完整藏文原文 · 德格版页 当前仅加载第 35 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་རོལ་མུ་སྟེགས་ཅན་རྣམས་ཇི་སྙེད་པ། །དེ་དག་བསམ་པ་མོས་པ་རྟོགས་བྱས་ནས། །བསྒྲུབ་དཀའ་མི་ཟད་དྲག་ཤུལ་དཀའ་ཐུབ་ཀྱི། །མུ་སྟེགས་ཅན་གྱི་སྡུག་བསྔལ་སྤངས་པས་འདུལ། །འཇིག་རྟེན་ལྟ་བས་འཁྲུགས་པ་ཤེས་
D44.035.0227a01.01བྱས་ནས། །ལྟ་བ་ངན་ལ་ཞེན་པའི་མུ་སྟེགས་ཅན། །ཀུན་ལ་ཕྲ་བའི་ཚིག་དང་ཐབས་ཚུལ་གྱིས། །བདེན་པ་སྟོན་པ་དེ་དག་ཀུན་ཏུ་བྱེད། །ལ་ལ་དྲ་བྱི་ལ་ཡི་སྔགས་ཚིག་ཏུ། །ཤིན་ཏུ་གསང་བའི་ཚིག་གིས་བདེན་པ་སྟོན། །ལ་ལ་དག་ལ་གསལ་ཞིང་དྲང་ཚིག་
D44.035.0227a02.01གིས། །ལ་ལ་དག་ལ་ལྷ་ཡི་གསང་ཚིག་གིས། །ལ་ལ་དག་ལ་ཡི་གེ་དབྱེ་ཚིག་དང་། །དོན་དེས་རྟོགས་པ་རྡོ་རྗེའི་ཚིག་རྣམས་དང་། །རྒོལ་བ་འདུལ་བའི་ཡེ་ཤེས་ཚིག་རྣམས་དང་། །བསྟན་པ་ཐུབ་མེད་ཐར་པའི་ཚིག་རྣམས་ཀྱིས། །ལ་ལ་དག་ལ་མི་སྐད་ཚིག་རྣམས་དང་། །ཀུན་
D44.035.0227a03.01ལ་འཇུག་པའི་ཚིག་དེས་ཚིག་རྣམས་དང་། །ལ་ལ་དག་ལ་ལྷའི་ཚིག་དེས་ཚིག་དང་། །ཀླུ་ཡི་ཚིག་དེས་གནོད་སྦྱིན་ཚིག་རྣམས་ཀྱིས། །ལ་ལ་དག་ལ་སྲིན་པོ་འབྱུང་པོ་དང་། །དྲི་ཟ་གྲུལ་བུམ་ལྟོ་འཕྱེ་ཆེན་པོའི་ཚིག །མི་ཅི་ལྷ་མིན་ནམ་མཁའ་ལྡིང་ཚིག་གིས། །བདེན་པ་བསྟན་ཅིང་ཐར་པར་
D44.035.0227a04.01འདྲེན་པ་བྱེད། །དེ་དག་བདེན་པའི་ཚིག་དེས་ཚུལ་ཤེས་བཞིན། །དེ་ལྟར་རྒྱལ་བའི་ཆོས་རྣམས་མ་ལུས་པའི། །ཆོས་ཉིད་བསམ་ཡས་ཚིག་ལམ་ཤེས་པས་སྟོན། །དེ་དག་ཏིང་འཛིན་རྣམ་འཕྲུལ་དེ་འདྲའོ། །དེ་དག་འགྲོ་བདེ་མཆོག་གི་ཏིང་ངེ་འཛིན། །འགྲོ་བ་
D44.035.0227a05.01ཀུན་ལ་མངོན་པར་སྒྲུབ་བྱེད་ཅིང་། །འོད་ཟེར་བསམ་གྱིས་མི་ཁྱབ་རབ་བཀྱེ་སྟེ། །འོད་ཟེར་བཀྱེ་ནས་སེམས་ཅན་དེ་དག་འདུལ། །འོད་ཟེར་མཐོང་ན་ལེགས་པ་རབ་བཀྱེ་ཞིང་། །སེམས་ཅན་ཇི་སྙེད་འོད་ཟེར་དེ་ཤེས་པ། །དེ་དག་མཐོང་ལེགས་དོན་མེད་མ་ཡིན་ཏེ། །
D44.035.0227a06.01བླ་ན་མེད་པའི་ཡེ་ཤེས་མཆོག་གི་རྒྱུ། །སངས་རྒྱས་བསྟན་ཏེ་ཆོས་རྣམས་ཡོངས་བསྟན་ནས། །དགེ་འདུན་བསྟན་ནས་མི་རྣམས་ལམ་བསྟན་ཏེ། །རྒྱལ་བའི་སྐུ་གཟུགས་མཆོད་རྟེན་བསྟན་པས་ན། །དེས་ནི་མཐོང་ན་ལེགས་པའི་འོད་ཟེར་གྲུབ། །ལྷ་ཡི་འོད་ཟེར་ཟིལ་
D44.035.0227a07.01