完整藏文原文 · 德格版页 当前仅加载第 35 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་དུ་འོང་བར་བྱེད་པ་དང་། ཡིད་དུ་མི་འོང་བར་བྱེད་པ་དང་། ནང་དུ་བྱེད་པ་དང་ཕྱི་རོལ་དུ་བྱེད་པ་དང་། ཚོར་བ་ཆུང་བ་དང་། ཚོར་བ་ཆེ་བ་དང་། ཚེ་འདི་ལ་མྱོང་བ་དང་། ཚེ་གཞན་ལ་མྱོང་བ་དག་ཀྱང་སྣང་ལ། ཆོས་ཀྱི་དབྱིངས་ལ་ནི་ཡིད་
D44.035.0205a01.01དུ་འོང་བའམ། ཡིད་དུ་མི་འོང་བ་ཡང་མེད་པ་འདི་ཅི་ཞིག །དེ་ནས་བྱང་ཆུབ་སེམས་དཔའ་རིན་ཆེན་དཔལ་གྱིས་བྱང་ཆུབ་སེམས་དཔའ་འཇམ་དཔལ་ལ་ཚིགས་སུ་བཅད་དེ་སྨྲས་པ། །ཇི་ལྟར་ལས་རྣམས་བྱས་གྱུར་པ། །ཚོར་བ་དེ་བཞིན་འབྱུང་འགྱུར་གྱིས། །
D44.035.0205a02.01འདི་ལ་བྱེད་པ་གང་ཡང་མེད། །འདི་ནི་སངས་རྒྱས་བསྟན་པའོ། །ཤིན་ཏུ་ཕྱིས་པའི་མེ་ལོང་ལ། །ངོ་ནི་ཇི་ལྟར་འདུག་པ་བཞིན། །དེ་ལ་དེ་ནི་དེ་བཞིན་སྣང་། །ཆོས་ཀྱི་རང་བཞིན་དེ་བཞིན་ནོ། །ཇི་ལྟར་ཞིང་དང་ས་བོན་དག །གཅིག་གི་གཅིག་ནི་
D44.035.0205a03.01མི་ཤེས་ཀྱང་། །རང་བཞིན་ཉེ་བར་སྟོན་པར་བྱེད། །ལས་ཀྱི་རང་བཞིན་དེ་བཞིན་ནོ། །སྒྱུ་མ་བྱེད་པ་མཁས་པ་ཞིག །ལམ་པོ་ཆེར་ནི་སོང་འདུག་སྟེ། །གཟུགས་རྣམས་སྟོན་པར་བྱེད་པ་བཞིན། །ལས་ཀྱི་རང་བཞིན་དེ་བཞིན་ནོ། །ཇི་ལྟར་ཤིང་གི་འཁྲུལ་
D44.035.0205a04.01འཁོར་རྣམས། །སྣ་ཚོགས་སྒྲ་མང་བརྗོད་བྱེད་ཀྱང་། །དེ་ནི་བདག་དང་བདག་མེད་མིན། །ལས་ཀྱི་རང་བཞིན་དེ་བཞིན་ནོ། །ཇི་ལྟར་བྱ་རྣམས་མང་པོ་ཡིས། །སྒོ་ངའི་སྦུབས་ནི་ཕྱེ་བ་ལས། །སྒྲ་སྐད་གཞན་དང་གཞན་འགྱུར་བ། །ལས་ཀྱི་རང་བཞིན་དེ་
D44.035.0205a05.01བཞིན་ནོ། །ཇི་ལྟར་མ་ཡི་མངལ་དུ་ཡང་། །བུ་ནི་འཕོ་བར་མི་འགྱུར་ཏེ། །འོན་ཀྱང་དབང་པོ་སྣ་ཚོགས་འགྱུར། །ལས་ཀྱི་རང་བཞིན་དེ་བཞིན་ནོ། །ཇི་ལྟར་སེམས་དམྱལ་འཇིགས་པ་ན། །གཤིན་རྗེའི་རིས་གཏོགས་སྡུག་བསྔལ་བ། །དེ་དག་ལ་ནི་འོང་
D44.035.0205a06.01བ་མེད། །ལས་ཀྱི་རང་བཞིན་དེ་བཞིན་ནོ། །ཇི་ལྟར་རིན་ཆེན་མཆོག་རྣམས་དང་། །ལྷ་ཡི་བུ་རྣམས་ཀུན་ལྡན་ཡང་། །འཕོ་བར་སྣང་བ་གང་ཡང་མེད། །དེ་བཞིན་ལས་ཀྱི་རང་བཞིན་ནོ། །ཇི་ལྟར་འཇིག་རྟེན་ལ་ལ་དག །བསམ་གྱིས་མི་ཁྱབ་འབར་གྱུར་
D44.035.0205a07.01