི་དཀྱིལ་འཁོར་བརྗོད་དུ་མེད་པ་
D44.035.0147a06.01བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་འཁོར་གྱིས་བསྐོར་བ། ཕྱོགས་བཅུར་འོད་ཀྱི་དཀྱིལ་འཁོར་རྒྱ་ཆེན་པོ་རབ་ཏུ་འགྱེད་པ། ཟེ་བ་ཐམས་ཅད་ལས་ཡིད་དུ་འོང་བའི་སྒྲ་འབྱུང་བ་མངོན་པར་བྱུང་ངོ་། །འཇིག་རྟེན་གྱི་ཁམས་དཔལ་གྱི་སྒྲ་ཞེས་བྱ་བ་དེར།
D44.035.0147a07.01