完整藏文原文 · 德格版页 当前仅加载第 35 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
འཆང་བ། ཏིང་ངེ་འཛིན་ཐམས་ཅད་ལ་རབ་ཏུ་འཇོག་ཅིང་ཕྱི་མའི་མཐའི་བསྐལ་པའི་མུར་ཐུག་པར་ཏིང་ངེ་འཛིན་དང་། རྣམ་པར་ཐར་པ་ལ་རྣམ་པར་སྤྱོད་པ། སངས་རྒྱས་ཀྱི་ཡོན་ཏན་རྒྱ་མཚོ་མཐའ་ཡས་པ་ཐམས་ཅད་དང་ཆོས་ཀྱི་དབྱིངས་ཀྱི་ལུས་
D44.035.0078a01.01དང་ལྡན་པས་དེ་བཞིན་གཤེགས་པའི་རྫུ་འཕྲུལ་དང་། རྣམ་པར་འཕྲུལ་པ་མཐའ་དང་དབུས་མེད་པ་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་སྐུ་ནི་ཆོས་ཀྱི་དབྱིངས་ཀྱིས་གསལ། །འགྲོ་བ་ཀུན་ལ་རྒྱལ་བ་
D44.035.0078a02.01མངོན་སུམ་སྟེ། །ཇི་ལྟར་མོས་པའི་སེམས་ཅན་རྒྱས་བཀང་ནས། །སྙིང་པོ་བྱང་ཆུབ་དེ་ལ་རྒྱལ་བ་བཞུགས། །ཞིང་རྣམས་ཀུན་གྱི་རྡུལ་ཕྲན་མཆོག་སྙེད་ཀྱི། །རྒྱལ་བ་སྤུ་རྩེ་ཀུན་ལ་རབ་བཞུགས་ཏེ། །བྱང་ཆུབ་སེམས་དཔའི་འཁོར་གྱིས་
D44.035.0078a03.01ཀུན་ནས་བསྐོར། །ཀུན་ཀྱང་བཟང་པོའི་སྤྱོད་པ་མཆོག་སྟོན་ཏོ། །སྤུ་གཅིག་རྩེ་ལ་ཞིང་མང་རྒྱ་མཚོ་སྟེ། །བྱང་ཆུབ་སྙིང་པོ་པདྨོའི་གདན་ལ་བཞུགས། །ཆོས་དབྱིངས་རྒྱ་ཆེན་ཐམས་ཅད་ཀུན་བཀང་སྟེ། །སྤུ་རྣམས་ཀུན་ལ་རྣམ་པར་འཕྲུལ་པ་སྟོན། །
D44.035.0078a04.01ཞིང་རྣམས་རེ་རེ་དག་ན་རབ་བཞུགས་ཤིང་། །ཞིང་རྣམས་འབྱམ་ཀླས་ཀུན་ཏུ་རྒྱས་མཛད་པས། །ཕྱོགས་བཅུའི་བྱང་ཆུབ་སེམས་དཔའི་སྤྲིན་གྱི་རྣམས། །ཀུན་ཀྱང་སྙིང་པོ་བྱང་ཆུབ་དྲུང་དུ་འདོང་། །ཞིང་རྣམས་ཀུན་གྱི་རྡུལ་ཕྲན་མཆོག་སྙེད་ཀྱི། །བྱང་
D44.035.0078a05.01ཆུབ་སེམས་དཔའི་ཡོན་ཏན་རྒྱ་མཚོའི་འོད། །སངས་རྒྱས་ཀྱི་ནི་འཁོར་དུ་ཉེ་བར་འདོང་། །ཆོས་དབྱིངས་འབྱམ་ཀླས་རྟག་ཏུ་རྒྱས་པར་འགེངས། །ཞིང་རྣམས་ཐམས་ཅད་གཟུགས་བརྙན་རབ་ཏུ་སྟོན། །ཆོས་དབྱིངས་རྡུལ་རྣམས་ཡེ་ཤེས་སྤྱོད་ཡུལ་
D44.035.0078a06.01ཅན། །ཀུན་ཀྱང་བཟང་པོའི་སྤྱོད་ལ་རབ་ཏུ་གནས། །སངས་རྒྱས་ཀུན་གྱི་འཁོར་དུ་ཡང་དག་བྱུང་། །བྱང་ཆུབ་སེམས་དཔའ་ཡེ་ཤེས་མཆོག་ཡུལ་ཅན། །སངས་རྒྱས་ཆོས་སྤྲིན་ཉན་ཅིང་རབ་ཏུ་མཁས། །སངས་རྒྱས་ཀུན་གྱི་འཁོར་རྣམས་ཀུན་
D44.035.0078a07.01