完整藏文原文 · 德格版页 当前仅加载第 35 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བཅད་པ་འདི་དག་སྨྲས་སོ། །རྒྱལ་བ་ཀུན་གྱི་ཆོས་ཉིད་དེ་དག་ལྟོས། །དྲང་སྲོང་ཆེན་པོ་འགྲོ་བ་ཀུན་གྱི་སྐྱབས། །མི་བཟད་ཀླུ་ཡི་རྒྱུད་དུ་ལྷུང་བ་རྣམས། །བྱམས་པའི་སྟོབས་ཀྱིས་རིམ་གྱིས་འདོན་པ་མཛད། །འགྲོ་བ་ཀུན་སྙེད་གཟུགས་
D44.035.0028a01.01ཀྱི་སྒོ་རྣམས་ཀྱང་། །རྒྱལ་བས་སྤུ་གཅིག་རྩེ་ལ་མངོན་པར་བསྟན། །ཐམས་ཅད་རྡུལ་ལ་འཕྲུལ་གྱིས་མངོན་པར་འཕྲུལ། །རྒྱལ་བའི་རྣམ་ཐར་རྒྱ་མཚོའི་ཀླུ་ཡིས་མཐོང་། །རྒྱལ་བ་དེ་ཡི་རྫུ་འཕྲུལ་མཐའ་ཡས་ཏེ། །སངས་རྒྱས་མཚན་ཀྱང་འགྲོ་སྙེད་རྒྱ་མཚོའོ། །
D44.035.0028a02.01དེ་དག་སེམས་ཅན་བསམ་པ་ཇི་བཞིན་ཉན། །སྤྲིན་སྒྲའི་རྒྱལ་མཚན་དེ་འདྲའི་རྣམ་ཐར་ལྡན། །ཁྲོ་བ་རྒྱ་མཚོར་འགྲོ་བ་འདི་དག་ཀུན། །བསྒྲིབས་ཤིང་གཡོགས་པའང་ཁྲོ་བའི་རྒྱ་མཚོར་ཏེ། །དེ་ལ་རང་བྱུང་བྱམས་དང་ཐུགས་རྗེས་འཛིན། །འདི་ནི་འོད་འཕྲོ་སྒོ་
D44.035.0028a03.01ཡི་ཀླུ་ཡིས་མཐོང་། །འགྲོ་བ་ཀུན་གྱི་བསོད་ནམས་མཐུ་ཡི་རྣམས། །སངས་རྒྱས་སྤུ་གཅིག་རྩེ་ལ་མངོན་པར་སྟོན། །བསོད་ནམས་འཇུག་པ་རྒྱ་མཚོ་ཀུན་ཀྱང་བསྟན། །འདི་ནི་རི་བོ་སྤྲིན་གྱི་ཀླུ་ཡིས་མཐོང་། །འཇིགས་པ་ཆེས་མནར་སེམས་ཅན་སྡུག་བསྔལ་བ། །
D44.035.0028a04.01རྒྱལ་བའི་འོད་ཆེན་ཤིན་ཏུ་ཡངས་པས་བསྐྱབས། །སྤུ་ཡི་སྒོ་ནས་ཡིད་འོང་སྒྲ་ཡང་འབྱུང་། །རྣམ་ཐར་འདི་ནི་འཇོག་པོ་ཀླུ་ཡིས་མཐོང་། །དུས་གསུམ་གཤེགས་པ་རྒྱལ་བ་ཐམས་ཅད་ཀྱི། །སྐུ་ནི་སངས་རྒྱས་ཉིད་ཀྱི་སྐུ་ལ་བསྟན། །དེ་བཞིན་བསྐལ་པ་བརྒྱུད་
D44.035.0028a05.01པའི་ཞིང་མང་ཡང་། །མཐའ་ཡས་གོམས་པའི་ཀླུ་ཡིས་དེ་མཐོང་ངོ་། །རྒྱལ་བས་སྤུ་གཅིག་རྫུ་འཕྲུལ་མཐའ་ཡས་བཀང་། །ཞིང་མང་མཐའ་ཡས་ཀུན་ཀྱང་དེར་ཞུགས་ཏེ། །དེ་ན་བཞུགས་པར་རྒྱལ་བ་འཁོར་གྱིས་མཐོང་། །རྣམ་ཐར་དེ་ནི་འོད་འབར་ཀླུ་ཡིའོ། །
D44.035.0028a06.01ཇི་སྙེད་རྒྱལ་བ་རྒྱ་མཚོ་མཆོད་བྱས་པའི། །སྔོན་གྱི་རྒྱལ་བའི་ཆོས་ཉིད་རབ་མཐོང་ཞིང་། །དེ་ལ་དགའ་བ་རྒྱ་མཚོ་རྣམ་པར་བསྐྱེད། །ཤུགས་ལམ་ཀླུ་ནི་འདི་ལ་རབ་ཏུ་འཇུག །རང་བྱུང་གསུང་གི་ཡན་ལག་ཐམས་ཅད་ཀྱི། །འགྲོ་བ་ཐམས་ཅད་ཆོས་
D44.035.0028a07.01