完整藏文原文 · 德格版页 当前仅加载第 35 函德格 329b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་ཏེ་བསླབས་པའི་བློ་ལྡན་པ། །ཡེ་ཤེས་སྟོབས་ཅན་དེ་དག་སྤྱོད་འདིའོ། །ཡེ་ཤེས་གསལ་བའི་ཕུང་པོ་ཡིས། །དུས་གསུམ་ཆོས་ཀྱི་དབྱིངས་རྣམས་བཀང་སྟེ་བསྒྲུབ་བྱེད་ཀྱང་། །སྒྱིད་ལུག་ཡིད་དུ་མི་འགྱུར་བར། །སངས་རྒྱས་ཡུལ་ཞུགས་དེ་དག་
D44.035.0329b01.01སྤྱོད་ཡུལ་ལོ། །ཀུན་ཏུ་འགྲོ་བར་སོང་གྱུར་ཅིང་། །སྟོབས་བཅུ་མངའ་བའི་ཆོས་རྣམས་ཀུན་ཀྱང་ཤེས་པ་རྣམས། །ལུས་ཀྱི་ཆོས་ཀྱང་ཆགས་མེད་པ། །ཡོན་ཏན་དཔལ་ཅན་དེ་དག་སྤྱོད་འདིའོ། །སེམས་ཅན་མཐའ་དང་དབུས་མེད་པ། །ཕྱོགས་བཅུའི་འཇིག་
D44.035.0329b02.01རྟེན་དག་ན་རྒྱུ་བར་གྱུར་པ་རྣམས། །སེམས་ཅན་ཀུན་གྱི་བདག་ནི་སྐྱབས་ཡིན་པ། །འཇིགས་མེད་དེ་དག་སྤྱོད་པ་འདི་ཡིན་ནོ། །རྟག་པར་བརྩོན་འགྲུས་གནས་འཆའ་ཞིང་། །ནམ་ཡང་སངས་རྒྱས་ཆོས་ལ་ཞུམ་པ་མེད་པ་རྣམས། །དེ་ནི་འཇིག་རྟེན་སྦྱང་ཕྱིར་
D44.035.0329b03.01ཏེ། །ཀླུ་ཆེན་དེ་དག་སྤྱོད་པ་འདི་ཡིན་ནོ། །དབང་པོ་དག་གི་རྒྱུས་ཤེས་པ། །མོས་པའི་ཚུལ་གྱིས་ཕ་རོལ་ཕྱིན་པར་གྱུར་པ་རྣམས། །སྣ་ཚོགས་ཁམས་ཀྱང་རྟོགས་གྱུར་པ། །མཉམ་མེད་རྟོགས་གྱུར་དེ་དག་སྤྱོད་འདིའོ། །ཕྱོགས་རྣམས་བཅུ་པོ་
D44.035.0329b04.01ཚད་མེད་པའི། །མཐའ་དང་དབུས་མེད་རིན་ཆེན་མང་པོས་འགེངས་བྱེད་ཀྱང་། །ནམ་ཡང་སྐྱོ་བའི་ཡིད་མེད་པ། །དད་པར་བྱེད་པ་དེ་དག་སྤྱོད་འདིའོ། །འོད་ཟེར་དྲ་བ་མཐའ་ཡས་པ། །ཀུན་ཏུ་འགྱེད་ཅིང་འཇིག་རྟེན་སྣང་བར་བྱེད་པ་རྣམས། །སྣང་བའི་
D44.035.0329b05.01ཆོས་རྣམས་རྟོགས་གྱུར་པ། །བློ་གྲོས་བསྒོམས་པ་དེ་དག་སྤྱོད་འདིའོ། །གང་ཞིག་ཕྱོགས་བཅུའི་ཞིང་གི་རྣམས། །ཁྲག་ཁྲིག་བསམ་གྱིས་མི་ཁྱབ་ཐམས་ཅད་སྐྱོད་བྱེད་ཀྱང་། །འཇིག་པར་འགྱུར་བར་མི་བྱེད་དེ། །འཇིག་རྟེན་ཕན་པ་བསྐྱེད་ལ་རྟག་ཏུ་བརྩོན། །
D44.035.0329b06.01ཚིག་གི་ཚུལ་ལ་མཁས་པ་རྣམས། །བརྗོད་པ་རྣམ་པར་དབྱེ་བའི་ཕ་རོལ་ཕྱིན་གྱུར་པ། །ཤེས་པ་རྨོངས་མེད་མཁས་པ་དག །མི་འགུལ་སེམས་ལྡན་དེ་དག་སྤྱོད་འདིའོ། །སྤྱིའུ་ཚུགས་རྒྱུ་ལ་མཁས་པ་དག །ཞིང་
D44.035.0329b07.01