完整藏文原文 · 德格版页 当前仅加载第 35 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་པར་འོང་བའི་སྒྲིབ་པར་འགྱུར་བ་དམ་པའི་ཆོས་ཡོངས་སུ་སྤོང་བར་མི་བྱེད་དོ། །དེ་ལ་དེ་ལྟ་བུའི་སྒྲའི་འཇིག་རྟེན་གྱི་ཁམས་གྲངས་མེད་པར་གྲགས་པ། མི་སྙན་པ་དང་སྙན་པ་བསྐལ་པ་གྲངས་མེད་པར་མི་སྡོད་པ། འཁྲུག་པར་
D44.035.0314a01.01བྱེད་པ། སེམས་འཁྲུག་པ། ལུས་འཁྲུག་པ། དབང་པོ་འཁྲུག་པ། མྱོས་པར་བྱེད་པ། འཁོར་བར་བྱེད་པ། རྙོག་པར་བྱེད་པ། རྣམ་པར་རྙོག་པར་བྱེད་པ། ཀུན་ཏུ་རྙོག་པར་བྱེད་པས། དཀྲུགས་པར་བྱས་ཀྱང་། དེ་ལ་བྱང་ཆུབ་སེམས་
D44.035.0314a02.01དཔའ་འདི་ལྟར་སེམས་སྐྱེ་སྟེ། བདག་གིས་ནི་འཕགས་པའི་ཆོས་ཡོངས་སུ་བསྒོམས་པས་ནང་དུ་མཉམ་པར་གཞག་པར་བྱའོ། །སྙམ་ནས་དེ་སྒྲ་ཐམས་ཅད་ཀྱི་སྐྱེ་བ་ལ་རབ་ཏུ་རྟོག་གོ །གནས་པ་ལ་རབ་ཏུ་རྟོགས་གོ །འགོག་པ་ལ་རབ་ཏུ་རྟོག་གོ །
D44.035.0314a03.01སྐྱེ་བའི་རང་བཞིན་ལ་འཇུག་གོ །འགོག་པའི་རང་བཞིན་ལ་འཇུག་གོ །གང་གིས་སྒྲ་དེ་དག་བརྗོད་པ་དེ་དག་ཀྱང་དེ་ལྟ་བུའི་རང་བཞིན་ཉིད་དུ་ཤེས་ཏེ། སྒྲས་ཆགས་པར་མི་འགྱུར། སྒྲས་ཁོང་ཁྲོ་བར་མི་འགྱུར་ཞིང་། དེའི་དྲན་པ་ཉམས་པར་མི་འགྱུར་
D44.035.0314a04.01རོ། །དེས་སྒྲ་དེ་དག་ཐམས་ཅད་ཀྱི་མཚན་མ་འཛིན་ཅིང་མཚན་མ་བསྐྱེད་དེ། སྒྲས་བསྒོ་བ་ལ་མངོན་པར་ཆགས་པར་མི་འགྱུར། སྒྲ་ལ་གནས་པར་མི་འགྱུར། སྒྲ་ལ་མངོན་པར་ཆགས་པར་མི་སྐྱེད་དོ། དེས་སྒྲ་དེ་དག་བརྟགས་ན་མི་དམིགས་ཏེ།
D44.035.0314a05.01སྒྲ་དེ་དག་ཐམས་ཅད་ཀྱི་རང་བཞིན་རབ་ཏུ་ཤེས་སོ། །རང་བཞིན་དེ་ཡང་བྱས་པ་མེད་པར་ཁོང་དུ་ཆུད་དོ། །མངོན་པར་འདུ་བྱེད་པ་མེད་པའི་རྒྱས་འདེབས་ཤིང་། ཆོས་ཀྱི་དབྱིངས་ཀྱི་རང་བཞིན་གྱི་ཚུལ་དུ་ཆགས་པ་མེད་པའི་མཐར་ཡང་རབ་ཏུ་ཤེས་སོ། །
D44.035.0314a06.01འདི་ལྟར་བྱང་ཆུབ་སེམས་དཔའ་ཐམས་ཅད་མཁྱེན་པའི་མཐར་ཐུག་པ། ཕྱིར་མི་ལྡོག་པ་མཐའ་ཡས་པ། བསམ་གཏན་གྱི་ཚུལ་ཐ་དད་པ་ཐམས་ཅད་ལ་རབ་ཏུ་ཞུགས་པ། ཏིང་ངེ་འཛིན་ཐམས་ཅད་ལ་རྒྱུད་གཅིག་གི་ཚུལ་དུ་ཞུགས་པ། ཆོས་
D44.035.0314a07.01