完整藏文原文 · 德格版页 当前仅加载第 35 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་ཀྱི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། མེ་ཏོག་གི་སྤྲིན་གྱིས་རྣམ་པར་སྣང་བར་བྱས་པའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་
D44.035.0073a01.01བརླབ་པ་དང་། འོད་ཟེར་གྱི་སྒོ་ནས་སངས་རྒྱས་སྤྲུལ་པའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ཕྱོགས་བཅུའི་སངས་རྒྱས་ཀྱི་ཞིང་གཟུགས་བརྙན་གྱི་ཁོངས་སུ་ཆུད་པའི་འོད་ཀྱི་དཀྱིལ་འཁོར་གྱི་སྤྲིན་བཅུས་
D44.035.0073a02.01ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། རིན་པོ་ཆེའི་ཡལ་གའི་སྒོ་ཀུན་ནས་སངས་རྒྱས་ཀྱི་ཡུལ་རབ་ཏུ་སྒྲོག་པའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་རིན་པོ་ཆེ་བཻ་ཌཱུརྱའི་
D44.035.0073a03.01རིགས་ཀྱི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། སེམས་སྐད་ཅིག་གཅིག་གིས་སེམས་ཅན་མཐའ་ཡས་པའི་གཟུགས་ཡོངས་སུ་སྟོན་པའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་
D44.035.0073a04.01བྱིན་གྱིས་བརླབ་པ་དང་། སངས་རྒྱས་ཐམས་ཅད་ཀྱི་སྨོན་ལམ་འབྱུང་བའི་སྒྲ་ཡིད་དུ་འོང་བ་རབ་ཏུ་གཏོང་བའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། འཁོར་གྱི་དཀྱིལ་འཁོར་ཐམས་ཅད་དུ་སེམས་ཅན་འདུལ་བའི་
D44.035.0073a05.01སྒྲ་སྒྲོག་པ་ནོར་བུའི་འོད་ཀྱི་དཀྱིལ་འཁོར་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། དེ་དག་ལ་སོགས་པ་འོད་ཀྱི་དཀྱིལ་འཁོར་གྱི་སྤྲིན་བཅུས་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱིས་ནམ་མཁའ་ཀུན་ནས་ཡོག་པར་བྱིན་
D44.035.0073a06.01གྱིས་བརླབ་པ་བྱེད་ཅིང་། བཅོམ་ལྡན་འདས་གང་ན་བ་དེར་ཕྱིན་ཏེ། བཅོམ་ལྡན་འདས་ལ་ཕྱག་འཚལ་ནས་ནུབ་དང་བྱང་གི་ཕྱོགས་མཚམས་སུ་བརྟེན་ཏེ། སེང་གེའི་ཁྲི་འོད་ཟེར་འབར་བ་{མྱི་,མི་}ཟད་པའི་གཟི་བརྗིད་ཀྱི་སྙིང་པོ་ཅན་མངོན་པར་སྤྲུལ་ནས་སྐྱིལ་མོ་ཀྲུང་
D44.035.0073a07.01