完整藏文原文 · 德格版页 当前仅加载第 35 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སོགས་པ་སའི་ལྷ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀུན་ཀྱང་བསོད་ནམས་ཀྱི་དབྱིངས་གཅིག་ཏུ་དེ་བཞིན་གཤེགས་པའི་སྔོན་གྱི་སྨོན་ལམ་དང་རབ་ཏུ་འབྲེལ་བ་ཤ་སྟག་དང་ཐབས་གཅིག་གོ །རིའི་ལྷ་ཚད་མེད་པ་དག་དང་ཡང་ཐབས་གཅིག་སྟེ།
D44.035.0006a01.01འདི་ལྟར་རིའི་ལྷ་རིན་པོ་ཆེའི་རྩེ་མོ་མེ་ཏོག་ཤིན་དུ་རྒྱས་པར་གནས་པ་དང་། ནགས་ཚལ་སྣ་ཚོགས་ཀྱི་མེ་ཏོག་ཤིན་ཏུ་རྒྱས་པའི་གཙུག་ཕུད་དང་། ཀུན་ནས་ཤིན་ཏུ་འཕགས་པས་རྣམ་པར་སྣང་བའི་རྒྱལ་མཚན་དང་། རྡུལ་ཐམས་ཅད་དང་། མི་གནས་པས་དྲི་མ་{མྱེད་,མེད་}པའི་གཙུག་ཕུད་དང་།
D44.035.0006a02.01སྣང་བས་ཕྱོགས་སུ་གསལ་བའི་འོད་དང་། སྟོབས་ལ་ཐུབ་པ་{མྱེད་,མེད་}པའི་སྣང་བའི་འོད་དང་། ཀུན་ནས་གཟི་བརྗིད་དཔལ་གྱི་དཀྱིལ་འཁོར་དང་། སྣང་བའི་རྡུལ་ཆུ་བོའི་དཀྱིལ་འཁོར་དང་ཀུན་ཏུ་མངོན་པར་ལྟ་བའི་མིག་དང་། རིའི་ལྷ་ཀུན་ནས་སྲ་བ་རྡོ་རྗེའི་མཚམས་ཀྱི་མིག་དང་།
D44.035.0006a03.01དེ་དག་ལ་སོགས་པ་རིའི་ལྷ་ཚད་མེད་པ་ཀུན་ཀྱང་ཚུལ་དྲི་མ་{མྱེད་,མེད་}པའི་མིག་གི་སྒོ་རབ་ཏུ་ཐོབ་པ་ཤ་སྟག་དང་ཐབས་གཅིག་གོ །ནགས་ཚལ་གྱི་ལྷ་བསམ་གྱིས་མི་ཁྱབ་པ་དག་དང་ཡང་ཐབས་གཅིག་སྟེ། འདི་ལྟར་ནགས་ཚལ་གྱི་ལྷ་ཡལ་ག་སྣ་ཚོགས་ཀྱི་སྤྲིན་དང་། ནགས་ཚལ་
D44.035.0006a04.01གྱི་ལྷ་འོད་ཀྱི་ཕུང་པོ་སྣ་ཚོགས་ཀྱི་མིག་ཡིད་དུ་འོང་བའི་འོད་དང་། ལོ་མ་དྲི་མ་{མྱེད་,མེད་}པའི་ཕྲེང་བའི་དཔལ་དང་། ཡན་ལག་རབ་ཏུ་འཕྱང་བའི་གཟི་བརྗིད་དང་། དགེ་བའི་འོད་སྣ་ཚོགས་དང་སྒྲ་སྐད་ཡིད་དུ་འོང་བའི་དབྱངས་དང་། ཀུན་ནས་སྤོས་མང་པོ་ལྡང་བའི་འོད་དང་། ཀུན་ནས་
D44.035.0006a05.01དཔལ་གྱི་འོད་རབ་ཏུ་འབྱུང་བའི་དཀྱིལ་འཁོར་དང་། ནགས་ཚལ་གྱི་ལྷ་མེ་ཏོག་དང་འབྲས་བུ་དང་རོའི་འོད་དང་། དེ་དག་ལ་སོགས་པ་ནགས་ཚལ་གྱི་ལྷ་བསམ་གྱིས་མི་ཁྱབ་པ་ཀུན་ཀྱང་དགའ་བའི་ཤུགས་མཐའ་ཡས་པས་གསལ་བར་གྱུར་པ་ཤ་སྟག་དང་ཐབས་གཅིག་གོ །སྨན་
D44.035.0006a06.01གྱི་ལྷ་མཐའ་ཡས་པ་དག་དང་ཡང་ཐབས་གཅིག་སྟེ། འདི་ལྟར་སྨན་གྱི་ལྷ་ཕུན་སུམ་ཚོགས་པ་དང་། ཙན་དན་གྱི་ནགས་ཚལ་གྱི་ཤུགས་འཆང་བ་དང་། འོད་རྡུལ་{མྱེད་,མེད་}པ་དང་། མིང་ཀུན་ཏུ་གྲགས་པ་གླང་པོའི་རྒྱལ་མཚན་དང་། སྤུའི་ཀློང་ཀུན་ནས་འོད་འབྱུང་བ་དང་། མུན་པ་
D44.035.0006a07.01