完整藏文原文 · 德格版页 当前仅加载第 35 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་ཡུལ་གཞན་ཡང་ཀུན་ཏུ་མཐའ་ཡས་མེད། །འདི་ནི་ཆགས་མེད་འགྲོ་བའི་རྣམ་ཐར་ཏོ། །རྒྱལ་བའི་སྤྱོད་ཡུལ་མཐའ་ཡས་དག་ལ་ལྟོས། །རབ་ཞི་སྐུ་མངའ་མཚན་མེད་སངས་རྒྱས་ཏེ། །ཐབས་སྒོ་ཀུན་ནས་འོད་ཀྱང་རབ་ཏུ་
D44.035.0039a01.01སྣང་། །ཕུང་པོ་སྣ་ཚོགས་བདག་པོའི་རྣམ་ཐར་ཏོ། །མི་མངོན་བསྐལ་པ་མཐའ་ཡས་སྤྱོད་པའི་ཚེ། །དེ་འདྲའི་ཆོས་ཀྱིས་འགྲོ་ཀུན་ཚིམ་མཛད་པས། །ཐམས་ཅད་སྟོབས་ལ་སངས་རྒྱས་རབ་ཏུ་བཞུགས། །འཇིག་རྟེན་སྟོབས་འཛིན་ལྷ་ཡིས་འདི་མཐོང་ངོ་། །
D44.035.0039a02.01དེ་ལ་མེའི་ལྷ་གཟི་བརྗིད་འབར་ཞིང་འཕྲོ་བའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ཉོན་མོངས་པའི་དབའ་རླབས་ཐམས་ཅད་དང་མུན་པ་ཐམས་ཅད་དང་མི་གནས་པ་ཞེས་བྱའོ། །མེའི་ལྷ་ཀུན་ཏུ་འབར་ཞིང་འཕྲོ་བའི་རྒྱལ་མཚན་གྱི་དཀྱིལ་འཁོར་གྱི་རྣམ་པར་
D44.035.0039a03.01ཐར་པ་ནི། སེམས་ཅན་ཐམས་ཅད་ཀྱི་ཉོན་མོངས་པའི་དབའ་རླབས་དང་རབ་ཏུ་གདུང་བ་རྣམ་པར་ཟློག་པ་ཞེས་བྱའོ། །མེའི་ལྷ་འོད་རྒྱ་ཆེན་པོས་ཕྱོགས་རྒྱས་པར་བྱེད་པའི་རྣམ་པར་ཐར་པ་ནི། བསོད་ནམས་ཀྱི་སྟོབས་མི་སྒུལ་བ་དང་། སྙིང་རྗེ་བ་དང་།
D44.035.0039a04.01བྱམས་པའི་སྙིང་པོ་ཞེས་བྱའོ། །མེའི་ལྷ་རྒྱལ་མཚན་གྱི་རྡུལ་གྱི་སྒོས་རྒྱས་པར་བྱེད་པའི་རྣམ་པར་ཐར་པ་ནི། ཉོན་མོངས་པའི་རྡུལ་གྱིས་གཡོགས་པ་རྣམ་པར་སེལ་བ་ཞེས་བྱའོ། །མེའི་ལྷ་གཟི་བརྗིད་མི་ཟད་པའི་གཙུག་ཕུད་ཀྱི་རྣམ་པར་ཐར་པ་ནི། ནམ་མཁའ་
D44.035.0039a05.01མཐའ་ཡས་པ་སྣང་བས་གསལ་བར་བྱེད་པའི་འོད་ཅེས་བྱའོ། །མེའི་ལྷ་དཀའ་ཐུབ་སྣ་ཚོགས་ཀྱི་མིག་དཔལ་གྱི་རྣམ་པར་ཐར་པ་ནི། དགེ་བ་དང་། བསོད་ནམས་སྣ་ཚོགས་རྣམ་པར་སྣང་བའི་འོད་རབ་ཏུ་ཞི་བ་ཞེས་བྱའོ། །མེའི་ལྷ་ཕྱོགས་ཁྱིམ་དུ་གྱུར་པའི་རི་རབ་
D44.035.0039a06.01ཀྱི་སྤོའི་རྣམ་པར་ཐར་པ་ནི། འཇིག་རྟེན་གྱི་རྒྱུད་ཐམས་ཅད་མེ་ལྟར་འབར་བའི་སེམས་ཅན་སྡུག་བསྔལ་རབ་ཏུ་ཞི་བར་བྱེད་པ་ཞེས་བྱའོ། །མེའི་ལྷ་འོད་དྲག་ཤུལ་གྱི་དབང་ཕྱུག་གི་རྣམ་པར་ཐར་པ་ནི། འཇིག་རྟེན་ཐམས་ཅད་ལ་དབང་སྒྱུར་བའི་བརྩམ་པས་རབ་ཏུ་གནོན་
D44.035.0039a07.01