完整藏文原文 · 德格版页 当前仅加载第 35 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་དབྱིངས་ཀྱིས་ཀླས་པ། ནམ་མཁའི་མཐས་གཏུགས་པ་དག་ཏུ་ཡང་། སེམས་ཅན་རྣམས་འདུལ་བར་འགྱུར་བར་བྱ་བའི་ཕྱིར་བྱིན་གྱིས་བརླབ་བོ། །ཐམས་ཅད་ན་ཡང་ཆོས་བསྟན་པ་འདི་ཉིད་བྱང་ཆུབ་སེམས་དཔའ་ཆོས་ཀྱི་བློ་གྲོས་ཤེས་
D44.035.0277a01.01བྱ་བ་ཤ་སྟག །སངས་རྒྱས་ཀྱི་མཐུ་དང་། བཅོམ་ལྡན་འདས་ཀྱི་སྔོན་གྱི་སྨོན་ལམ་གྱིས་སངས་རྒྱས་ཀྱི་ཆོས་ཐམས་ཅད་ཡང་དག་པར་བསྟན་པ་དང་། ཡེ་ཤེས་ཀྱི་སྣང་བ་ཤིན་ཏུ་གསལ་བར་བྱ་བ་དང་། དོན་གྱིས་འདུལ་བའི་སྣང་བ་ཐོབ་པ་དང་། ཆོས་
D44.035.0277a02.01ཉིད་རབ་ཏུ་ཐོབ་པར་བྱ་བ་དང་། བྱང་ཆུབ་སེམས་དཔའ་རྣམས་ཤིན་ཏུ་དགའ་བར་བྱ་བ་དང་། སངས་རྒྱས་ཀྱི་ཆོས་ཀྱི་རྒྱུད་ཡང་དག་པར་བསྟན་པར་བྱ་བ་དང་། སངས་རྒྱས་ཀྱི་ཆོས་མཉམ་པ་ཉིད་དུ་བྱ་བ་དང་། ཆོས་ཀྱི་དབྱིངས་གཉིས་སུ་མེད་པ་ལ་འཇུག་པར་བྱ་བའི་ཕྱིར་རབ་ཏུ་སྟོན་ཏོ། །དེ་ནས་བྱང་ཆུབ་
D44.035.0277a03.01སེམས་དཔའ་ཆོས་ཀྱི་བློ་གྲོས་ཀྱིས་ཕྱོགས་བཅུར་བལྟས་ཏེ། འཁོར་ཐམས་ཅད་ལ་རྣམ་པར་བལྟས་ནས། ནམ་མཁའི་ཁམས་རྣམས་ལ་ནི་རྣམ་པར་དཔྱོད། སེམས་ཅན་གྱི་ཁམས་ནི་ཡོངས་སུ་སྨིན་པར་བྱེད། ལས་དང་རྣམ་པར་སྨིན་པའི་ཁམས་
D44.035.0277a04.01ནི་འགལ་བར་མི་བྱེད། ནམ་མཁའི་ཁམས་ནི་ཡོངས་སུ་དག་པར་བྱེད། ཀུན་ནས་ཉོན་མོངས་པ་ལས་བྱུང་བ་ནི་རབ་ཏུ་སེལ། མོས་པ་ཡངས་པ་ལས་བྱུང་བ་ནི་ཤིན་ཏུ་འཕེལ་བར་བྱེད། སེམས་ཅན་གྱི་དབང་པོ་ཐ་དད་པ་ལ་ནི་རབ་ཏུ་འཇུག་
D44.035.0277a05.01དུས་གསུམ་ནི་མཉམ་པར་བྱེད། མྱ་ངན་ལས་འདས་པའི་དབྱིངས་ལ་ནི་ཡང་དག་པར་རྟོག་ཅིང་། རང་གི་དགེ་བའི་རྩ་བའི་སྟོབས་ཡོངས་སུ་དག་པར་བྱ་བ་ལ་གཞོལ་བའི་ཕྱིར། དེའི་ཚེ་སངས་རྒྱས་ཀྱི་མཐུས་ཚིགས་སུ་བཅད་པ་འདི་དག་སྨྲས་སོ། །
D44.035.0277a06.01གང་ཞིག་ཕྱོགས་རྣམས་བཅུ་པོ་མ་ལུས་རྒྱས་བྱས་ཤིང་། །སེམས་ཅན་ཞིང་དང་ཆོས་གསུམ་དག་ཀྱང་རྟོགས་གྱུར་པ། །སངས་རྒྱས་མཚོ་མཆོག་བྱང་ཆུབ་སེམས་དཔའ་དེ་བཞིན་ཏེ། །དེ་དག་འཇིག་རྟེན་ཕན་ཕྱིར་སེམས་ཀྱི་དམ་པ་བསྐྱེད། །
D44.035.0277a07.01