完整藏文原文 · 德格版页 当前仅加载第 35 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེའི་ཕུང་པོས་ཤིན་ཏུ་བརྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་སྐར་མདའི་འོད་ཟེར་རབ་ཏུ་སྣང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་རྣམ་པར་དག་པའི་འོད་རབ་ཏུ་འགྱེད་
D44.035.0135a01.01པའི་ཤུགས་ཤེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་རླུང་ཆགས་པ་མེད་པའི་རི་རབ་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་གོས་དང་སྟེགས་བུའི་རྒྱུད་ཅེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་དེ་བཞིན་
D44.035.0135a02.01གཤེགས་པའི་སྐུ་ཤིན་ཏུ་སྣང་བ་སྟོན་པ་ཞེས་བྱ་བ་རབ་ཏུ་གནས་ཏེ། དེ་དག་ལ་{སྩོགས་,སོགས་}པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་རོལ་ཁོར་ཡུག་གི་མཚམས་ན་སྤོས་ཆུའི་རྒྱ་མཚོ་ཤིང་སྣ་ཚོགས་ཀྱི་རྒྱལ་མཚན་ཞེས་བྱ་བ་ཡོད་དེ། དེ་ལས་འཇིག་
D44.035.0135a03.01རྟེན་གྱི་ཁམས་ཀྱི་རྒྱུད་{མྱིག་,མིག་}འཕྲུལ་ལྟ་བུར་ཤིན་ཏུ་གནས་པ་ཞེས་བྱ་བ་བྱང་ཆུབ་སེམས་དཔའ་ཐམས་ཅད་ཀྱི་ཡེ་ཤེས་ཀྱིས་རབ་ཏུ་གནོན་པའི་སྒྲ་ཡི་ལྷུན་ཅན་མངོན་པར་བྱུང་སྟེ། དེ་ཐམས་ཅད་ཀྱི་འོག་ན། འཇིག་རྟེན་གྱི་ཁམས་གསེར་གྱི་ཁ་དོག་ཅེས་བྱ་བ་འཇིག་རྟེན་གྱི་ཁམས་
D44.035.0135a04.01སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་ཡོད་དེ། དེ་ན་དེ་བཞིན་གཤེགས་པ་སྤོས་ཀྱི་འོད་ཟེར་དཔལ་གྱི་གཟི་བརྗིད་ཅེས་བྱ་བ་བཞུགས་སོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ།
D44.035.0135a05.01བམ་པོ་བཅུ་གཅིག་པ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་ཀྱི་རྒྱུད་ཀྱི་དབུས་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་
D44.035.0135a06.01ཁམས་རིན་པོ་ཆེའི་ཤིང་གི་ཟེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཞལ་ཀུན་ཏུ་སྟོན་ཅིང་སྒྲིབ་པ་མེད་པར་རྣམ་པར་དག་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་བཻ་ཌཱུརྱ་
D44.035.0135a07.01