完整藏文原文 · 德格版页 当前仅加载第 35 函德格 351b 版页；藏文 NFD、目录标记与异常页序保留在来源切片中，重复版页行以稳定序号区分。
བཅུའི་མཚན་བཟང་པོ་བྱུང་བ། གསེར་གྱི་དམ་པ་བྱེ་བ་བརྒྱ་སྟོང་ཕྲག་བཅུའི་གསེར་གྱི་ལྕག་ཕོད་ཀྱིས་ཀུན་ཏུ་བལྟས་པ། རིན་པོ་ཆེའི་གདུགས་གཅིག་ནས་གཅིག་ཏུ་བརྒྱུད་པ་བྱེ་བ་བརྒྱ་སྟོང་ཕྲག་བཅུ་རིན་པོ་ཆེ་ཐམས་ཅད་ཀྱི་ཡུ་བས་བཟུང་བ། རིན་པོ་ཆེའི་རྒྱན་བྱེ་བ་
D44.035.0351b01.01བརྒྱ་སྟོང་ཕྲག་བཅུས་རིན་པོ་ཆེའི་རྒྱན་གྱི་དྲ་བ་ཐམས་ཅད་དུ་རྣམ་པར་བྲེས་པ། རིན་པོ་ཆེའི་འོད་ཟེར་བྱེ་བ་བརྒྱ་སྟོང་ཕྲག་བཅུ་འོད་ཟེར་སྣ་ཚོགས་སུ་རབ་ཏུ་འཕྲོ་བ་སྣང་བ་བྱེ་བ་བརྒྱ་སྟོང་ཕྲག་བཅུས་ཀུན་ཏུ་སྣང་བར་བྱེད་པ། འོད་བྱེ་བ་བརྒྱ་སྟོང་ཕྲག་བཅུ་རབ་
D44.035.0351b02.01ཏུ་འཚེར་བ། ཉི་མའི་དཀྱིལ་འཁོར་གྱི་སྙིང་པོ་བྱེ་བ་བརྒྱ་སྟོང་ཕྲག་བཅུས་གཟུགས་རབ་ཏུ་མཛེས་ཤིང་ལུས་ཤིན་ཏུ་འཕགས་པ། ཟླ་བའི་དཀྱིལ་འཁོར་བྱེ་བ་བརྒྱ་སྟོང་ཕྲག་བཅུས་ཁ་དོག་དུ་མར་བསྒྲུབས་པ། སྤོས་ཀྱི་འོད་གཟེར་བྱེ་བ་བརྒྱ་སྟོང་ཕྲག་བཅུ་རབ་རིབ་
D44.035.0351b03.01མེད་པར་སྣང་བ། ལྷ་རྫས་ཀྱི་པད་མོའི་དམ་པ་བྱེ་བ་བརྒྱ་སྟོང་ཕྲག་བཅུས་རབ་ཏུ་བསྒྲུབས་ཤིང་སྙིང་པོ་ཤིན་ཏུ་འཕགས་པ། རིན་པོ་ཆེའི་དྲ་བ་བྱེ་བ་བརྒྱ་སྟོང་ཕྲག་བཅུས་སྙིང་པོ་ཀུན་ནས་ཡོག་པར་བྱས་པ། མེ་ཏོག་གི་དྲ་བ་བྱེ་བ་བརྒྱ་སྟོང་ཕྲག་བཅུ་ཀུན་ནས་
D44.035.0351b04.01རྒྱས་པར་བཀྲམ་པ། སྤོས་ཀྱི་དྲ་བ་བྱེ་བ་བརྒྱ་སྟོང་ཕྲག་བཅུའི་དྲི་སྣ་ཚོགས་ཀྱིས་ཀུན་ནས་ཡོག་པ། ལྷ་རྫས་ཀྱི་གདན་རིན་པོ་ཆེ་བྱེ་བ་བརྒྱ་སྟོང་ཕྲག་བཅུ་མཛེས་པར་བཏིང་བ། ལྷ་རྫས་ཀྱི་གོས་རིན་པོ་ཆེ་བྱེ་བ་བརྒྱ་སྟོང་ཕྲག་བཅུས་མཛེས་པར་
D44.035.0351b05.01བཀྲམ་པ། ལྷ་རྫས་ཀྱི་གོས་ཁ་དོག་སྔོན་པོ་བྱེ་བ་བརྒྱ་སྟོང་ཕྲག་བཅུ་ཤིན་ཏུ་བརྒྱན་པར་བཏིང་བ། ལྷ་རྫས་ཀྱི་གོས་ཁ་དོག་སེར་པོ་བྱེ་བ་བརྒྱ་སྟོང་ཕྲག་བཅུ་རྒྱན་ཆེན་པོར་བཏིང་བ། ལྷ་རྫས་ཀྱི་གོས་ཁ་དོག་དམར་པོ་བྱེ་བ་བརྒྱ་སྟོང་ཕྲག་བཅུ་ལྷའི་དགའ་བར་
D44.035.0351b06.01བཏིང་བ། ལྷ་རྫས་ཀྱི་གོས་ཁ་དོག་སྣ་ཚོགས་བྱེ་བ་བརྒྱ་སྟོང་ཕྲག་བཅུ་གོས་ཀྱི་རྒྱན་དུ་བཏིང་བ། ལྷ་རྫས་ཀྱི་རིན་པོ་ཆེ་སྣ་ཚོགས་ཀྱི་གོས་རྣམ་པ་སྣ་ཚོགས་བྱེ་བ་བརྒྱ་སྟོང་ཕྲག་བཅུ་ཁ་དོག་ལེགས་པར་བཏིང་བ། སྤོས་སྣ་ཚོགས་ཀྱིས་ཡོངས་སུ་
D44.035.0351b07.01