完整藏文原文 · 德格版页 当前仅加载第 35 函德格 344a 版页；藏文 NFD、目录标记与异常页序保留在来源切片中，重复版页行以稳定序号区分。
གསོ་བ་དང་། གསོག་དང་། སྙིང་པོ་མེད་པ་དང་། བདག་མེད་པར་རབ་ཏུ་ཤེས་ཏེ། ཆོས་གང་ཡང་སྙིང་པོ་ཅན་དུ་ཤེས་པ་མེད་དོ། །ཆོས་གང་ལ་ཡང་རང་བཞིན་དུ་འདོགས་པ་མེད་དེ། ངོ་བོ་ཉིད་མཐས་གཏུགས་
D44.035.0344a01.01པ་ཐམས་ཅད་རབ་ཏུ་ཤེས་སོ། །སེམས་ཅན་རྣམས་ལ་ཡང་དེ་བཞིན་ཉིད་ཀྱི་དོན་དུ་ཆོས་སྟོན་ཏེ་དེ་ཅི་སྟོན་ཅེ་ན། འཇིག་པ་མེད་པའི་ཕྱིར་ཆོས་སྟོན་ཏེ། གང་འཇིག་པ་མེད་པའི་ཕྱིར་ཞེ་ན། གཟུགས་འཇིག་པ་མེད་པའི་ཕྱིར། ཚོར་བ་འཇིག་པ་
D44.035.0344a02.01མེད་པའི་ཕྱིར། འདུ་ཤེས་འཇིག་པ་མེད་པའི་ཕྱིར། འདུ་བྱེད་འཇིག་པ་མེད་པའི་ཕྱིར། རྣམ་པར་ཤེས་པ་འཇིག་པ་མེད་པའི་ཕྱིར་ཆོས་སྟོན་ཏོ། །མ་རིག་པ་འཇིག་པ་མེད་པའི་ཕྱིར། ཉན་ཐོས་ཀྱི་ཆོས་དང་། རང་སངས་རྒྱས་ཀྱི་ཆོས་
D44.035.0344a03.01དང་། བྱང་ཆུབ་སེམས་དཔའི་ཆོས་འཇིག་པ་མེད་པའི་ཕྱིར་ཆོས་སྟོན་ཏོ། །དེ་ཅིའི་ཕྱིར་ཞེ་ན། ཆོས་ནི་མ་སྐྱེས་པ། འདུ་མ་བྱས་པ། བྱེད་པ་པོ་མེད་པ། རྩོད་པ་མེད་པ། གནས་མེད་པ། མ་སྐྱེས་པ། མི་འབྱུང་བ། མ་བླངས་པ་
D44.035.0344a04.01ཉེ་བར་མ་བླངས་པ། བྱེད་པ་མེད་པ་སྟེ། དེ་ཤེས་རབ་ཀྱི་གཏེར་དེ་ལྟ་བུ་དང་ལྡན་པས་ལས་གྲོན་ཆུང་ངུས་ཆོས་ཐམས་ཅད་ལ་མཁས་པ། གཞན་གྱི་དྲིང་མི་འཇོག་པ། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཤེས་རབ་ཀྱི་གཏེར་དེ་ཡང་མི་ཟད་
D44.035.0344a05.01པ་ཡིན་ཏེ། དེ་ཡང་ཤིན་ཏུ་བསྟན་པ་བཅུས་མི་ཟད་པ་ཡིན་ནོ། །བཅུ་གང་ཞེ་ན། ཐོས་པ་ལ་མཁས་པས་མི་ཟད་དོ། །དགེ་བའི་བཤེས་གཉེན་ལ་བསྙེན་པས་མི་ཟད་དོ། །ཚིག་རབ་ཏུ་དབྱེ་བ་ལ་མཁས་པས་མི་ཟད་དོ། །ཆོས་ཀྱི་དབྱིངས་ལ་
D44.035.0344a06.01འཇུག་པ་མངོན་པར་བསྒྲུབས་པས་མི་ཟད་དོ། །རྒྱན་གཅིག་པའི་ཡེ་ཤེས་ཀྱི་རྗེས་སུ་ཞུགས་པས་མི་ཟད་དོ། །བསོད་ནམས་ཐམས་ཅད་ཤིན་ཏུ་བསྩགས་པས་མི་ཟད་དོ། །སྐྱོ་བ་མེད་པར་མངོན་པར་བསྒྲུབས་པས་མི་ཟད་དོ། །གཟུངས་ཐམས་ཅད་ཀྱི་
D44.035.0344a07.01