完整藏文原文 · 德格版页 当前仅加载第 35 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་བཟང་ཐུབ་པ་མེད་པ་མཐོང་གྱུར་ནས། །བྱང་ཆུབ་དོན་དུ་བསྟན་པ་སེམས་བསྒྱུར་རོ། །དཔེ་ཟླ་མེད་པའི་རྫུ་འཕྲུལ་སྟོབས་ཆེན་དང་། །ཡོངས་སུ་བསྟན་དང་རྗེས་སུ་བསྟན་མཐོང་སྟེ། །སྲིད་ལམ་ཀུན་ཏུ་སྡུག་བསྔལ་གྱུར་མཐོང་
D44.035.0253a01.01ཞིང་། །བྱང་ཆུབ་དོན་དུ་བསྟན་པ་སེམས་བསྒྱུར་རོ། །དེ་བཞིན་གཤེགས་པ་ཡོན་ཏན་ཀུན་མངའ་བ། །ཀུན་ཏུ་བཟང་པོའི་ཡོན་ཏན་ཐོས་གྱུར་ཅིང་། །ནམ་མཁའ་དབྱིངས་མཉམ་རྟོག་པ་{མྱེད་,མེད་}པ་ཡི། །བརྟན་པ་བྱང་ཆུབ་དོན་དུ་སེམས་བསྐྱེད་དོ། །
D44.035.0253a02.01ཁམས་གསུམ་ཀུན་ན་གནས་ནི་འདི་དག་ཡིན། །གནས་{མྱིན་,མིན་}རང་བཞིན་དག་ཀྱང་འདི་ཡིན་ཞེས། །མ་ནོར་དངོས་པོ་ཁོང་དུ་ཆུད་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྐྱེད་དོ། །འདས་དང་མ་འོངས་ད་ལྟར་བྱུང་བ་དང་། །དཀར་ནག་ལས་རྣམས་ཇི་
D44.035.0253a03.01སྙེད་ཡོད་དེ་དག །དེ་ཀུན་མཉམ་ཉིད་རྗེས་སུ་རྟོགས་བྱའི་ཕྱིར། །བརྟན་པ་བྱང་ཆུབ་དོན་དུ་སེམས་བསྐྱེད་དོ། །བསམ་གཏན་ཏིང་འཛིན་རྣམ་པར་ཐར་པ་དང་། །མཉམ་གཞག་དེ་བཞིན་ཀུན་ནས་ཉོན་མོངས་དང་། །རྣམ་བྱང་རྣམ་པར་ཁོང་དུ་ཆུད་བྱའི་ཕྱིར། །
D44.035.0253a04.01བརྟན་པ་བྱང་ཆུབ་དོན་དུ་སེམས་བསྐྱེད་དོ། །སེམས་ཅན་ཀུན་གྱི་དབང་པོ་ཅི་འདྲ་དང་། །བརྩོན་འགྲུས་སྟོབས་དང་དེ་བཞིན་ཅི་འདྲ་བ། །རྣམ་པ་སྣ་ཚོགས་དེ་དག་རྟོགས་བྱའི་ཕྱིར། །བྱང་ཆུབ་དོན་དུ་བརྟན་པ་སེམས་བསྒྱུར་རོ། །སེམས་ཅན་ཀུན་གྱི་མོས་པ་
D44.035.0253a05.01ཅི་འདྲ་དང་། །འཇིག་རྟེན་ཀུན་གྱི་བསམ་པ་སྣ་ཚོགས་རྣམས། །རྣམ་པ་ཀུན་ཏུ་ཐམས་ཅད་རྟོགས་བྱའི་ཕྱིར། །བྱང་ཆུབ་དོན་དུ་བརྟན་པ་སེམས་བསྒྱུར་རོ། །འགྲོ་བ་རྣམས་ཀྱི་སྣ་ཚོགས་ཁམས་རྣམས་དང་། །འཇིག་རྟེན་ཀུན་གྱི་ཁམས་མང་དུ་མ་དང་། །
D44.035.0253a06.01ཁམས་ཀྱི་རང་བཞིན་རྟོགས་པར་བྱ་བའི་ཕྱིར། །བརྟན་པ་བྱང་ཆུབ་དོན་དུ་སེམས་བསྒྱུར་རོ། །ཀུན་ཏུ་འགྲོ་བའི་སེམས་རྣམས་ཅི་འདྲ་དང་། །ལམ་རྣམས་ཅི་འདྲ་འདུས་བྱས་འདི་དག་གི། །མ་ནོར་རང་བཞིན་རྟོགས་པར་བྱ་བའི་ཕྱིར། །བྱང་ཆུབ་དོན་དུ་
D44.035.0253a07.01