完整藏文原文 · 德格版页 当前仅加载第 35 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་ཐམས་ཅད་ཀྱི་སེམས་ཅན་དེ་དག་ཐམས་ཅད་ལས་འདི་འདྲ་བ་དང་ལྡན་པར་གྱུར་ཏེ། དེ་དག་ཐམས་ཅད་ཀྱང་བདག་གི་ཤ་ཟོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་བསྒྲུབས་ཏེ། སངས་རྒྱས་ཀྱི་ཆོས་ཐམས་ཅད་དང་མཉམ་པའི་ཡེ་
D44.035.0307b01.01ཤེས་ཀྱིས་སངས་རྒྱས་ཀྱི་མཛད་པ་བྱས་ནས། ཕུང་པོའི་ལྷག་མ་མ་ལུས་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདའ་བར་གྱུར་ཅིག །བདག་ཉིད་ཀྱང་སེམས་ཅན་གྱི་བསམ་པ་ཡོངས་སུ་རྫོགས་པར་མ་བྱས་ཀྱི་བར་དུ། བདག་དུ་འདུ་ཤེས་པའམ།
D44.035.0307b02.01སེམས་ཅན་དུ་འདུ་ཤེས་པའམ། སྲིད་པར་འདུ་ཤེས་པའམ། སྲོག་ཏུ་འདུ་ཤེས་པའམ། སོ་སོའི་སྐྱེ་བོར་འདུ་ཤེས་པའམ། གང་ཟག་དུ་འདུ་ཤེས་པའམ། ཤེད་ཅན་དུ་འདུ་ཤེས་པའམ། ཤེད་བདག་དུ་འདུ་ཤེས་པའམ། བྱེད་པ་པོར་འདུ་ཤེས་པའམ།
D44.035.0307b03.01ཚོར་བ་པོར་འདུ་ཤེས་པས། གཞན་དུ་ཆོས་ཀྱི་དབྱིངས་ཉེ་བར་བཟུང་བ་དང་། སེམས་ཅན་གྱི་ཁམས་མཐའ་ཡས་པའི་ཆོས་ཉིད་ཉེ་བར་བཟུང་བ་དང་། སྟོང་པའི་ཆོས་ཉིད་ཉེ་བར་བཟུང་བ་དང་། འདོད་ཆགས་དང་བྲལ་བའི་ཆོས་ཉིད་ཉེ་བར་བཟུང་བ་དང་།
D44.035.0307b04.01མཚན་ཉིད་མེད་པའི་ཆོས་ཉིད་ཉེ་བར་བཟུང་བ་དང་། དངོས་པོ་མེད་པའི་ཆོས་ཉིད་ཉེ་བར་བཟུང་བ་དང་། གནས་མེད་པའི་ཆོས་ཉིད་ཉེ་བར་བཟུང་བ་དང་། གཞི་མེད་པའི་ཆོས་ཉིད་ཉེ་བར་བཟུང་བ་དང་། མངོན་པར་འདུ་བྱ་བ་མེད་པའི་ཆོས་ཉིད་ཉེ་བར་བཟུང་བ་མ་
D44.035.0307b05.01གཏོགས་པར་མངོན་པར་འཚང་རྒྱ་བར་མ་གྱུར་ཅིག་ཅེས་ཏེ། དེ་ནི་བདག་ཀྱང་ཡང་དག་པར་རྗེས་སུ་མི་མཐོང་། བདག་གིས་ལུས་ཀྱང་ཡང་དག་པར་རྗེས་སུ་མི་མཐོང་། ལེན་ཏོ་ཞེས་བྱ་བར་ཡང་དག་པར་རྗེས་སུ་མི་མཐོང་། ལེན་པ་ཡང་ཡང་དག་པར་རྗེས་སུ་
D44.035.0307b06.01མི་མཐོང་། སྦྱིན་པའི་གནས་ཀྱང་ཡང་དག་པར་རྗེས་སུ་མི་མཐོང་སྟེ། དེ་ནི་ལས་ཀྱང་ཡང་དག་པར་རྗེས་སུ་མི་མཐོང་། རྣམ་པར་སྨིན་པ་ཡང་ཡང་དག་པར་རྗེས་སུ་མི་མཐོང་། འབྲས་བུའང་ཡང་དག་པར་རྗེས་སུ་མི་མཐོང་། འབྲས་བུ་ཆེན་པོའང་ཡང་དག་པར་རྗེས་སུ་
D44.035.0307b07.01