完整藏文原文 · 德格版页 当前仅加载第 35 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་སྣང་བ་སྣ་ཚོགས་ཀྱི་སྙིང་པོ་ཅན་གྱི་སེང་གེའི་ཁྲི་མངོན་པར་སྤྲུལ་ནས་སྐྱིལ་མོ་ཀྲུང་བཅས་ཏེ་འཁོད་པར་གྱུར་ཏོ། །དེ་ནས་ཡང་འཇིག་རྟེན་གྱི་ཁམས་རྒྱ་མཚོ་འདི་དང་འདབ་ཆགས་སུ་ལྷོ་ཕྱོགས་ན། འཇིག་རྟེན་གྱི་ཁམས་རྒྱ་མཚོ་རིན་པོ་ཆེ་ཐམས་ཅད་སྣང་བས་རྣམ་པར་བརྒྱན་
D44.035.0068b01.01པའི་སྙིང་པོ་ཞེས་བྱ་བ་ཡོད་དེ། འཇིག་རྟེན་གྱི་ཁམས་བར་མའི་རྒྱུད་དེ་དག་ལས་འཇིག་རྟེན་གྱི་ཁམས་འོད་མཐའ་ཡས་པའི་དཀྱིལ་འཁོར་གྱི་རྒྱན་ན། དེ་བཞིན་གཤེགས་པ་ཀུན་ནས་མཁྱེན་པའི་འོད་དཔལ་གྱི་རི་བོའི་རྒྱལ་པོ་བཞུགས་པའི་འཁོར་གྱི་དཀྱིལ་འཁོར་རྒྱ་མཚོ་ནས་
D44.035.0068b02.01བྱང་ཆུབ་སེམས་དཔའ་ཆོས་རྣམ་པར་སྣང་བའི་བློ་གྲོས་ཤེས་བྱ་བ་བྱང་ཆུབ་སེམས་དཔའི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་འཁོར་གྱི་དཀྱིལ་འཁོར་དེ་ནས་འཕགས་ཏེ། བཅོམ་ལྡན་འདས་གང་ན་བ་དེར་འོང་བར་གྱུར་ཏེ། ནོར་བུའི་
D44.035.0068b03.01རྒྱལ་པོ་རྒྱན་གྱི་ཡུལ་ཐམས་ཅད་ཀྱིས་རྣམ་པར་གསལ་བར་བྱས་པའི་སྙིང་པོའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་རློབ་ཅིང་། ནོར་བུའི་རྒྱལ་པོ་ཀུན་ནས་སྣང་བ་རིན་པོ་ཆེའི་རྒྱན་གྱི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་
D44.035.0068b04.01བུའི་རྒྱལ་པོ་རིན་པོ་ཆེ་འོད་འཕྲོ་བ་རབ་ཏུ་འབར་ཞིང་སངས་རྒྱས་ཀྱི་མཚན་ཤིན་ཏུ་སྒྲོག་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་ཀུན་ནས་སྒྲ་འབྱིན་ཅིང་སངས་རྒྱས་ཀྱི་ཆོས་ཐམས་ཅད་སྒྲོག་པའི་སྤྲིན་བཅུས་ནམ་མཁའ་
D44.035.0068b05.01ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་ཤིང་གི་ཡལ་ག་སྣ་ཚོགས་ཀྱི་སྙིང་པོ་བྱང་ཆུབ་ཀྱི་རྒྱན་བྱེད་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་སྒོ་ཀུན་ནས་རིན་པོ་ཆེའི་འོད་ཟེར་དང་། སངས་
D44.035.0068b06.01རྒྱས་ཀྱི་སྤྲུལ་པས་སྣང་བར་བྱེད་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་བརླབ་པ་དང་། ནོར་བུའི་རྒྱལ་པོ་རྒྱན་ཐམས་ཅད་དང་མ་འདྲེས་པར་འཁོར་གྱི་དཀྱིལ་འཁོར་དུ་གཟུགས་བརྙན་སྟོན་པའི་སྤྲིན་བཅུས་ནམ་མཁའ་ཀུན་ནས་ཡོག་པར་བྱིན་གྱིས་
D44.035.0068b07.01