完整藏文原文 · 德格版页 当前仅加载第 35 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་མོ། །དེ་ལྟར་དེ་ནས་དགའ་བ་འབྱུང་བས་མཐོང་། །ཕྱོགས་བཅུའི་ཞིང་རྣམས་ཅི་སྙེད་གང་ཡོད་པ། དེ་དག་ཀུན་ན་སངས་རྒྱས་གདན་བཞུགས་སྣང་། །ཤིན་ཏུ་རྒྱས་པའི་བྱང་ཆུབ་མངོན་སངས་རྒྱས། །དགའ་བ་རྡུལ་མེད་དབྱངས་
D44.035.0041a01.01ཀྱིས་དེ་མཐོང་ངོ་། །སངས་རྒྱས་སྤྱོད་ཡུལ་ཆགས་པ་མེད་པ་སྟེ། །ཤིན་ཏུ་རྒྱ་ཆེ་ཕྱོགས་རྣམས་ཀུན་ཏུ་གནས། །རྣམ་པར་འཕྲུལ་པ་རྒྱལ་བ་སྟོན་མཛད་དེ། །དེ་ལ་འཕྲོ་བའི་འོད་ཀྱི་ལྷ་འཇུག་གོ །སྦྱོར་བའི་སྤྱོད་པ་རྣམས་ལ་མཐའ་མེད་དེ། །འགྲོ་བ་ཀུན་དབྱིངས་
D44.035.0041a02.01ཐུབ་པ་མེད་པར་འཇུག །རྒྱལ་བའི་བྱིན་གྱི་རླབས་ནི་འདི་འདྲ་སྟེ། །ང་རོས་འགེངས་པ་རྣམ་ཐར་འདི་ལ་འཇུག །དེ་ལ་རྒྱ་མཚོའི་ལྷ་རིན་པོ་ཆེའི་འོད་འབྱུང་བའི་དཔལ་གྱི་རྣམ་པར་ཐར་པ་ནི། འགྲོ་བ་ཐམས་ཅད་དང་མཉམ་པའི་བསོད་ནམས་རྒྱ་མཚོ་རིན་པོ་ཆེ་འབྱུང་བའི་རྒྱན་
D44.035.0041a03.01ཅེས་བྱའོ། །རྒྱ་མཚོའི་ལྷ་རྡོ་རྗེ་ཀུན་ནས་སྲ་ཞིང་མི་ཆོམས་པའི་རྒྱལ་མཚན་དང་ལྡན་པའི་རྣམ་པར་ཐར་པ་ནི། དགེ་བའི་རྩ་བ་ཐམས་ཅད་བསྲུང་བའི་སྦྱོར་བ་ཞེས་བྱའོ། །རྒྱ་མཚོའི་ལྷ་རྡུལ་དང་དྲི་མ་མེད་པའི་གནས་དང་ལྡན་པའི་རྣམ་པར་ཐར་པ་ནི། སེམས་ཅན་ཐམས་
D44.035.0041a04.01ཅད་ཀྱི་ཉོན་མོངས་པ་རྒྱ་མཚོ་མང་པོ་རྣམ་པར་སེལ་བ་ཞེས་བྱའོ། །རྒྱ་མཚོའི་ལྷ་ཀུན་ནས་ཆུ་དང་རི་བོ་དང་ཁྱིམ་གྱི་དཀྱིལ་འཁོར་གྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་ངན་སོང་དང་ངན་འགྲོའི་ལམ་རྣམ་པར་ཟློག་པ་ཞེས་བྱའོ། །རྒྱ་མཚོའི་ལྷ་སྐྱབས་རིན་པོ་ཆེ་མིག་གི་ཟླ་བའི་
D44.035.0041a05.01དཔལ་གྱི་རྣམ་པར་ཐར་པ་ནི། ཤུགས་ཆེན་པོས་གཏི་མུག་རྣམ་པར་སེལ་བ་ཞེས་བྱའོ། །རྒྱ་མཚོའི་ལྷ་ཀླུའི་དཔལ་པད་མོ་སྣ་ཚོགས་ཀྱི་གཙུག་ཕུད་ཀྱི་རྣམ་པར་ཐར་པ་ནི། རྒྱུད་ཐམས་ཅད་ཀྱི་སྡུག་བསྔལ་རབ་ཏུ་ཞི་བར་བྱེད་ཅིང་བདེ་བ་འབྱུང་བར་བྱེད་པ་ཞེས་བྱའོ། །རྒྱ་
D44.035.0041a06.01མཚོའི་ལྷ་ཆུ་ལྟ་བུར་རོ་མཐུན་པར་འཛིན་པའི་འོད་ཀྱི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་ལྟ་བ་དང་། རྨོངས་པའི་རང་བཞིན་དྲི་མ་མེད་པ་ཞེས་བྱའོ། །རྒྱ་མཚོའི་ལྷ་རིན་པོ་ཆེ་འོད་འཕྲོ་བའི་མེ་ཏོག་གི་ཚོན་གྱི་འོད་ཀྱི་རྣམ་པར་ཐར་པ་ནི། རིན་པོ་ཆེའི་རིགས་ཐམས་
D44.035.0041a07.01