完整藏文原文 · 德格版页 当前仅加载第 35 函德格 384a 版页；藏文 NFD、目录标记与异常页序保留在来源切片中，重复版页行以稳定序号区分。
ཉི་མའི་དཀྱིལ་འཁོར་དེ་ལྟ་བུར་བྱ་སྟེ། གཞན་ལས་ཕན་པའི་ལན་རེ་བར་མི་བྱའོ། །གཞན་གྱིས་སྐབས་མི་རྙེད་པར་བྱའོ། །སེམས་ཅན་ཐམས་ཅད་ཀྱི་ཕྱིར་གོ་ཆ་མི་འདོར་བར་བྱའོ། །སེམས་ཅན་ཐམས་ཅད་ཀྱི་དོན་དུ་སྤྲོ་བ་མི་བཟློག་པར་
D44.035.0384a01.01བྱའོ། །སེམས་ཅན་ཐམས་ཅད་ཀྱི་བདེ་བ་བསྒྲུབ་པའི་ཡོངས་སུ་བསྔོ་བ་ལས་ཕྱིར་ལྡོག་པར་མི་བྱའོ། །དགེ་བའི་རྩ་བ་ཆུང་ངུ་ཡང་བསྡུ་བར་བྱ་སྟེ། ཡོངས་སུ་བསྔོ་བ་ཆུང་ངུས་ཡོངས་སུ་བསྔོ་ཞིང་དགའ་བར་བྱའོ། །དགེ་བའི་རྩ་བ་ཕན་པར་མི་འགྱུར་བ་རྣམས་ནི་
D44.035.0384a02.01སེམས་ཅན་རྣམས་ལ་བསྔོ་བར་མི་བྱ་སྟེ། ཅི་ནས་ཀྱང་དགེ་བའི་རྩ་བ་དེ་དག་སེམས་ཅན་ཐམས་ཅད་ལ་བདེ་བར་འགྱུར་བ་དེ་ལྟར་བསྔོའོ། །མངོན་པར་ཆགས་པ་མེད་པའི་ཆོས་ཉིད་ལ་རྟེན་ཏེ། ཡོངས་སུ་བསྔོ་བར་བྱའོ། །སེམས་ཅན་རྣམས་ཀྱི་ངོ་བོ་ཉིད་དུ་ཡོངས་
D44.035.0384a03.01སུ་བསྔོ་བར་བྱའོ་ཞེས་ཏེ། དེ་ནི་འཕོ་བའི་ཚུལ་གྱིས་ཡོངས་སུ་བསྔོ་བ་ལ་གནས་པ་མ་ཡིན། སྲིད་པ་ལ་མངོན་པར་ཆགས་པའི་ཕྱིར་དགེ་བའི་རྩ་བ་དེ་དག་ལ་མི་གནས་སོ། །མཚན་མའི་ཚུལ་གྱིས་དགེ་བའི་རྩ་བ་དེ་དག་ཡོངས་སུ་མི་བསྔོའོ། །དངོས་པོ་ལ་
D44.035.0384a04.01མངོན་པར་ཆགས་པའི་ཕྱིར་ལས་ཀྱི་རྣམ་པར་སྨིན་པ་ལ་ཡོངས་སུ་མི་རྟོག་གོ །ཕུང་པོ་རྣམས་ཀྱི་འདུ་ཤེས་ལ་གནས་ཤིང་ཡོངས་སུ་མི་བསྔོའོ། །ཕུང་པོ་འཇིག་པ་ལ་གནས་ཤིང་ཡོངས་སུ་མི་བསྔོའོ། །ལས་རྣམ་པར་རྟོག་པ་ལ་གནས་ཤིང་ཡོངས་སུ་མི་བསྔོའོ། །རྣམ་པར་སྨིན་པ་ལ་རེ་བས་
D44.035.0384a05.01མ་ཡིན་ནོ། །བརྟེན་པས་བསྙེམས་ཤིང་མ་ཡིན་ནོ། །འབྲེལ་པར་འབྱུང་བ་ལ་ཀུན་ཏུ་རྟོག་པས་མ་ཡིན་ནོ། །གྲགས་པ་ལ་གནས་པས་མ་ཡིན་ནོ། །གནས་ཀྱི་འདུ་ཤེས་ལ་གནས་པས་མ་ཡིན་ནོ། །གནས་སུ་རྟོག་པ་ལ་གནས་པས་མ་ཡིན་ནོ། །ཆོས་ལ་རྣམ་པར་
D44.035.0384a06.01རྟོག་པ་ལ་གནས་པས་མ་ཡིན་ནོ། །སེམས་ཅན་གྱི་འདུ་ཤེས་ལ་གནས་པས་མ་ཡིན་ཏེ། ཁམས་ཀྱི་ཚུལ་རྣམ་པ་ཐ་དད་པའི་རྗེས་སུ་སོང་བས་ཡོངས་སུ་མི་བསྔོའོ། །སེམས་ཀྱི་ཀུན་ཏུ་རྟོག་པ་ལ་གནས་ཏེ། ཡོངས་སུ་མི་བསྔོའོ། །སེམས་ཀྱི་ཕྱིན་
D44.035.0384a07.01