完整藏文原文 · 德格版页 当前仅加载第 35 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
དོན་ཡོད་པར། །སངས་རྒྱས་འཇིག་རྟེན་ཀུན་ཏུ་ཁྱབ་གྱུར་ཅིང་། །འགྲོ་བ་ཀུན་གྱི་ཉོན་མོངས་དག་པར་མཛད། །འདི་ནི་ཐམས་ཅད་སྒོ་མོའི་རྣམ་ཐར་ཏོ། །འགྲོ་བ་འདི་ན་མོས་ཡངས་གང་ཡོད་པ། །དེ་དག་ཐམས་ཅད་རྒྱལ་བའི་མཐུས་
D44.035.0044a01.01བྱུང་སྟེ། །དེ་བཞིན་གཤེགས་པའི་ཡེ་ཤེས་རྒྱ་མཚོའོ། །ནགས་ཚལ་རྒྱན་གྱིས་གཙུག་ཕུད་དེ་ལ་འཇུག །འཇིག་རྟེན་རྣམས་ལ་བྱམས་པ་ཆེ་བསྐྱེད་དེ། །སེམས་ཅན་རྣམས་ལ་ཕན་ཕྱིར་རང་བྱུང་སྐྱེས། །ལམ་རབ་དགེ་བ་ཞི་བ་རབ་ཏུ་སྟོན། །ཞི་བ་སྣ་
D44.035.0044a02.01ཚོགས་དཔལ་གྱི་རྣམ་ཐར་ཏོ། །ཕྱོགས་སུ་སེམས་ཅན་ཡོངས་སུ་སྨིན་བྱེད་པའི། །བདེ་གཤེགས་སྤྱོད་པ་ཇི་ལྟར་རྣམ་དག་པ། །བྱང་ཆུབ་ཤིང་ལས་དེ་དག་སྒྲ་ཡང་འབྱུང་། །སྤོས་ཞིམ་དཔལ་གྱི་ལྷ་ཡིས་དེ་ཐོས་སོ། །རྒྱལ་བའི་འཇིག་རྟེན་ཡིད་དུ་འོང་
D44.035.0044a03.01བ་སྤོང་། །དགེ་བ་མ་ལུས་རྣམས་ཀྱང་རབ་ཏུ་སྐྱེད། །འགྲོ་བ་ཀུན་གྱི་དབང་པོ་རྣམ་པར་སྦྱོང་། །དགེ་བར་སྣང་བའི་ལྷ་ཡིས་དེ་མཐོང་ངོ་། །འགྲོ་བ་ཀུན་ན་སངས་རྒྱས་ཤིན་ཏུ་འཕགས། །སྐྱེ་བོ་ཀུན་གྱི་བསམ་པ་དེ་མཁྱེན་ཏེ། །སྣ་ཚོགས་སྒོ་ནས་འགྲོ་བ་
D44.035.0044a04.01ཡོངས་སྨིན་མཛད། །རྣམ་དག་ཁ་དོག་འོད་ཀྱི་རྣམ་ཐར་ཏོ། །དེ་ལ་སྨན་གྱི་ལྷ་ཕུན་སུམ་ཚོགས་པའི་རྣམ་པར་ཐར་པ་ནི། བསམ་པ་ཀུན་ནས་རྣམ་པར་ལྟ་བའི་གནོན་པས་འགྲོ་བ་རབ་ཏུ་གནོན་པ་ཞེས་བྱའོ། །སྨན་གྱི་ལྷ་ཙན་དན་གྱི་ནགས་ཚལ་གྱི་ཤུགས་
D44.035.0044a05.01འཆང་བའི་རྣམ་པར་ཐར་པ་ནི། བལྟ་བ་དོན་ཡོད་པས་སེམས་ཅན་འདྲེན་པའི་འོད་ཅེས་བྱའོ། །སྨན་གྱི་ལྷ་འོད་རྡུལ་མེད་པའི་རྣམ་པར་ཐར་པ་ནི། སེམས་ཅན་ཐམས་ཅད་ཉོན་མོངས་པ་རབ་ཏུ་ཞི་བས་རྡུལ་དང་བྲལ་བའི་སྦྱོར་བ་ཞེས་བྱའོ། །སྨན་གྱི་ལྷ་མིང་ཀུན་ཏུ་
D44.035.0044a06.01གྲགས་པའི་གླང་པོའི་རྒྱལ་མཚན་གྱི་རྣམ་པར་ཐར་པ་ནི། མིང་བསྒྲགས་པས་དགེ་བའི་རྩ་བ་རྒྱ་མཚོ་ཡང་དག་པར་འཕེལ་བ་ཞེས་བྱའོ། །སྨན་གྱི་ལྷ་སྤུའི་གློང་ཀུན་ནས་འོད་བྱུང་བའི་རྣམ་པར་ཐར་པ་ནི། ནད་ཐམས་ཅད་ལ་སྙིང་རྗེའི་དཀྱིལ་འཁོར་གྱི་ཤུགས་
D44.035.0044a07.01