完整藏文原文 · 德格版页 当前仅加载第 35 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱིས། སེམས་ཅན་དེ་དག་གི་བ་སྤུའི་བུ་ག་རེ་རེ་ནས་མངོན་པར་གྲུབ་པ་ཤ་སྟག་གོ །ཅིའི་ཕྱིར་ན་ཁང་པ་བརྩེགས་པ་ཀུན་ནས་སྨད་དུ་མེད་པ་དེ་ལ་ཀུན་ནས་སྨད་དུ་མེད་པ་ཞེས་བྱ་ཞེ་ན། ཆོས་ཀྱི་དབྱིངས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་རང་བཞིན་ཡིན་པའི་ཕྱིར་ཏེ།
D44.035.0165b01.01དེའི་ཕྱིར་ཁང་པ་བརྩེགས་པ་ཀུན་ནས་སྨད་དུ་མེད་པ་དེ་ལ་ཀུན་ནས་སྨད་དུ་མེད་པ་ཞེས་བྱའོ། །དེ་ལྟར་དེ་དག་ལ་སོགས་པ་ཁང་པ་བརྩེགས་པ་ཀུན་ནས་སྨད་དུ་མེད་པ་དེ་ནི་ཡོན་ཏན་ཚད་མེད་པ་དང་ལྡན་པ་སྟེ། མདོར་ན་བཟའ་ཤིང་གི་ར་བ་མྱ་ངན་དང་བྲལ་བ་ན་ཡོན་ཏན་གང་ཇི་སྙེད་ཡོད་པ་དེ་སྙེད་ཀྱི་ཡོན་ཏན་
D44.035.0165b02.01ནི་ཁང་པ་བརྩེགས་པ་ཀུན་ནས་སྨད་དུ་མེད་པ་དེ་ན་ཡོད་དོ། །དེ་ལྟ་བུའི་ཕོ་བྲང་བརྩེགས་པ་ཀུན་ནས་སྨད་དུ་མེད་པ་དེ་ན། བྱང་ཆུབ་སེམས་དཔའི་ཡེ་ཤེས་ཀྱི་རྡོ་རྗེའི་ལྷུན་དང་ལྡན་པའི་སེང་གེའི་ཁྲི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ།
D44.035.0165b03.01བཅོམ་ལྡན་འདས་དེ་བཞིན་གཤེགས་པ་ཡེ་ཤེས་གང་ཆེན་མཚོ་རྣམ་པར་སྣང་མཛད་འདས་པ་དང་། མ་འོངས་པ་དང་། ད་ལྟར་བྱུང་བའི་བྱང་ཆུབ་སེམས་དཔའི་འཁོར་གྱི་རྣམ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་
D44.035.0165b04.01བསྐོར་ཅིང་འདས་པ་དང་མ་འོངས་པ་དང་། ད་ལྟར་བྱུང་བའི་རང་སངས་རྒྱས་ཀྱི་འཁོར་གྱི་རྣམ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་བསྐོར་ཏེ། འདས་པ་དང་མ་འོངས་པ་དང་། ད་ལྟར་བྱུང་བའི་ཉན་ཐོས་ཀྱི་འཁོར་གྱི་
D44.035.0165b05.01རྣམ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་བསྐོར་ཅིང་། དེ་བཞིན་དུ་ལྷ་དང་ཀླུ་དང་གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་འདས་པ་དང་
D44.035.0165b06.01མ་འོངས་པ་དང་། ད་ལྟར་བྱུང་བའི་འཁོར་རྣམ་པ་ཐ་དད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་བསྐོར་ཅིང་བཞུགས་སོ་རྣམ་པར་སྤྱོད་དོ་བྱང་ཆུབ་སེམས་དཔའི་འཁོར་རྣམ་པ་ཐ་དད་པ་རྒྱ་མཚོ་ནས། {མྱི་,མི་}དང་{མྱི་,མི་}མ་ཡིན་གྱི་འཁོར་
D44.035.0165b07.01