完整藏文原文 · 德格版页 当前仅加载第 35 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་སངས་རྒྱས་ཀྱི་མཐུས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏེ། བྱང་ཆུབ་སེམས་དཔའ་དེ་དག་སོ་སོ་ནས་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་ཕ་རོལ་ནས་འོངས་པ་ཤ་སྟག་སྟེ། བྱང་
D44.035.0240a01.01ཆུབ་སེམས་དཔའ་རེ་རེ་ཞིང་ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་པར་གྱུར་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་ཆོས་ཀྱི་བློ་གྲོས་དང་། ཐམས་ཅད་བློ་གྲོས་དང་།
D44.035.0240a02.01དཔལ་གྱི་བློ་གྲོས་དང་། ཡོན་ཏན་བློ་གྲོས་དང་། བརྩོན་འགྲུས་བློ་གྲོས་དང་། དགེ་བའི་བློ་གྲོས་དང་། ཡེ་ཤེས་བློ་གྲོས་དང་། བདེན་པའི་བློ་གྲོས་དང་། མཆོག་གི་བློ་གྲོས་དང་། དམ་པའི་བློ་གྲོས་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འཇིག་རྟེན་གྱི་
D44.035.0240a03.01ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་དབང་པོའི་མེ་ཏོག་དང་། པད་མོའི་མེ་ཏོག་དང་། རིན་པོ་ཆེའི་མེ་ཏོག་དང་། ཨུཏྤ་ལའི་མེ་ཏོག་དང་། རྡོ་རྗེའི་མེ་ཏོག་དང་། སྤོས་ཀྱི་མེ་ཏོག་དང་། ཡིད་དུ་འོང་བའི་མེ་ཏོག་དང་། འོད་ཟེར་གྱི་མེ་ཏོག་དང་། ལྡུམ་
D44.035.0240a04.01བུའི་མེ་ཏོག་དང་། ནམ་མཁའི་མེ་ཏོག་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་དེ་བཞིན་གཤེགས་པ་མཚན་འདི་ཞེས་བྱ་བ་དག་གི་ཞམ་རིང་ན་ཚངས་པར་སྤྱོད་པ་དག་སྟེ། འདི་ལྟར་ཟླ་བ་གཞན་མ་ཡིན་པ་དང་། ཟླ་བ་མ་ཉམས་པ་དང་། ཟླ་བ་མི་གཡོ་བ་དང་།
D44.035.0240a05.01ཟླ་བ་མི་སྒུལ་བ་དང་། ཟླ་བ་ཆུའི་ལྷ་དང་། ཟླ་བ་ཐོགས་པ་མེད་པ་དང་། ཟླ་བའི་འོད་ཟེར་དང་། ཟླ་བ་རྡུལ་མེད་པ་དང་། ཟླ་བ་རྣམ་པར་གྲུབ་པ་དག་གོ །དེ་ནས་བྱང་ཆུབ་སེམས་དཔའ་དེ་དག་ཐམས་ཅད་ཀྱིས་བཅོམ་ལྡན་འདས་ལ་ཕྱག་འཚལ་ཏེ། སངས་རྒྱས་ཀྱི་མཐུས་
D44.035.0240a06.01ཕྱོགས་བཅུར་རྒྱས་པར་བཀང་ནས་གང་ནས་འོངས་པའི་ཕྱོགས་སུ་བརྟེན་ཏེ། སེང་གེའི་ཁྲི་རྣམ་པར་སྣང་བའི་སྙིང་པོ་ཅན་དག་མངོན་པར་སྤྲུལ་ནས་སྐྱིལ་མོ་ཀྲུང་བཅས་ཏེ་འཁོད་དོ། །ཇི་ལྟར་འཇིག་རྟེན་གྱི་ཁམས་འདིའི་རི་རབ་ཀྱི་རྩེ་མོ་ལ་བྱང་ཆུབ་སེམས་དཔའ་རྣམས་
D44.035.0240a07.01