完整藏文原文 · 德格版页 当前仅加载第 35 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་བསྒྲུབ་པ་ཡོངས་སུ་རྒྱས་པར་བྱས་ཏེ། དེ་བཞིན་གཤེགས་པ་ཐམས་ཅད་ཀྱི་སྟོབས་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་མཉམ་པ་ཉིད་ཀྱི་རྗེས་སུ་སོང་སྟེ། ཐམས་ཅད་མཁྱེན་པའི་ཡེ་ཤེས་ཀྱི་ཡུལ་
D44.035.0286a01.01རྟོགས་པར་འགྱུར་བ་དང་། དེ་ལྟར་མངོན་པར་བྱང་ཆུབ་ནས་ཀྱང་བསམ་པའི་ཚུལ་བཞིན་དུ་སངས་རྒྱས་ཀྱི་ཞིང་ཡོངས་སུ་གྲུབ་པར་གྱུར་པ་དག་ཏུ་ཇི་ལྟར་ཡོངས་སུ་སྨིན་པར་བྱ་བའི་སེམས་ཅན་དག་ལ། དུས་དང་དབང་པོའི་རྒྱུད་ཇི་ལྟ་བ་བཞིན་དུ་
D44.035.0286a02.01སངས་རྒྱས་ཀྱི་མཛད་པ་མཐའ་ཡས་པ་འབྱིན་པར་འགྱུར་བ་དེ་ལེགས་པར་ཤོད་ཅིག །འཁོར་འདི་དག་ཐམས་ཅད་ནི་ཉན་པར་འདོད་དོ། །ཇི་ལྟར་ཡང་བྱང་ཆུབ་སེམས་དཔའ་རྣམས་ཀྱིས་བྱང་ཆུབ་སེམས་དཔའི་ཡོན་ཏན་འདི་དང་གཞན་དག་དང་། བྱང་ཆུབ་སེམས་དཔའི་
D44.035.0286a03.01ཆོས་དང་། བྱང་ཆུབ་སེམས་དཔའི་སྤྱོད་པ་དང་། བྱང་ཆུབ་སེམས་དཔའི་ལམ་གྱི་ཡུལ་རྣམས་ཡོངས་སུ་རྫོགས་པར་བྱས་ཏེ། མྱུར་དུ་དེ་བཞིན་གཤེགས་པའི་མཉམ་པ་ཉིད་འཐོབ་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D44.035.0286a04.01པའི་སངས་རྒྱས་རྣམས་ཀྱིས་བསྐལ་པ་བརྒྱ་སྟོང་གྲངས་མེད་པར་ཡང་དག་པར་བསྒྲུབས་པའི་ཆོས་ཀྱི་མཛོད་འདི་ཡང་ཡང་དག་པར་བསྲུང་ཞིང་བྱང་ཆུབ་སེམས་དཔའི་སྤྱོད་པ་ལ་གནས་ཤིང་། སྟོན་པ་དང་འཆད་པའི་ཚེ། བདུད་དང་བདུད་ཀྱི་རིགས་སུ་གཏོགས་པ་དང་།
D44.035.0286a05.01ཕས་ཀྱི་རྒོལ་བ་ཐམས་ཅད་ཀྱི་ཟིལ་གྱིས་མི་ནོན་པ་དང་། འཇིག་རྟེན་གྱི་ཁམས་ཐམས་ཅད་དུ་ཡང་སྐྱོ་བ་མེད་པར་དམ་པའི་ཆོས་ཡོངས་སུ་འཛིན་པར་བྱེད་པ་དང་། དེ་ཡང་དག་པར་སྟོན་པའི་ཚེ། ལྷའི་དབང་པོ་རྣམས་ཀྱིས་རིམ་གྲོར་བྱ་བ་དང་།
D44.035.0286a06.01གཞུང་དེ་བཞིན་དུ་ཀླུའི་དབང་པོ་དང་། གནོད་སྦྱིན་གྱི་དབང་པོ་དང་། དྲི་ཟའི་དབང་པོ་དང་། ལྷ་མ་ཡིན་གྱི་དབང་པོ་དང་། ནམ་མཁའ་ལྡིང་གི་དབང་པོ་དང་། མི་འམ་ཅིའི་དབང་པོ་དང་། ལྟོ་འཕྱེ་ཆེན་པོའི་དབང་པོ་དང་། མིའི་དབང་པོ་དང་།
D44.035.0286a07.01