完整藏文原文 · 德格版页 当前仅加载第 35 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་མེད་པ། །སངས་རྒྱས་གསུང་གཅིག་སེམས་ཅན་ཀུན་ལ་གསུང་། །བསྐལ་པ་ཀུན་བརྗོད་འཇིག་རྟེན་མང་ལ་སྟོན། །རྡོ་རྗེ་ཚུལ་མིག་འདི་ཡི་གནས་ལ་འཇུག །དེ་ལ་སའི་ལྷ་དཔལ་གྱི་མེ་ཏོག་ཀུན་ནས་ཤིན་ཏུ་རྒྱས་པ་དྲི་མ་མེད་པའི་རྣམ་པར་ཐར་པ་ནི། སྐད་
D44.035.0047b01.01ཅིག་སྐད་ཅིག་ཅིང་སེམས་ཅན་ཐམས་ཅད་ལ་བྱམས་པ་དང་། སྙིང་རྗེའི་དཀྱིལ་འཁོར་གྱིས་རྣམ་པར་ལྟ་བ་ཞེས་བྱའོ། །སའི་ལྷ་བསོད་ནམས་བརྟེན་པ་ཤིན་ཏུ་བསགས་པའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་བསོད་ནམས་ཀྱི་སྟོབས་དང་ཤུགས་
D44.035.0047b02.01ཀྱི་རྒྱན་ཅེས་བྱའོ། །སའི་ལྷ་སེམས་ཅན་རིན་པོ་ཆེས་རྒྱས་པའི་རྣམ་པར་ཐར་པ་ནི། ཏིང་ངེ་འཛིན་སྣ་ཚོགས་བསྒོམས་པ་རྣམ་པར་འབྱེད་པ་དྲི་མ་མེད་པ་ཞེས་བྱའོ། །སའི་ལྷ་དུས་དུས་སུ་དགེ་བའི་མིག་རབ་ཏུ་སྟོན་པའི་རྣམ་པར་ཐར་པ་ནི། སེམས་ཅན་ཐམས་ཅད་དགའ་
D44.035.0047b03.01ཞིང་བདེ་བ་དང་རྩེ་བའི་སྦྱོར་བ་ཞེས་བྱའོ། །སའི་ལྷ་གསེར་གྱི་མིག་གི་དཔལ་གྱི་རྣམ་པར་ཐར་པ་ནི། ལུས་ཐམས་ཅད་ཡོངས་སུ་དག་པར་བྱེད་པའི་ཚུལ་སྟོན་པ་ཞེས་བྱའོ། །སའི་ལྷ་སྤུ་ལས་སྤོས་ཀྱི་འོད་རྣམ་པར་འགྱེད་པའི་རྣམ་པར་ཐར་པ་ནི། སངས་རྒྱས་ཐམས་
D44.035.0047b04.01ཅད་ཀྱི་ཡོན་ཏན་རྒྱ་མཚོ་ཐམས་ཅད་རྣམ་པར་སྒོམ་པ་བརྗོད་པ་ཞེས་བྱའོ། །སའི་ལྷ་སྒྲ་དབྱངས་ཡིད་དུ་འོང་བ་སྒྲོག་པའི་རྣམ་པར་ཐར་པ་ནི། འགྲོ་བ་ཐམས་ཅད་སྨྲ་བའི་སྒྲ་རྒྱ་མཚོ་བྱིན་གྱིས་རློབ་པ་ཞེས་བྱའོ། །སའི་ལྷ་མེ་ཏོག་གི་ཀློང་སྣ་ཚོགས་ཀྱི་གཙུག་ཕུད་ཀྱི་
D44.035.0047b05.01རྣམ་པར་ཐར་པ་ནི། སངས་རྒྱས་ཀྱི་ཞིང་ཕུན་སུམ་ཚོགས་པའི་རང་བཞིན་དྲི་མ་མེད་པ་ཞེས་བྱའོ། །སའི་ལྷ་ཀུན་ནས་རྡོ་རྗེའི་རྡུལ་གྱི་རྒྱུད་ཀྱི་རྣམ་པར་ཐར་པ་ནི། སངས་རྒྱས་ཀྱི་ཆོས་ཐམས་ཅད་ཀྱི་འཁོར་ལོ་བྱིན་གྱི་རླབས་ཀུན་ནས་རྒྱུ་ཞིང་འབྱུང་བ་ཞེས་བྱའོ། །སའི་ལྷ་
D44.035.0047b06.01ཁྱིམ་དྲི་མ་མེད་པའི་འོད་ཀྱི་རྣམ་པར་ཐར་པ་ནི། སངས་རྒྱས་ཀྱི་ཞིང་ཐམས་ཅད་ཀྱི་ཚུལ་ལ་ཡང་དག་པར་འཇུག་པའི་ཆོས་ཀྱི་རྒྱན་བསྒོམ་པ་འབྱུང་བ་ཞེས་བྱའོ། །དེ་ནས་སའི་ལྷ་དཔལ་གྱི་མེ་ཏོག་ཀུན་ནས་ཤིན་ཏུ་རྒྱས་པ་དྲི་མ་མེད་པས། སངས་རྒྱས་ཀྱི་མཐུས་སའི་ལྷའི་འཁོར་
D44.035.0047b07.01