完整藏文原文 · 德格版页 当前仅加载第 35 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པའི་ཕྱིར་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཆུ་ཀླུང་བར་རྣམས་ཤིན་ཏུ་རྣམ་པར་དག །རིན་ཆེན་རྒྱན་ཅན་གསེར་གྱིས་རྣམ་པར་བྲེས། །ཡལ་ག་མེ་ཏོག་སྤྲིན་རྣམས་འཕྱང་
D44.035.0108b01.01ལྡིང་བའི། །ཤིང་གི་ཕྲེང་བས་ཀུན་ནས་མངོན་པར་ཁྱབ། །ཤིང་གི་ཡལ་གའི་དཀྱིལ་འཁོར་སྒོ་དག་ནས། །རིན་ཆེན་མང་པོའི་སྤྲིན་རྣམས་ཀུན་ཀྱང་འབྱུང་། །མེ་ཏོག་འོད་མང་རིན་ཆེན་སྙིང་པོ་ཅན། །ཕྱོགས་རྣམས་ཀུན་སྒོར་འགྲོ་བ་ཁྱབ་པར་བྱེད། །གཞི་རྣམས་
D44.035.0108b02.01ནོར་བུ་མངོན་པར་བཀྲམ་པ་སྟེ། །མེ་ཏོག་རྣམ་བྲེས་རིན་ཆེན་འབྲུ་དང་ལྡན། །ཀུན་ནས་རིན་ཆེན་སྤྲིན་གྱིས་ཁྱབ་པ་སྟེ། །རྒྱན་དང་སེམས་ཅན་ཐམས་ཅད་གཟུགས་བརྙན་སྣང་། །སངས་རྒྱས་འོད་ཀྱི་ནོར་བུའི་རྒྱལ་པོ་ཡིས། །ས་རྣམས་ཐམས་ཅད་ཀུན་ནས་
D44.035.0108b03.01རྣམ་པར་གང་། །ཕྱོགས་རྣམས་ཐམས་ཅད་འབར་ཞིང་སྣང་བའི་སྤྲིན། །རྡུལ་ཕྲན་ཀུན་ལ་གཟུགས་བརྙན་གྱུར་པར་སྣང་། །ནོར་བུའི་རྒྱན་གྱིས་ཤིན་ཏུ་རྣམ་པར་རྒྱས། །མུ་ཏིག་གསལ་བའི་དྲ་བས་རྣམ་པར་ཕྱེ། །ནོར་བུའི་འཁོར་ལོས་ཀུན་ནས་རབ་ཏུ་བཀོད། །
D44.035.0108b04.01ཀུན་ན་རྒྱལ་བ་རྣམ་པར་འཕྲུལ་པ་སྣང་། །འབྱམ་ཀླས་འོད་ཟེར་ལྡན་པའི་རིན་ཆེན་གྱིས། །སངས་རྒྱས་སྤྲུལ་པ་བཀྱེ་བ་ཀུན་ན་སྣང་། །སངས་རྒྱས་མང་པོས་ཕྱོགས་རྣམས་ཀུན་ཁྱབ་ཅིང་། །སྟོབས་བཅུ་མངའ་བའི་ཆོས་ཉིད་རབ་ཏུ་སྒྲོག །རིན་ཆེན་སྣ་ཚོགས་
D44.035.0108b05.01པུནྡ་རི་ཀ་ཡིས། །ཆུ་རྣམས་ཀུན་རྒྱས་སྙིང་པོ་ནོར་བུ་སྤོས། །དེ་ལས་མི་ཟད་འོད་ཟེར་རྒྱ་མཚོའི་རྣམས། །རབ་ཏུ་འབྱུང་བའི་པདྨོ་སྣ་ཚོགས་འབྱུང་། །དུས་རྣམས་གསུམ་པོའི་རྒྱན་རྣམས་ཐམས་ཅད་ཀྱང་། །ནོར་བུ་དེ་དག་འབྲུ་ཡི་ནང་ན་སྟེ། །འབྱུང་བ་
D44.035.0108b06.01མེད་ཅིང་གཟུང་དུའང་ཡོད་པ་མིན། །དེ་ནི་སངས་རྒྱས་རྣམ་པར་འཕྲུལ་པའི་མཐུ། །རྒྱལ་བ་རྣམ་པར་སྣང་མཛད་ཐམས་ཅད་དུ། །རྒྱན་དང་སྤྲུལ་པ་ཐམས་ཅད་རབ་ཏུ་འགྱེད། །སྔོན་ཅད་སངས་རྒྱས་སྨོན་ལམ་མཐུ་དག་གིས། །དེ་དག་འགྲོ་ཞིང་འོང་བར་སྣང་
D44.035.0108b07.01