完整藏文原文 · 德格版页 当前仅加载第 35 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་མེ་ཏོག་གི་རྒྱན་གྱིས་བརྒྱན་པའི་འཁོར་ཡུག་ཆེན་པོ་ནི་ནོར་བུའི་རྒྱལ་པོ་པདྨོ་ཉི་མའི་གཞི་ལ་བརྟེན་པ་སྟེ། ནོར་བུའི་རིགས་རྒྱ་མཚོ་སྤོས་ཀྱི་ཙནྡན་ཐམས་ཅད་ལས་གྲུབ་པ། ནོར་བུའི་རྒྱལ་པོ་རྒྱན་གྱི་ཡུལ་ཐམས་ཅད་ཀྱིས་ལྷུན་ཤིན་
D44.035.0104a01.01ཏུ་འཕགས་ཤིང་ཟིལ་གྱིས་གནོན་པ་ནོར་བུ་སྤོས་ཞིམ་པོ་གཟི་བརྗིད་ཀྱི་འཁོར་ལོ་རྣམ་པར་སྣང་བའི་སྙིང་པོ་ཅན། ནོར་བུའི་རྒྱལ་པོ་རྡོ་རྗེ་སྲ་ཞིང་མི་ཤིགས་པ་ལྟར་ཤིན་ཏུ་མཁྲེགས་ཤིང་སྲ་བ་རིན་པོ་ཆེའི་ཆུ་ཐམས་ཅད་ཀུན་ནས་འབྱུང་བ་རིན་པོ་ཆེའི་ཤིང་གི་ནགས་ཚལ་གྱི་རྒྱན་
D44.035.0104a02.01ཐམས་ཅད་མེ་ཏོག་ཤིན་ཏུ་རྒྱས་པ། སྤོས་ཀྱི་རྩི་མཆོག་བཟང་པོ་ཐམས་ཅད་ཀྱི་རྒྱན་གྱིས་བརྒྱན་པ། སྤོས་ཀྱི་མེ་ཏོག་དཔལ་ཅན་ཤིན་ཏུ་བཟང་བས་རྣམ་པར་བརྒྱན་པ། ནོར་བུའི་རྒྱལ་པོ་འཇིག་རྟེན་གྱི་ཁམས་ཐམས་ཅད་ཀྱི་དབྱིབས་ལྟ་བུའི་དྲ་བས་ཀུན་ནས་བྲེས་པ་སྟེ། །
D44.035.0104a03.01དེ་དག་ལ་{སྩོགས་,སོགས་}པ་རྒྱན་བཟང་པོའི་རྣམ་པ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་རབ་ཏུ་བརྒྱན་པའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་ཁོར་ཡུག་གི་རྒྱན་དང་ཡོན་ཏན་ཡོངས་སུ་དག་པ་འདི་ཉིད་བསྟན་པའི་ཕྱིར། སངས་
D44.035.0104a04.01རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འཇིག་རྟེན་གྱི་ཁམས་རྒྱ་མཚོ་གང་ཡོད་པ། །མཐའ་དང་དབུས་མེད་སྣ་ཚོགས་རྣམ་པ་ཅན། །ནོར་བུ་མང་པོས་རྣམ་དག་མཐའ་ཡས་མཆོག །
D44.035.0104a05.01དེ་དག་སངས་རྒྱས་རྣམ་པར་འཕྲུལ་པས་བྱུང་། །དྲི་མེད་ཁོར་ཡུག་རྒྱན་གྱིས་བརྒྱན་པ་ནི། །ནོར་བུ་མང་པོ་དེ་བཞིན་སྤོས་མང་དང་། །མུ་ཏིག་གསལ་བའི་ཚོགས་ལ་རབ་ཏུ་གནས། །ཁ་དོག་མཐའ་ཡས་རིན་ཆེན་རྣམས་ཀྱིས་བརྟེན། །སྙིང་པོ་ནོར་བུའི་སྤྲིན་
D44.035.0104a06.01ཅན་སྣ་ཚོགས་སྲ། །འཛམ་བུ་ཆུ་ཀླུང་འོད་འཕྲོ་སྙིང་པོའི་ཚོགས། །འོད་འཕྲོ་དམ་པ་ཕྱོགས་སུ་སྣང་ཞིང་འཚེར། །ཁོར་ཡུག་དྲི་མ་མེད་པ་རྣམ་པར་མཛེས། །ནོར་བུའི་རྡོ་རྗེས་བྱས་ཤིང་སྲ་ཞིང་བརྟན། །མཚམས་རྣམས་མི་ཕྱེད་ནོར་བུ་སྣ་ཚོགས་འབྲུལ། །མཚན་
D44.035.0104a07.01