完整藏文原文 · 德格版页 当前仅加载第 35 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མངོན་སུམ་དུ། །མི་ཟད་སྐུ་ནི་ཤིན་ཏུ་སྟོན། །སངས་རྒྱས་གསུང་གི་དཀྱིལ་འཁོར་ནི། །ཞིང་རྣམས་ཀུན་ཏུ་རབ་ཏུ་སྒྲོག །གསུང་གིས་སེམས་ཅན་ཐམས་ཅད་ཀྱི། །བསམ་པ་ཐམས་ཅད་རབ་ཏུ་འགེངས། །འཇིག་རྟེན་དབང་པོ་ཀུན་གནས་ན། །ཐུབ་པ་རབ་ཏུ་བཞུགས་
D44.035.0053b01.01པར་སྣང་། །དེ་དག་ཐམས་ཅད་འཁོར་རྣམས་ལ། །འདྲེན་པ་དག་གི་ཆོས་སྟོན་མཛད། །རྒྱ་མཚོ་ཆོས་ཀྱི་སྒོ་བསྐུལ་བས། །གཞན་དང་གཞན་གྱི་ཚུལ་དག་གིས། །ཐམས་ཅད་ཆོས་ཀྱི་བྱེ་བྲག་དོན། །རྒྱལ་བ་ཟད་མེད་རབ་ཏུ་སྟོན། །རྒྱ་ཆེན་མཐའ་མེད་ཚུལ་དག་ལ། །རྒྱ་
D44.035.0053b02.01མཚོ་འཁོར་རྣམ་རབ་ཏུ་འཇུག །སངས་རྒྱས་འོད་ཟེར་རབ་འདྲེས་པས། །ཀུན་གྱིས་འདྲེན་པ་མཐོང་བར་འགྱུར། །ཞིང་རྣམས་བྱེ་མའི་རྡུལ་སྙེད་དུ། །རྫོགས་པའི་སངས་རྒྱས་ཀུན་མཆོད་པས། །བསོད་ནམས་རྒྱ་ཆེན་ནམ་མཁའ་བཞིན། །ཀུན་གྱིས་འདྲེན་པ་རབ་ཏུ་
D44.035.0053b03.01མཐོང་། །སངས་རྒྱས་རྫུ་འཕྲུལ་མ་འདྲེས་པ། །ཐམས་ཅད་ཞིང་དུ་སྟོན་པ་མཛད། །འགྲོ་ལ་སངས་རྒྱས་མངོན་སུམ་དུ། །བྱང་ཆུབ་སྙིང་པོར་རྣམ་པར་མཛེས། །འོད་ཟེར་སྣ་ཚོགས་དཀྱིལ་འཁོར་གྱི། །འོད་འཕྲོ་སྤྲིན་ནི་ཀུན་ཏུ་སྣང་། །ཆོས་དབྱིངས་ཀུན་ཏུ་ཁྱབ་བྱས་
D44.035.0053b04.01ཤིང་། །སངས་རྒྱས་སྤྱོད་ཡུལ་རབ་ཏུ་སྟོན། །དེ་ལ་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་པ་ནི། ཚུལ་རྒྱ་མཚོ་བསམ་གྱིས་མི་ཁྱབ་པས། །དེ་བཞིན་གཤེགས་པའི་ཡོན་ཏན་རྒྱ་མཚོ་ལ་འཇུག་སྟེ། འདི་ལྟར་སངས་རྒྱས་ཀྱི་ཞིང་ཐམས་ཅད་ཡོངས་སུ་
D44.035.0053b05.01དག་པར་བྱ་བ་དང་། འགྲོ་བ་གདུལ་བ་ལ་མཐར་ཐུག་པར་མངོན་པར་སྒྲུབ་པ་ཞེས་བྱ་བའི་རྣམ་པར་ཐར་པ་དང་། དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་དུ་ཕྱིན་པས། ཡོན་ཏན་གྱི་ཚོགས་ཐམས་ཅད་ཀྱི་ཡུལ་ཞེས་བྱ་བའི་རྣམ་པར་ཐར་པ་དང་། བྱང་ཆུབ་སེམས་དཔའ་
D44.035.0053b06.01ཐམས་ཅད་ཀྱི་ས་ནས་སར་སྨོན་ལམ་རྒྱ་མཚོས་རབ་ཏུ་གནས་པ་འབྱུང་བ་ཞེས་བྱ་བའི་རྣམ་པར་ཐར་པ་དང་། སྒོ་ཐམས་ཅད་ནས་ཆོས་ཀྱི་དབྱིངས་སུ་བདག་གི་ལུས་ཀྱི་སྤྲིན་རྡུལ་སྙེད་མཐའ་ཡས་པས་རྒྱས་པར་འགེངས་པ་ཞེས་བྱ་བའི་རྣམ་པར་ཐར་པ་དང་། ཞིང་ཐམས་ཅད་དུ་
D44.035.0053b07.01