完整藏文原文 · 德格版页 当前仅加载第 35 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱན་པར་ཀུན་ནས་གནས་པ་དང་། འདི་ལྟ་སྟེ། དེ་བཞིན་གཤེགས་པ་རྣམ་པར་འཕྲུལ་པས་འཇིག་རྟེན་གྱི་ཁམས་རྒྱ་མཚོའི་བསྐལ་པ་མཐའ་ཡས་པ་ཡོངས་སུ་དག་པར་གནས་པ་དང་། དེ་དག་ལ་{སྩོགས་,སོགས་}པ་འཇིག་རྟེན་གྱི་ཁམས་རྒྱ་མཚོའི་བསྐལ་པ་རྒྱ་མཚོ་མཐའ་ཡས་པའི་
D44.035.0100b01.01རྒྱུད་ཀྱི་ཚུལ་རྒྱ་མཚོ་ཀུན་ནས་གནས་པའི་ཚུལ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་འཇིག་རྟེན་གྱི་ཁམས་རྒྱ་མཚོའི་བསྐལ་པ་མཐའ་ཡས་པའི་ཚུལ་རྒྱ་མཚོ་འདི་ཉིད་ཡོངས་
D44.035.0100b02.01སུ་བསྟན་པའི་ཕྱིར། སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་རྣམས་རྒྱ་མཚོའི་ཆོས་ཉིད་འདི་དག་ལྟོས། །ཆོས་ཀྱིས་བྱུང་སྟེ་ཇི་ལྟར་གནས་པ་ལྟར། །དེ་དག་འབྱུང་ཞིང་འཇིག་
D44.035.0100b03.01པར་འགྱུར་བ་ཡང་། །ཞིང་རྣམས་རྒྱ་མཚོ་ཐམས་ཅད་རབ་ཏུ་སྣང་། །སེམས་ཅན་ཉོན་མོངས་མི་ཟད་ལྡན་པ་དང་། །ལས་དང་ཉོན་མོངས་ངན་པས་བསྒྲིབས་པའི་རྣམས། །དེ་དག་བསམ་ལ་ཞིང་གི་རྒྱ་མཚོ་རྣམས། །ཀུན་ནས་ཉོན་མོངས་ལྡན་པར་གྱུར་པ་ཡིན། །
D44.035.0100b04.01སེམས་ཅན་རྣམ་དག་བསམ་པ་ལྡན་རྣམས་དང་། །བསོད་ནམས་བརྟན་དང་རྣམ་དག་སྤྱོད་ཡུལ་ཅན། །རྣམ་དག་ཡུལ་ལ་ཉོན་མོངས་ལྡན་གྱུར་རྣམས། །དེ་དག་མོས་པ་སྣ་ཚོགས་སྤྱོད་ཡུལ་གྱི། །བྱང་ཆུབ་སེམས་དཔའ་སྐྱེ་བའི་དུས་དག་ན། །བསྐལ་
D44.035.0100b05.01པ་དེ་ནི་རྣམ་པར་དག་པར་སྣང་། །སེམས་ཅན་ཉོན་མོངས་ལྡན་པར་གྱུར་པ་ཡང་། །དེ་ཡི་ཆོས་ཉིད་བསམ་ཡས་ཡངས་པ་ཡི། །བྱང་ཆུབ་བསམ་པ་ཇི་ལྟར་བསྐྱེད་པ་དང་། །དེ་དག་བསམ་པ་ཇི་ལྟར་རྣམ་འཕེལ་བས། །དེ་བཞིན་བསྐལ་པ་རྒྱ་མཚོ་མང་
D44.035.0100b06.01པོ་དག །བསམ་གྱིས་མི་ཁྱབ་ཞིང་རྒྱན་ཡོངས་སུ་སྦྱོང་། །བྱེ་བ་མང་པོ་མཐའ་ཡས་མི་ཟད་པའི། །བྱང་ཆུབ་སེམས་དཔའ་ཕྱོགས་བཅུ་ཀུན་རྒྱུ་ཡང་། །རྒྱན་ལ་རྣམ་པ་ཐ་དད་ཡོད་པ་མིན། །བསྐལ་པ་ཐ་དད་ཚུལ་གྱི་བྱེ་བྲག་སྣང་། །རྡུལ་རྣམས་རེ་རེ་
D44.035.0100b07.01