完整藏文原文 · 德格版页 当前仅加载第 35 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྒྲོན་མ་ཤིན་ཏུ་འཕགས་པའི་འོད་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མེ་ཏོག་ཡོངས་སུ་དག་པའི་གློང་གི་དཀྱིལ་འཁོར་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་ཉི་མའི་འོད་གཟེར་ཅེས་བྱ་བ་བཞུགས་སོ། །དེའི་སྟེང་ན་འཇིག་རྟེན་
D44.035.0129a01.01གྱི་ཁམས་ཤིན་ཏུ་མཛེས་པའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རྒྱ་མཚོ་མཐའ་དང་དབུས་མེད་པའི་ཆོས་ཀྱི་འཁོར་ལོ་རབ་ཏུ་སྒྲོག་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་པདྨོའི་ནགས་ཚལ་ཡང་དག་པར་གནས་པ་
D44.035.0129a02.01ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་བསམ་གྱིས་མི་ཁྱབ་པ་ལ་འཇུག་པ་ཡང་དག་པར་སྟོན་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྡོ་རྗེ་རིན་པོ་ཆེ་ལྟར་གཞི་མཉམ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་དཔལ་གྱི་འོད་གཟི་བརྗིད་
D44.035.0129a03.01ཀྱི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སྤོས་དང་ནོར་བུ་ཤིན་ཏུ་མང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བསོད་ནམས་རྒྱ་མཚོ་མི་ཟད་པའི་རྒྱན་དམ་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་འོད་ཤིན་ཏུ་ཕྲ་བ་
D44.035.0129a04.01འགྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྟོབས་གཞལ་དུ་མེད་པའི་དབྱངས་ཀུན་ཏུ་བརྗོད་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་བརྟན་པར་བསྒྲུབས་
D44.035.0129a05.01པ་ཕྱོགས་ཐམས་ཅད་དུ་རབ་ཏུ་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རིན་པོ་ཆེའི་ཡིད་བཞིན་གྱི་རྒྱལ་པོ་ཡན་ལག་བརྒྱད་དུ་རྣམ་པར་ཕྱེ་བའི་འཁོར་ལོ་རྒྱ་མཚོ་ལ་རབ་ཏུ་
D44.035.0129a06.01གནས་པ། རིན་པོ་ཆེའི་རྒྱན་ཐམས་ཅད་དང་བླ་རེའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་སྤྱན་ཡོངས་སུ་གསལ་བའི་སྒྲོན་མ་ཞེས་བྱ་བ་བཞུགས་སོ། །དེ་ནས་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རིན་པོ་ཆེ་རྡོ་རྗེ་ལྟར་བརྟན་པ་ཞེས་
D44.035.0129a07.01