完整藏文原文 · 德格版页 当前仅加载第 35 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་ཞེས་བྱའོ། །ཆུའི་ལྷ་འོད་ཀུན་ཏུ་འགྲོ་ཞིང་རྒྱས་པར་བྱེད་པའི་རྣམ་པར་ཐར་པ་ནི། བསོད་ནམས་ཆགས་པ་མེད་པ་ཤིན་ཏུ་རྒྱས་པར་རབ་ཏུ་སྣང་བར་བྱེད་པའི་དཀྱིལ་འཁོར་ཅེས་བྱའོ། །ཆུའི་ལྷ་རྒྱ་མཚོའི་དབྱིངས་ཀྱི་ང་རོའི་འོད་ཀྱི་རྣམ་པར་ཐར་པ་ནི། འགྲོ་བ་
D44.035.0040b01.01ཐམས་ཅད་འདུལ་བའི་སྦྱོར་བ་ནམ་མཁའ་ལྟ་བུས་འདུལ་བར་སྦྱོར་བ་ཞེས་བྱའོ། །དེ་ནས་ཆུའི་ལྷ་སྤྲིན་དང་ན་བུན་ཀུན་ཏུ་གྲུབ་པའི་རྒྱལ་མཚན་གྱིས་སངས་རྒྱས་ཀྱི་མཐུས། ཆུའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་
D44.035.0040b02.01པ་འདི་དག་སྨྲས་སོ། །རྒྱལ་བའི་མཚན་རྣམས་རེ་རེ་ཐམས་ཅད་ཀྱང་། །སངས་རྒྱས་ཞིང་གི་རྡུལ་དང་མཉམ་པ་ཡི། །བྱམས་པ་མངོན་དུ་གྱུར་པས་བྱུང་བ་བཟང་། །སེམས་ཅན་ཀུན་གྱིས་བལྟས་ཤིང་མི་ངོམས་སོ། །འགྲོ་བ་ཀུན་ཏུ་རྒྱལ་བ་རྣམས་དྲུང་དུ། །
D44.035.0040b03.01སྐྱོ་བ་མེད་པར་སྤྱད་ཅིང་རྣམ་སྦྱངས་ཏེ། །རྣམ་པ་སྣ་ཚོགས་ཆོས་ཀྱི་སྒོ་ཡང་སྟོན། །རྒྱ་མཚོ་ཤུགས་ནི་འདི་ཡི་ཚུལ་ལ་འཇུག །རྒྱལ་བ་རྣམས་ནི་འཕོ་བར་མི་སྣང་སྟེ། །ཕྱོགས་རྣམས་བཅུ་ནས་བྱོན་པར་སྣང་བ་མེད། །སྣོད་ཀྱི་ཚུལ་བཞིན་སེམས་ཅན་རྣམས་
D44.035.0040b04.01ཀྱང་ལྟ། །ཆུ་ཡི་གཙུག་ཕུད་དཀྱིལ་འཁོར་དེ་ལ་ལྟ། །དེ་བཞིན་གཤེགས་པའི་ཡུལ་ནི་གཞལ་དུ་མེད། །སེམས་ཅན་ཀུན་གྱིས་བསམ་པར་མི་ནུས་ཏེ། །ཕྱོགས་རྣམས་ཀུན་ཏུ་ཁྱབ་པར་སྒྲ་སྒྲོག་གོ། །འདི་ནི་སྙན་པའི་གཙུག་ཕུད་ཡུལ་ཡིན་ནོ། །སངས་
D44.035.0040b05.01རྒྱས་འོད་ནི་མི་ཟད་གནས་པ་སྟེ། །བསམ་གྱིས་མི་ཁྱབ་ཆོས་ཀྱི་དབྱིངས་ཀྱིས་ཀྱང་། །སེམས་ཅན་ཐམས་ཅད་འདུལ་བ་རབ་ཏུ་སྟོན། །སྤོས་ཀྱི་ཕུང་པོ་སྣ་ཚོགས་ལྷ་ཡིས་མཐོང་། །དེ་བཞིན་གཤེགས་པ་ནམ་མཁའ་མཉམ་པ་སྟེ། །ཕྱོགས་རྣམས་ཀུན་
D44.035.0040b06.01ཏུ་དྲི་མེད་མཚན་ཉིད་མེད། །ཕྱོགས་རྣམས་ཀུན་ནའང་བཞུགས་པར་རབ་ཏུ་སྣང་། །དབའ་རླབས་སྒྲའི་བསོད་ནམས་འོད་ཀྱིས་མཐོང་། །སྙིང་རྗེའི་སྒོ་ནི་རྒྱ་མཚོ་ལྟ་བུ་སྟེ། །སེམས་ཅན་ཀུན་དང་མཉམ་པར་སྔོན་བཤད་དོ། །སྤྲིན་དང་འདྲ་བར་འགྲོ་བར་མངོན་
D44.035.0040b07.01