完整藏文原文 · 德格版页 当前仅加载第 35 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
ནི། འཇིག་རྟེན་གྱི་ཁམས་རྒྱ་མཚོ་རེ་རེ་ཞིང་ཡང་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོ་རབ་ཏུ་གནས་པ་ཤིན་ཏུ་བསྟན་པའི་དོན་འདི་ཉིད་ཡོངས་སུ་བསྟན་
D44.035.0093a01.01པའི་ཕྱིར། སངས་རྒྱས་ཀྱི་མཐུས་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཀུན་ཀྱང་ཞིང་རྣམས་རྒྱ་མཚོ་འདི་དག་རིན་ཆེན་རང་བཞིན་དྲི་{མྱེད་,མེད་}པ། །རྣམ་དག་སྣ་ཚོགས་ནོར་བུ་ཀུན་འབར་འོད་ཟེར་རྒྱ་མཚོའི་འོད་ལྡན་ལྟོས། །འདི་དག་རྒྱལ་བའི་བྱིན་རླབས་
D44.035.0093a02.01རྒྱུ་ཡིས་དབྱིངས་ལེགས་འཁོར་བར་རྣམ་པར་སྣང་། །དེ་དག་གིས་ནི་ཕྱོགས་བཅུ་ནམ་མཁའི་དབྱིངས་རྣམས་གཞི་ཀུན་རབ་ཏུ་ཁྱབ། །ཞིང་རྣམས་རྒྱ་མཚོ་ལ་ལ་དྲི་{མྱེད་,མེད་}འོད་ཅན་ནམ་མཁའི་དབྱིངས་ལ་གནས། །སྣང་བའི་སྙིང་པོ་འོད་ཅན་ནོར་བུའི་རྒྱ་མཚོ་དག་ལ་ལེགས་
D44.035.0093a03.01པར་གནས། །འགྲོ་བ་དེ་དབུས་རྒྱལ་བ་འཁོར་ལ་ཆོས་ཀྱི་འཁོར་ལོ་བཟང་པོ་བསྐོར། །འདི་ནི་སངས་རྒྱས་ཡུལ་ཡིན་སེམས་ཅན་རྒྱ་ཆེན་ཤིན་ཏུ་མགུ་བ་བྱེད་པའོ། །ལ་ལ་མེ་ཏོག་སྒྲོན་མ་ཀུན་ཏུ་རྒྱས་པའི་མུ་ཏིག་ནོར་བུས་བརྒྱན། །འོད་ཟེར་དྲ་བའི་ཀུན་ནས་
D44.035.0093a04.01སྤྲིན་འབར་སྤོས་འཕྲོ་སྤྲིན་གྱི་འོད་ཅན་ཏེ། །ཞིང་མང་མཐའ་དང་དབུས་མེད་རྒྱ་ཆེན་པདྨོའི་རྒྱ་མཚོ་དག་ལ་གནས། །སངས་རྒྱས་རྣམས་ཀྱིས་རབ་བརྒྱན་ཞིང་རྣམས་འབྱམ་ཀླས་ཀུན་ཀྱང་རབ་ཏུ་མཛེས། །ཞིང་རྣམས་རྒྱ་མཚོ་དཀྱིལ་འཁོར་དབྱིངས་རྣམས་ལ་ལ་སངས་
D44.035.0093a05.01རྒྱས་བྱིན་ལ་གནས། །ཡངས་ཤིང་རིན་ཆེན་མང་ལྡན་རྒྱ་ཆེན་དེ་དག་བྱང་ཆུབ་སེམས་དཔས་གང་། །ལག་ན་རྡོ་རྗེ་རྒྱ་མཚོ་མང་ཚོགས་ལྷ་དབང་ལུས་ལ་དེ་བཞིན་གནས། །དེ་ནས་བཅོམ་ལྡན་རྣམ་པར་སྣང་བ་མཛད་ཀྱི་འཁོར་ལོ་རྟག་ཏུ་འཁོར། །
D44.035.0093a06.01ནོར་བུའི་ཤིང་དང་སྤོས་ཀྱི་འོད་འཕྲོའི་སྤྲིན་རྣམས་མཉམ་པའི་དབྱིངས་ལ་གནས། །ཆུ་ཡི་ཕུང་པོ་དག་དང་རྡོ་རྗེའི་རྒྱ་མཚོ་བརྟན་ལའང་དེ་བཞིན་གནས། །ལ་ལ་གོས་དང་བྲག་དང་རྒྱལ་མཚན་མེ་ཏོག་རྒྱ་ཆེན་དག་ལ་གནས། །ཀུན་ནའང་རྣམ་འཕྲུལ་འདི་
D44.035.0093a07.01