完整藏文原文 · 德格版页 当前仅加载第 35 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་སྲས་དག་རླུང་གི་དཀྱིལ་འཁོར་རི་རབ་ཀྱི་རྡུལ་ཤིན་ཏུ་ཕྲ་བ་སྙེད་དེ་དག་ཐམས་ཅད་ཀྱི་སྟེང་མ་ནི་རླུང་གི་དཀྱིལ་འཁོར་གཟི་བརྗིད་བཟང་པོ་དཔལ་གྱི་སྙིང་པོ་ཞེས་བྱ་སྟེ། ནོར་བུ་ཀུན་ནས་སྣང་བའི་རྒྱན་དང་ལྡན་པའི་སྤོས་ཀྱི་ཆུ་རྒྱ་མཚོའི་གཞིས་རྟོན་ཏོ། །
D44.035.0103a01.01སྤོས་ཀྱི་ཆུ་རྒྱ་མཚོ་ནོར་བུ་ཀུན་ནས་སྣང་བའི་གཞིས་བརྒྱན་པའི་སྙིང་པོ་ཞེས་བྱ་བ་དེ་ལས་པདྨོ་ཆེན་པོ་སྤོས་ཀྱི་རྒྱལ་མཚན་ཁྱེར་བའི་འོད་ཟེར་དང་ཟེ་བ་སྣ་ཚོགས་ཤེས་བྱ་བ་མངོན་པར་བྱུང་སྟེ། པདྨོ་ཆེན་པོ་དེ་ལ་འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་
D44.035.0103a02.01པ་ཀུན་ནས་གྲུ་བཞིར་འདུག་པ་རྣམ་པར་དག་པ་ཤིན་ཏུ་བརྟན་པ་རྡོ་རྗེ་དང་ནོར་བུ་ཐམས་ཅད་ཀྱི་ཁོར་ཡུག་གིས་བསྐོར་བ། རིམ་གྱིས་གཞོལ་བར་གནས་པ་ཤིང་གི་རྒྱུད་རྒྱ་མཚོ་ས་ལ་རབ་ཏུ་གནས་པ་འདི་འདུག་གོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས་ཡང་
D44.035.0103a03.01འཇིག་རྟེན་གྱི་ཁམས་རྒྱ་མཚོ་གཞི་དང་སྙིང་པོ་མེ་ཏོག་གི་རྒྱན་གྱིས་བརྒྱན་པ་འདི་ཉིད་ཀྱི་ཡོན་ཏན་རྒྱ་མཚོ་ཡོངས་སུ་དག་པའི་ཕྱོགས་འདི་ཉིད་བརྗོད་པའི་ཕྱིར་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །
D44.035.0103a04.01གཞི་རྒྱན་མེ་ཏོག་འཇིག་རྟེན་ཁམས་ཀྱི་རྒྱ་མཚོ་དེ། །རིན་ཆེན་ཀུན་གྱི་སྙིང་པོ་ཁ་དོག་སྣ་ཚོགས་ཏེ། །རྡུལ་རྣམས་ཀུན་དང་མཉམ་པའི་སྔན་ཅད་སངས་རྒྱས་ཀྱི། །དྲུང་དུ་སྔོན་ཚེ་རྒྱ་མཚོར་སྦྱངས་པས་དྲི་མེད་པ། །རྒྱ་ཆེན་སྙིང་རྗེའི་སྤྲིན་གྱིས་ཁམས་རྣམས་ཀུན་
D44.035.0103a05.01བཀང་ཞིང་། །ཞིང་གི་རྡུལ་དང་མཉམ་པའི་ལུས་ཀྱང་ཀུན་བཏང་ནས། །སྔོན་གྱི་བསྐལ་པ་རྒྱ་མཚོར་སྤྱོད་པ་སྤྱད་པས་ན། །འཇིག་རྟེན་རྒྱ་མཚོའི་ཁམས་དེ་ཡངས་ཤིང་རྣམ་པར་དག །སངས་རྒྱས་རྣམ་པར་སྣང་བས་སྨོན་ལམ་ཆེ་མཛད་དེ། །འོད་སྣང་
D44.035.0103a06.01བཏང་བ་མཁའི་དཀྱིལ་ན་གནས་པ་ནི། །རླུང་གི་ཕུང་པོས་བཏབ་ཀྱང་མི་བསྐྱོད་མི་གཡོ་སྟེ། །ནོར་བུ་ཀུན་རྒྱན་སངས་རྒྱས་གཟུགས་བརྙན་སྙིང་པོའོ། །མེ་ཏོག་མཛོད་བཀྱེ་གཏོར་བ་རིན་ཆེན་ཡིད་འོང་བཞིན། །སྔོན་གྱི་སྨོན་ལམ་དབང་གིས་མཁའི་དབྱིངས་ལ་
D44.035.0103a07.01